2 JOHANNES 1:5 - BIBEL JAMITA NA DENGGAN

⁵ Jadi gomos hupangido di Dainang anso marsihaholongan hita sama hita. Nada pola tona na imbaru na hupajojor on; na dung dilehen do tu hita tona on sian mulana.

2 JOHANNES 1:5 ပူးပေါင်းရင်းမြစ်များ

JOHANNES 15:12

On ma parentangKi; angkon marsihaholongan do hamu sama hamu, songon pangkaholongingKu di hamu.

JOHANNES 15:17

On ma parentangKi tu hamu: Angkon rap marsihaholongan ma hamu.”

GALATIA 5:22

Tapi anggo parbatu ni Tondi i, on do: Holong ni roha, jop ni roha, hasonangan, lambok ni roha, habasaran, lidang ni roha, hatomanan,

EPESUS 5:2

Angkon mardai holong ni roha ma nian ngolumunu, laing songon pangkaholongi ni Kristus di hita. Dihaulkon Ia do diriNia hara ni hita, gabe songon silehen-lehen dohot haul na huskus na pasonangkon roha ni Debata.

1 TESSALONIKA 4:9

Nada pola porlu be suratkononnami tu hamu anggo taringot tu na manghaholongi dongan sahaporsayaan sanga na bia baenonmunu. Hamu sandiri pe madung diajari Debata anso marsihaholongan.

IBRANI 13:1

Tongtong ma jagohon hamu holong maradopkon dongan!

1 PETRUS 4:8

Tapi na umporlu sian sasudena i, marsihaholongan ma hamu sama hamu, angke muda marsihaholongan hamu gabe bahat ma dosa disesa.

2 PETRUS 1:7

Di bagasan hadaulatan tu Debata ditambahon ma holong ni roha mida dongan, jana di bagasan holong ni roha mida dongan di tambahon ma holong ni roha mida sude halak.

1 JOHANNES 3:11

Sian mulana madung dipaboa jamita on tu hamu: Angkon marsihaholongan do hita sama hita.

1 JOHANNES 3:23

Anggo na niparentahonNia tu hita, on do: Angkon tahaporsayai do AnakNia i, i ma Jesus Kristus; jana angkon marsihaholongan do hita sama hita songon na niparentahon ni Kristus tu hita.

1 JOHANNES 4:20

Muda adong na mandok, “Huhaholongi do Debata,” hape hosom rohania mida dongannia, pargabus do halak na songon i. Angke sanga ise na so mangkaholongi dongan na bolas idaonnia, nada tarbaen ia be mangkaholongi Debata na so jungada diida ia.

2 JOHANNES 1:1

Sian Sintua tu Ina na dung tarpili dohot tu angka dakdanakna na huhaholongi. Nada hum au sajo na mangkaholongi hamu, tapi dohot do sude halak na dung mananda hasintongan i.