2 JOHANNES 1:8 - BIBEL JAMITA NA DENGGAN

⁸ Hara ni i, jagohon hamu ma anso ulang jabat adong sanga aha na mago sian na hami pasahat i tu hamu. Manat ma hamu anso laing dohot hamu manjagit sudena upamunu i.

2 JOHANNES 1:8 ပူးပေါင်းရင်းမြစ်များ

DANIEL 12:3

Marsinondang be ma songon sinondang ni langit angka pamimpin na marbisuk i. Jana halahi na dung mangajari halak na bahat laho mambaen sanga aha na denggan dohot na tigor, marsinondang ma halahi songon angka bintang i salolot-lolotna.”

MATEUS 24:4

Dialusi Jesus ma, “Angkon manat do hamu. Ulang jabat dipaoto-oto halak hamu.

MARKUS 13:23

Antong jonggor ma hamu! Madung Hupaboa hian sudena i tu hamu dompak so tulus dope.”

MARKUS 13:9

Angkon jamot do hamu, angke tangkupon do hamu, obanon tu rapot ugamo. Dibalbali halahi ma hamu di angka bagas paribadatan. Obanon ma hamu mangadop tu jolo ni angka parkuaso dohot raja-raja hara ni Au. Anso gabe hasaksian ma i taringot tu goarKu di halahi sude.

LUKAS 19:19

Didok pangarajai i ma tu naposona i, ‘Gabe pangarajai ma ho di lima kota.’

LUKAS 21:8

Didok Jesus ma, “Jago ma hamu anso ulang tarpaoto-oto hamu. Angke bahat do halak na giot marroan mamake goarKu. Dokkonon ni halahi ma, ‘Au ma da Ia!’ dohot ‘Madung dapot hatihana.’ Ulang ihutkon hamu halahi.

JOHANNES 4:36

Manjagiti upana ma angka na manyabi i; jana dipalagut ma suhana i tu hangoluan na so mantak. Rap marsonang-sonang ma panyabur dohot panyabi.

1 KORINTUS 15:8

Na parpudi situtu, dipatidahon Ia diriNia tu au muse – tu au na songon dakdanak na sorang taran so ro dope hatihana!

1 KORINTUS 3:14

Muda tahan do bagas na nipajongjong di ginjang ni ojahan i ditutung dohot api i, jagiton ni tukangna i ma upania.

1 KORINTUS 3:8

Bope na mananom sanga pe na manyiram sarupa do i.

GALATIA 3:4

Antong, parcuma noma he sude na nitaonmunu i? Tontu nada!

GALATIA 4:11

Songon na gamang do au, betak na parcuma do halolojangki dibaen hamu!

PILIPPI 3:16

Sada nari na porlu parrohahonon: Angkon ihutkononta do tiruan na dung tajagit i lopus tu hatiha on.

IBRANI 10:32

Ingot hamu ma sanga na bia pangalahomunu di hatiha na salpu. Anggo di hatiha i, dung ditorangi sinondang ni Debata hamu, bahat do parhancitan ditaon hamu; haru songon i pe laing marsitutu do hamu marjuang.

IBRANI 10:35

Jadi hara ni i, ulang mandele hamu, angke muda togu do haporsayaanmunu, adong do upa na godang disi!

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.

HALUMBAAN 3:11

Ligi ma! Tibu do Au ro! Tiop ma na adong di ho, anso ulang adong na mambuat tukumi.