2 KORINTUS 1:6 - BIBEL JAMITA NA DENGGAN

⁶ Muda hami taon hasusaan, laho patoguhon rohamunu do i, anso malua hamu. Muda mur togu rohanami, gabe dohot do hamu dipatogu jana gabe sobar hamu di bagasan angka hasusaan songon na hami taon i.

2 KORINTUS 1:6 ပူးပေါင်းရင်းမြစ်များ

BAENON NI ANGKA RASUL 21:5

Tapi dung dapot hatihana sai honok hami disi, hami tadingkon ma halahi, hami patorus ma pardalanannami. Sude ma halahi pataru hami, na menek na magodang, ama dohot ina lopus tu ruar ni kota i. Di topi ni laut i marsinggang ma hami martangiang disi.

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

2 KORINTUS 1:4

Diapoi Ia do rohanami di bagasan sasudena hasusaan na hami bolus, anso tarapoi hami muse ma roha ni halak na di bagasan hasusaan markite-hite gogo na hami jagit i sian Debata.

2 KORINTUS 12:15

Jadi hara ni i sudena, sian jop ni rohangku ra do au mangalehen sasudena hara ni hamu, haru diringku sandiri pe ra do au pasahatkon i tu hamu. Muda songon i ma holong ni rohangku tu hamu, tama dope he laing hurang holong ni rohamunu mida au?

2 KORINTUS 5:5

Debata sandiri do na pasingkopkon hita tusi jana dilehen Ia do TondiNia tu hita gabe jaminanna.

EPESUS 3:1

I ma dalanna umbaen na tarhurung au si Paulus hara ni Jesus Kristus, laho manyarihon haporluanmunu angka dongan na so bangso Jahudi.

EPESUS 3:13

Jadi pangidoanku: Ulang pola ganggu be rohamunu mamikirkon sanga aha pe na hutaon hara ni hamu; laho patamahon na tu hamu do sudena i.

PILIPPI 1:19

angke huboto do, hara ni angka tangiangmunu i dohot hara ni pangurupi ni Tondi Ni Jesus Kristus angkon malua do au.

2 TIMOTEUS 2:10

Hara ni i do umbaen na huhasobarkon mananggung sudena i pasari-sari angka dongan na dung nipili ni Debata. Hutaon pe sudena i bia anso laing dohot halahi maruli haluaan na di bagasan Kristus Jesus, dohot hasangapan salolot-lolotna.