2 KORINTUS 10:6 - BIBEL JAMITA NA DENGGAN

⁶ Jana muda dung patu hamu sian sandok roha, madung singkop hami laho manguhumi sude halak na so unduk dope.

2 KORINTUS 10:6 ပူးပေါင်းရင်းမြစ်များ

SURAT NI SI PAULUS TU PARLAGUTAN ROM 2:23

Ginjang do rohamunu hara ni na adong di hamu Tona i hape marbile do Debata markite-hite hamu na so patuluskon Tona i.

1 KORINTUS 4:21

Jadi pili hamu ma sanga dia do giotmunu! Angkon maroban loncing-loncing dehe au ro mangajari hamu sanga mardongan halambohon dohot holong ni roha do?

2 KORINTUS 13:10

Jadi hara ni i ma umbaen na hutongos surat on, dompak so lalu dope au di tonga-tongamunu. Jadi muda ro au saulahon, indangkon pola nian hubaen pambaenan na karas mamake kuaso na nilehen ni Tuhan i tu au, harana dilehen pe kuaso i tu au na laho paturehon hamu do, nada na laho manyegohon.

2 KORINTUS 13:2

Madung hupaingot hian sanga ise di hatiha na salpu na mambaen dosa bope sude angka na asing i, i ma di na padua-nolihon ro au mandapotkon hamu. Saonnari dompak padao-dao au sian hamu, hupaingot hamu mangulahi, muda ro au mangulahi sahalak pe nada adong na so hona uhum sian halahi.

2 KORINTUS 2:9

Hubaen pe surat i tu hamu, laho manguji rohamunu do au sanga na tongtong do hamu ra mangoloi angka sipaingotku.

2 KORINTUS 7:15

Gabe mur tamba do holong ni rohania tu hamu, angke sai diingot ia do sanga na tarbia pangoloimunu sudena di panogu-noguonnia jana sanga na tarbia panjagitmunu disia mardongan biar dohot hitir.

1 TIMOTEUS 1:20

I ma songon si Himeneus dohot si Aleksander. Ma hupasahat halahi na dua tu Sibolis, anso jora halahi mangincahi.

3 JOHANNES 1:10

Muda ro au bagi na andigan, hataanku do taringot tu pambaenannia, i ma taringot tu angka pangalaho na jat dohot gabus na nihatahonnia taringot tu hami! Tapi nada tuk dope i disia. Dompak na ro angka dongan Kristen i, nada ra ia manjagitsa. Diantahi ia muse dope halak na ra manjagit angka dongan i jana disuru ia anso morot halahi sian parlagutan i.