2 JOHANNES 1:2 - BIBEL JAMITA NA DENGGAN

² Angke maringanan do jamita na sintong i na sian Debata di bagasan rohanta jana na sai tongtong rap dohot hita salolot-lolotna.

2 JOHANNES 1:2 ပူးပေါင်းရင်းမြစ်များ

JOHANNES 14:16

Dung i Hupangido pe tu Ama i, anso dilehen Ia Pangurupi na asing di hamu, na tinggal rap dohot hamu salolot-lolotna,

JOHANNES 15:7

Muda tinggal do hamu di bagasan Au jana pangajaranKu pe sai tinggal di bagasan rohamunu, tola ma pangidoanmunu sanga na aha pe giotmunu; nigohan ma pangidoanmunu i.

1 KORINTUS 9:23

Hara ni Jamita Na Denggan i do, hubaen songon i sudena, anso laing dohot au muse dipasupasu.

2 KORINTUS 4:5

Anggo Jamita na hami pasahat i nada barita taringot tu dirinami sandiri i. Barita taringot tu Jesus Kristus do i; paboahon na tutu do Ia Tuhan jana hami ma angka naposomunu hara ni Ia.

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

2 TIMOTEUS 1:5

Taringot do tu rohangku situtu ni haporsayaanmu tu Kristus, sarupa tu haporsayaan ni ompungmu si Lois dohot inanta si Eunike. Jana au pe pos do rohangku, laing songon i muse haporsayaanmu.

2 PETRUS 1:12

Hara ni i, angkon laing pupuonku do paingotkon na songon i tu hamu, haru pe nian madung tangkas i di hamu jana na dung situtu hamu porsaya tu hatigoran na sian Debata na nijagitmunu i.

1 JOHANNES 1:8

Muda tadokkon nada mardosa hita, na paoto-oto dirinta do hita disi, jana nada adong hasintongan di bagasan dirinta.

1 JOHANNES 2:14

Hubaen surat on tu hamu angka dakdanak, dibaen madung ditanda hamu Ama i. Hubaen surat on tu hamu angka ama, dibaen madung ditanda hamu Ia na dung adong hian sian mula ni mulana. Hubaen surat on tu hamu angka na poso, angke gogo do hamu, jana hata ni Debata maringanan di bagasan hamu, jana madung ditaluhon hamu hajahatan i.

1 JOHANNES 2:17

Na giot mago do portibi on bope sasudena na adong di bagasanna na nihalungunkon ni jolma. Tapi anggo halak na patulus hagiot ni Debata, mangolu do salolot-lolotna.