2 KORINTUS 1:2 - BIBEL JAMITA NA DENGGAN

² Asi ni roha ma di hamu dohot hasonangan sian Debata Amanta dohot sian Tuhanta Jesus Kristus!

2 KORINTUS 1:2 ပူးပေါင်းရင်းမြစ်များ

2 SAMUEL 15:20

Nada sadia lolot dope ho dung dison, nada patut giot suruonku ho dohot mimbarimbar rap dohot hami. Au sandiri nada huboto dope sanga na giot tu dia au kehe. Mulak ma hamu jana oban ma sude angka donganmu sabangso i – sai holong nian roha ni Tuhan tu ho jana sai ibo do rohaNia tu ho.”

1 JUJUR TAON 12:18

Jadi adong ma sahalak sian halahi, i ma si Amasai na gabe pamimpin ni na margoar “Tridasawira i”, digohi Tondi Ni Debata ma ia jana didok ia ma, “O Daud, anak ni si Isai! Donganmu do da hami! Sai manjadi ma nian karejomu dohot angka na mandongani ho. Mamihak tu ho do Debata!” Jadi dijaluangi si Daud ma halahi jana diangkat ia ma halahi gabe perwira di tonga-tonga ni tentarania i.

DANIEL 4:1

On ma boa-boa ni Raja Nebukadnesar na nitongosnia tu jolma sian sandok bangso, marga ni bangso dohot hata na marragam-ragam di sude portibi on: “Mur martamba-tamba ma hadameon di hamu!

SURAT NI SI PAULUS TU PARLAGUTAN ROM 1:7

Tu hamu sude na di Rom, na nihaholongan ni Debata, na nipio jana dibaen gabe halak na badia: Asi ni roha ma di hamu dohot hasonangan na sian Debata Amanta dohot sian Tuhan Jesus Kristus.

1 KORINTUS 1:3

Asi ni roha dohot hasonangan na sian Debata Amanta dohot sian Tuhan Jesus Kristus ma na mandongani hamu.

2 KORINTUS 1:3

Pinuji ma Debata Ama ni Tuhanta Jesus Kristus. Ia ma Ama na sun denggan rohaNa jana Ia do Debata na mangalehen pangapoion ni roha tu jolma manusia.

GALATIA 6:16

Di angka na mangolu songon pandiriankon, dohot di sude halak ni Debata, arop do rohangku lehenon ni Debata hasonangan dohot ibo ni rohaNia.

EPESUS 6:23

Sai dilehen Debata Ama, dohot Tuhan Jesus Kristus ma hasonangan dohot holong mardongan haporsayaan tu sude parlagutan i.

PILIPPI 1:2

Asi ni roha ma di hamu dohot hasonangan sian Debata Amanta, dohot sian Tuhan Jesus Kristus.

KOLOSSE 1:2

tu angka dongan sahaporsayaan di bagasan Kristus na di Kolosse; i ma angka na badia. Asi ni roha ma di hamu dohot hasonangan na sian Debata Amanta, i ma na mandongani hamu.

1 TESSALONIKA 1:1

Sian si Paulus, Silvanus dohot si Timoteus tu parlagutan ni halak Tessalonika na di bagasan Debata Ama dohot Tuhan Jesus Kristus. Asi ni roha dohot hasonangan ma di hamu!

2 TESSALONIKA 1:2

Asi ni roha dohot hasonangan ma di hamu, sian Debata, Amanta, dohot Tuhan Jesus Kristus.

PILEMON 1:3

Asi ni roha dohot hasonangan ma di hamu sian Debata, Amanta, dohot sian Tuhan Jesus Kristus!