2 JOHANNES 1:3 - BIBEL JAMITA NA DENGGAN

³ Sai dipasupasu ma hita jana sai dilehen ma asi ni roha dohot hasonangan sian Debata Amanta i dohot sian Jesus Kristus Anak Ni Debata Ama i. Sai maruli ma hita di sudena i di bagasan hasintongan dohot holong ni roha.

2 JOHANNES 1:3 ပူးပေါင်းရင်းမြစ်များ

ZAKARIA 8:19

“Gabe ari pesta na gok jop ni roha dohot hasonangan ma di halak Juda puaso na didalankon di bulan paopatkon, palimahon, papituhon dohot pasampuluhon. Haholongi hamu ma hatigoran dohot dame!”

SURAT NI SI PAULUS TU PARLAGUTAN ROM 1:7

Tu hamu sude na di Rom, na nihaholongan ni Debata, na nipio jana dibaen gabe halak na badia: Asi ni roha ma di hamu dohot hasonangan na sian Debata Amanta dohot sian Tuhan Jesus Kristus.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

1 TIMOTEUS 1:14

Hape asi ni roha ni Tuhanta i madung dipasupasuhon marlobi-lobi tu au. Dilehen Ia do i marhite haporsayaan dohot holong ni roha di bagasan Kristus Jesus.

1 TIMOTEUS 1:2

Tu si Timoteus anakku situtu di bagasan haporsayaan. Asi ni roha dohot hasonangan ma di ho sian Debata Amanta dohot sian Kristus Jesus Tuhanta i.

2 TIMOTEUS 1:13

Haburjuhon ma mangihutkon pangajaran na tutu na dung huajarkon i tu ho. Jana porsaya ma ho tongtong dohot marholong ni roha, angke na dung mardomu do ho dohot Jesus Kristus.

1 JOHANNES 4:10

On do holong ni roha i: Nada hita parjolo mangkaholongi Debata tapi Debata do na mangkaholongi hita jana na marsuru AnakNia tu portibi on anso dapotan pardengganan hita taringot tu angka dosanta.

2 JOHANNES 1:1

Sian Sintua tu Ina na dung tarpili dohot tu angka dakdanakna na huhaholongi. Nada hum au sajo na mangkaholongi hamu, tapi dohot do sude halak na dung mananda hasintongan i.