2 KORINTUS 10:1 - BIBEL JAMITA NA DENGGAN

¹ Saonnari, au si Paulus, hupaingot ma hamu markite-hite lambok ni roha dohot habasaron ni Kristus. Anggo ninna halak na parbiar do au di tonga-tongamunu taran marsuo bohi tu bohi, tapi puluk do au muda dao sian hamu. Antong, hara ni halambohon bope hadengganan ni roha ni Kristus,

2 KORINTUS 10:1 ပူးပေါင်းရင်းမြစ်များ

MASMUR 45:4

Maju ma da mardongan sahala manuju habonggalan marayakkon hajojongjong ni hatigoran dohot uhum. Gogo ni raja i ma da padumpangkon hamonangan na marbungaran.

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

MATEUS 11:29

Ihutkon hamu ma na Hudok, marsiajar ma hamu tu Au! Angke na lambok do Au jana na serep marroha, jadi togar ma tondimunu.

MATEUS 21:5

“Dokkon ma tu boru Sion, Ligi ma, ma ro Rajamu manopot ho saonnari. Na serep roha do Ia, jana mangalombut halode, sada halode jara-jara.”

BAENON NI ANGKA RASUL 8:32

On ma ayat na nisisenia i, “Songon biri-biri na niiring tu panyambolan do Ia, songon anak ni biri-biri na hohom di na nigusting imbuluna, songon i ma Ia umpe sangkababa hata didok Ia.

SURAT NI SI PAULUS TU PARLAGUTAN ROM 10:20

Umpuluk do si Jesaya mandok, “Madung padumpang dohot Au angka halak na so manjalahi Au; jana madung Hupatidahon diringKu tu halak na so marsapa taringot tu Au.”

SURAT NI SI PAULUS TU PARLAGUTAN ROM 12:1

Hara ni i ale angka dongan, hupaingot ma hamu markite-hite ibo ni roha ni Debata, anso dipasahat hamu dirimunu gabe haul na mangolu, na badia jana na tumbuk di roha ni Debata, i ma na gabe hangoluanmunu na sapatutna.

SURAT NI SI PAULUS TU PARLAGUTAN ROM 15:15

Tapi haru songon i pe hupulukkon do rohangku mambaen surat tu hamu, songon na paingotkon hamu hara ni asi ni roha na nilehen ni Debata tu au.

1 KORINTUS 2:3

Dompak rap au dohot hamu, gale jana humitir do au hara ni na mabiar.

1 KORINTUS 4:10

Gabe angka na oto do hami hara ni Kristus jana hamu angka na malo dibagasan Kristus! Hami angka na gale, hamu na gogo! Hami diincahi, anggo hamu dipapuji-puji!

1 KORINTUS 4:21

Jadi pili hamu ma sanga dia do giotmunu! Angkon maroban loncing-loncing dehe au ro mangajari hamu sanga mardongan halambohon dohot holong ni roha do?

2 KORINTUS 10:10

Dokkonon ni halahi ma, “Pir jana marsahala do angka surat ni si Paulus i, hape muda hatiha di tonga-tonganta, gale-gale do ia idaon jana hatania pe so binoto sanga aha astuanna!”

2 KORINTUS 10:2

gomos hupangido tu hamu, ulang pola baen hamu parbonciran anso karas au maradopkon hamu muda ro au sanoli on. Angkon pir do baenonku hata anggo tu angka na mandok, anggo hami hum na manjalak-jalahi na di portibi on sajo do karejonami.

2 KORINTUS 10:7

Angkon botoonmunu sugari pangalaho na satutuna. Muda dihaposi roha ni sada halak do nampuna ni Kristus ia, dipareso ia ma mangulahi dirinia jana diboto ia ma, hami pe laing nampuna ni Kristus do songon ia.

2 KORINTUS 11:21

Songon na ila do rohangku mandok na magaletu hami laho mambaen songon i. Tapi muda adong halak na puluk pagodang diri, au pe puluk do mambaen songon i. (Songon halak na oto do au mandok on.)

2 KORINTUS 11:30

Muda angkon pagodang diri au, hara ni hagaleanku noma pagodang diri au.

2 KORINTUS 12:5

I ma halakna na giot pujionki, nada au sandiri. Anggo au do, hum angka pangalaho na paboa-boahon hagaleanku ma na hupuji diringku.

2 KORINTUS 3:12

Harana sisongon i do na niarop ni rohanami, gabe puluk ma hami mangkatahon na songon i.

2 KORINTUS 5:20

Partonaan ni Kristus do hami. Mandok hata pe hami tu hamu, songon na Debata sandiri do na mangkobari tu hamu. Mangasahon goar ni Kristus gomos ma hami pangido tu hamu, sai ra ma hamu dipadenggan dohot Debata.

2 KORINTUS 6:1

Tapi songon dongan saparkarejoan do hami podai hamu, gomos ma hami pangido tu hamu, ulang ma parsayang hamu hadengganan ni roha ni Debata i.

2 KORINTUS 7:4

Pos situtu do rohangku di hamu. Moga situtu do pangkilalaanku hara ni hamu. Haru pe bahat hasusaan hami taon, tarapul situtu do rohangku hara ni hamu. Jop sajo do rohangku!

GALATIA 4:13

Tontu laing diingot hamu do sanga na bia pangalahongku di na hujamitahon tu hamu Jamita Na Denggan i di mulana. I ma hara ni na marnyae au.

GALATIA 5:2

Ingot ma, muda dipangido hamu sunaton hamu, na so adong do sanga aha guna ni Kristus di hamu. Au sandiri si Paulus do na mandok on.

EPESUS 3:1

I ma dalanna umbaen na tarhurung au si Paulus hara ni Jesus Kristus, laho manyarihon haporluanmunu angka dongan na so bangso Jahudi.

EPESUS 4:1

Hara ni i ma – au sada halak na tarhurung, na nihurungkon hara ni na mangoloi Tuhan i – gomos hupangido tu hamu: Dalani hamu ma ngolumunu marguru tu parobananmunu songon halak na dung dipiohon Debata.

PILIPPI 4:5

Angkon idaon ni halak ma nian pangalahomunu sian roha na denggan. Madung donok Tuhan i.

KOLOSSE 1:23

Hara ni i angkon ojak jana togu do hamu di bagasan haporsayaan i, jana nada ra be hamu nipaorot sian arop ni roha ni Jamita Na Denggan na dung binegemunu. Madung dijamitahon jamita i tu sude na nitompa di tano on, jana na dung gabe naposo ni i do au si Paulus.

2 TESSALONIKA 3:17

Tabe sian au, si Paulus. Na nisurat ni tanganku sandiri do on. Songon on ma tandana disude angka suratku.

PILEMON 1:19

Au sandiri na manyuratkon dison tu ho: “Au ma si Paulus manggararsa tu ho.” (Tontu nada pola porlu sunggulanku tu ho, paboa na marutang muse do ho tu au, i ma dirimu sandiri.)

PILEMON 1:9

Tapi hara ni holong ni roha, gumonan noma mangido au tu ho. Au, si Paulus na dung matobang, jana na dihurung saonnari hara ni Kristus Jesus,

1 PETRUS 2:11

Hamu angka dongan na nihaholongan! Halak na asing do hamu jana pangaranto di tano on. Hara ni i gomos hupangido tu hamu anso ulang ihutkon hamu hagiot ni jolma na sai marporang mangalo tondi.

HALUMBAAN 1:9

Si Johannes do au, kahanggi bope donganmunu saparjuangan na topet manaon parkancitan, di harajaan dohot di pohom ni roha paintehon Jesus. Na tarbuang do au di pulo Patmos hara ni na pararatkon jamita na sian Debata na nipasahat ni Jesus.