2 KORINTUS 1:3 - BIBEL JAMITA NA DENGGAN

³ Pinuji ma Debata Ama ni Tuhanta Jesus Kristus. Ia ma Ama na sun denggan rohaNa jana Ia do Debata na mangalehen pangapoion ni roha tu jolma manusia.

2 KORINTUS 1:3 ပူးပေါင်းရင်းမြစ်များ

PAMUNGKAAN 14:20

Tarpuji ma Debata Na Gumincat i na dung mangalehen hamonangan tu ho maradopkon angka musumu.” Dung i dipasahat si Abram ma tu si Melkisedek saparsampulu sian sude barang na nirampas i na niobannia mulak.

1 JUJUR TAON 29:10

Di jolo ni halak na bahat i, dipuji Raja Daud ma Tuhan. Ning ia ma, “O Tuhan, Debata na nisomba ni ompunami si Jakob, sipujion ma Ho salolot-lolotna!

NEHEMIA 9:5

Angka halak Levi do na mamungka ibadat di ari i, i ma si Jesua, si Kadmiel, si Bani, si Hasabneya, si Serebya, si Hodia, si Sebanya dohot si Petahya. Didok halahi ma, “Jongjong ma hamu, jana puji ma Tuhan Debatanta! Lehen ma tuSia pujian salolot-lolotna! Nipuji ma goarNa na gok hamuliaan, goar na hebat, na manyalpui sandok pujian!”

JOB 1:21

“Nada adong bagi na ahangku di na nitubuhon au, jana mate pe au nada mardiha-diha. Madung dilehen Tuhan i sudena jana Ia muse do na mambuatsa. Nipuji ma goar ni Tuhan i!”

MASMUR 18:46

Tuhan na mangolu! Nipuji ma na mambela au! Pasangap ma hagogoon ni Debata, na palua au!

MASMUR 68:35

Homang ma da roha mida tangan ni Debatanta muda ruar Ia sian parmiananNia. Dilehen Debata ni Israel do di bangsoNia hagogoan dohot kuasoNa. Puji-pujian ma di Debata!

MASMUR 72:19

Tarpuji ma goarNia na godang i sapanjangna; sai gok ma tano on dohot hamuliaanNia! Sai tulus ma songon i! Amen!

MASMUR 86:15

Tapi anggo Ho, ale Tuhan, Debata parholong do Ho jana pardenggan basa. Holong ni rohaMu na manongtong i maradu marlobian parsobar do Ho jana tongtong haposan.

MASMUR 86:5

Angke na burju do Ho ale Tuhan, jana sai mangampuni do Ho sanga ise na martangiang tu Ho sai dihaholongi Ho do.

JESAYA 66:13

ApoanKu ma hamu di Jerusalem, songon ina na mangapoi dakdanakna.

DANIEL 4:34

“Dung salpu hatiha sipitu taon i, hupadorgak ma tu langit gabe sumuang ma torang rohangku. Jadi hupuji ma Na Gumincat i. Hupasangap jana hupagodang ma na Tongtong Mangolu i, Mamarenta noma Debata salolot-lolotna. Markuaso do Ia sapanjangna.

DANIEL 9:9

Gok di Ho hasesaan ni dosa dohot asi ni roha haru pe madung mangalo hami tu Ho.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

JOHANNES 10:30

Sada do Au dohot Damang.”

JOHANNES 20:17

Didok Jesus ma tu si Maria, “Ulang jama Au jolo, harana nada podo manaek Au tu Damang. Kehe ma ho mandapotkon angka kahanggingKu jana paboa ma tu halahi, ‘Manaek ma Au tu Damang, i ma Amangmunu muse; tu DebatangKu, i ma Debatamunu muse.’ ”

2 KORINTUS 11:31

Debata, i ma Ama ni Tuhanta Jesus Kristus, na tarpuji ro di salolot ni lolotna do na umboto na so margabus au.

2 KORINTUS 7:6

Tapi tuani ma, sai dipagodang Debata do roha ni halak na menek roha; dipatogar Ia do rohanami markite-hite haroro ni si Titus.

EPESUS 1:17

Hupangido anso dilehen Debata ni Tuhanta Jesus Kristus, i ma Debata na sangap i, TondiNia tu hamu. Gabe marbisuk do hamu baenon ni Tondi i, jana patandahononNia ma Debata tu hamu anso ditanda hamu Ia.

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

PILIPPI 2:11

Angkon torang ma okuon ni halahi paboa Jesus Kristus do Tuhan; jadi nipasangap ma Debata Ama i muda songon i.

KOLOSSE 1:3

Madung hami bege, na dihaporsayai hamu Jesus Kristus jana dihaholongi hamu do sudena halak na badia. Jadi muda hatiha hami tangiangkon hamu, gabe tongtong do mandok tarimakasi hami tu Debata, Ama ni Tuhanta Jesus Kristus.

1 PETRUS 1:3

Mandok tarimakasi ma hita tu Debata bope Ama ni Tuhanta Jesus Kristus! Hara ni denggan ni rohaNia, dibaen Ia do hita gabe jolma na imbaru na maruli arop ni roha na tongtong mangolu, angke madung dipangolu Kristus mangulahi sian hamatean.

2 JOHANNES 1:4

Jop sajo do rohangku dung huboto, na adong do hape angka dakdanaknami na mangolu mangihutkon jamita na sintong i na sian Debata songon na dung diparentahon ni Ama i tu hita.

2 JOHANNES 1:9

Sanga ise na so maringan di pangajaran ni Kristus i, tapi na kehe manyimbil sian na niajarkon ni Kristus, nada marsada halak na songon i dohot Debata. Halak na sai tongtong di bagasan pangajaran ni Kristus, astuanna na marsada do ia tongtong tu Ama i dohot tu Anak i muse.