2 JOHANNES 1:10 - BIBEL JAMITA NA DENGGAN

¹⁰ Hara ni i, muda adong halak na ro jana manjamitahon tu hamu pangajaran na so niajarkon ni Kristus, ulang ma jagit hamu halakna i di bagasmunu; jana ulang dok hamu “Horas” tu halahi.

2 JOHANNES 1:10 ပူးပေါင်းရင်းမြစ်များ

PAMUNGKAAN 24:12

Jadi martangiang ma hatoban i, “O Tuhan, Debata ni tuanku si Abraham, urupi ma au anso denggan manjadi sadari on na hudalankon, jana ingot ma janjiMu na tu tuanku si Abraham.

1 RAJA-RAJA 13:16

Tapi dialusi panurirang na sian Juda i ma, “Nada. Nada tarjagit au ontang-ontangmunu i dohot tu bagas. Au pe nada mangan au sanga minum dison dohot hamu i,

MASMUR 129:8

Nada pola dokkonon ni halak pamolus, “Sai dipasupasu Tuhan ma nian ho, mangasahon goar ni Tuhan hami pasupasu ma ho.”

BAENON NI ANGKA RASUL 15:23

Laing maroban surat do halahi na nisuru i, songon on ma hata ni surat i, “Mandapotkon angka dongan na porsaya na marasal sian bangso na asing na so Jahudi, na maringanan di Antiokia, di Siria dohot di Kilikia. Tabe ma di hamu sian donganmunu, i ma angka rasul dohot angka pangituai.

1 KORINTUS 16:22

Sanga ise na so manghaholongi Tuhan Jesus, padiar ma diuhumi Debata ia. Maranatha – sigop ma Ho ro, Tuhan!

1 KORINTUS 5:11

Anggo na humaksud songon on do: Ulang pardongan hamu halak na mangoku dirina Kristen hape rorang halahi, sanga songkal, sanga pe sioloi gana-ganaan sanga na sai ra pabusuk-busuk dongan, sanga parmabuk sanga pe panangko. Hum sajuguhan pe mangan dohot halak sisongon i, ulang!

2 TESSALONIKA 3:14

Betak adong na so ra mangihutkon na hami dok di bagasan surat on, tanda hamu ma halak na songon i jana ulang pardongan hamu halahi anso maila.

2 TESSALONIKA 3:6

Mangasahon kuaso ni Tuhan Jesus Kristus hami paingot ma hamu ale angka dongan, paholang hamu ma dirimunu sian angka dongan na losok, jana na so manangihon pangajaran na hami ajarkon tu hamu.

TITUS 3:10

Sanga ise na patubu bada di parlagutan i angkon paingotonmu do sanoli sanga dua noli; dung i indangkon be sai mardomu ho dohot halakna i.

2 JOHANNES 1:11

Angke sanga ise na manjalang halak na songon i, na dohot do i rap dohot halahi mambaen parange na jahat i.

3 JOHANNES 1:10

Muda ro au bagi na andigan, hataanku do taringot tu pambaenannia, i ma taringot tu angka pangalaho na jat dohot gabus na nihatahonnia taringot tu hami! Tapi nada tuk dope i disia. Dompak na ro angka dongan Kristen i, nada ra ia manjagitsa. Diantahi ia muse dope halak na ra manjagit angka dongan i jana disuru ia anso morot halahi sian parlagutan i.