2 KORINTUS 10:4 - BIBEL JAMITA NA DENGGAN

⁴ Nada hami pake angka sinjata ni portibi on di bagasan paraloannami tapi angka sinjata ni Debata na markuaso i do. Sinjata i do hami baen manaluhon angka partahanan ni jolma. Hami alusi do sude angka parsoalan

2 KORINTUS 10:4 ပူးပေါင်းရင်းမြစ်များ

MASMUR 110:2

Sian Sion pabidangon ni Tuhan ma harajaanmu, markuaso ma ho di tonga-tonga ni angka musumu.

JESAYA 30:25

Di ari dompak na manghobuk angka benteng ni musumu jana dibunui angka halakna i, mamincar ma angka anak ni batang aek sian ganop dolok dohot tor.

JEREMIA 1:10

Ingot ma, sadari on Hulehen di ho kuaso maradopkon angka bangso dohot angka harajaon, kuaso mangarumpakkon dohot mangaroncohon, laho manunggalingkon dohot mangabiskon, laho pajongjongkon dohot manyuan.”

JEREMIA 23:29

Songon api do hatangKu jana songon toko na manapor batu!

BAENON NI ANGKA RASUL 7:22

Sudena parbinotoan ni halak Mesir diajarkon do tusia jana gabe halak na marsahala situtu do ia muda mandok hata dohot mambaen sanga na aha.

SURAT NI SI PAULUS TU PARLAGUTAN ROM 13:12

Salpu ne ma borngin; jana torang ma ari santongkin nari. Antong, taantak ma angka pangalaho na golap. Tapasingkop ma dirinta dohot sinjata na torang.

SURAT NI SI PAULUS TU PARLAGUTAN ROM 6:13

Sada muse, ulang be pasahat hamu goar-goaran ni pamatangmunu tu kuaso ni dosa gabe parkokas laho mambaen angka na jahat. Tapi tu Debata ma pasahat hamu dirimunu songon halak na dung nipapinda sian hamatean tu hangoluan. Jana pasahat hamu ma sude goar-goaran ni pamatangmunu i tu Debata gabe parkokas laho mambaen angka na tigor.

1 KORINTUS 2:5

Hubaen pe songon i, anso ulang marojahan tu hamaloan ni jolma do haporsayaanmunu, tapi anso marojahan tu kuaso ni Debata.

1 KORINTUS 9:7

Adong ma he tentara na kehe marporang, angkon laing jalahannia muse balanjonia sandiri? Nada adong halak na manyuan anggur di kobunna hape nada dipangan ia sian suha ni kobunna i! Nada adong parmahan biri-biri na so manginum susu ni pahan-pahananna i!

2 KORINTUS 10:8

Nada pola ila rohangku muda jotjot pe hupaboa-boa kuaso na nilehen ni Tuhan di hami, harana na giot mambangun hamu do i umbaen na dilehen, nada na giot manyegohon.

2 KORINTUS 13:10

Jadi hara ni i ma umbaen na hutongos surat on, dompak so lalu dope au di tonga-tongamunu. Jadi muda ro au saulahon, indangkon pola nian hubaen pambaenan na karas mamake kuaso na nilehen ni Tuhan i tu au, harana dilehen pe kuaso i tu au na laho paturehon hamu do, nada na laho manyegohon.

2 KORINTUS 3:5

Nada adong sanga aha anggo di bagasan dirinami sipangasahonon na mambaen hami sanggup mambaen karejo on, na nilehen ni Debata do hamaloon i di hami.

2 KORINTUS 4:7

Tapi hami paoban-oban do arta partondion na jeges i di bagasan dirinami na so mararga on, i ma na nibaen sian tano. Jadi muda songon i, torang ma anggo hagodangan ni kuaso i marguru di Debata do, nada marguru di hami.

2 KORINTUS 6:7

di na manjamitahon jamita na sintong dohot kuaso ni Debata, markite-hite sinjata hatigoran i do hami mangaroro sanga martahan.

1 TESSALONIKA 5:8

Tapi anggo hita on, angka halak na sian arian do, jadi angkon torang do rohanta. Angkon pakeonta do haporsayaan dohot holong ni roha songon baju bosi tu parporangan. Jana kupia bajanta, i ma arop ni rohanta di haluaanta i.

1 TIMOTEUS 1:18

Pos do rohangku pasahatkon karejo on tu ho, ale Timoteus anakku, hombar tu na nisurirangkon taringot tu ho, anso dipargogoi panurirangon i ho mangkarejohon pambaenan na denggan,

2 TIMOTEUS 2:3

Angkon laing dohot do ho manaon parkancitan songon tentara na burju di Jesus Kristus.

IBRANI 11:30

Hara ni haporsayaanna, dung dihaliangi halak Israel tembok ni Jeriko pitu ari honokna gabe matolbak do tembok i.

JOSUA 6:20

Jadi diombus angka malim ma sarunena. Jana disi dibege angka halak Israel sora ni sarune i marsurak ma halahi sagogona, jadi gabe matolbak ma tembok ni kota Jeriko i. Manigor manangkok ma tentara ni Israel tu dolok jana masuk tu kota i mangarampassa.