2 JOHANNES 1:1 - BIBEL JAMITA NA DENGGAN

¹ Sian Sintua tu Ina na dung tarpili dohot tu angka dakdanakna na huhaholongi. Nada hum au sajo na mangkaholongi hamu, tapi dohot do sude halak na dung mananda hasintongan i.

2 JOHANNES 1:1 ပူးပေါင်းရင်းမြစ်များ

LUKAS 1:3

Tapi saonnari, dibaen madung tangkas hupamanat sudena i sian mulana, gabe laing denggan ninna rohangku laho manyuratkon sada laporan na taratur di ho.

JOHANNES 8:32

Botoonmunu ma hasintongan i jana paluaon ni hasintongan i ma hamu.”

BAENON NI ANGKA RASUL 11:30

Dipatulus be do tahi i, jana si Barnabas ma dohot si Saulus disuru halahi manaruhon pangurupion i tu angka pangituai ni parlagutan i.

SURAT NI SI PAULUS TU PARLAGUTAN ROM 16:13

Tabe tu si Rufus dohot inanta i, na gabe songon dainang do i di au sandiri. Halak na tarpuji do si Rufus, na nipili ni Tuhan.

GALATIA 2:14

Disi huida na so sadalan be parobankon ni halahi tu hasintongan ni Jamita Na Denggan i, manigor hudok ma tu si Petrus di jolo ni sude halak na adong disi, “Muda na halak Jahudi do ho, hape ngolumu songon na so halak Jahudi, bia ma pamaksamu di angka dongan na so marsunat anso mangolu songon halak Jahudi?”

GALATIA 2:5

tapi nada ra hami mundur jana tunduk santongkin pe tu halahi, harana hami jago do anso polin Jamita Na Denggan i di hamu.

GALATIA 3:1

Hamu ale angka halak Galatia na oto! Ise dehe na mangula-ulai hamu? Madung hupajojor taringot tu hamamate ni Kristus di parsilang i satorang-torangna.

GALATIA 5:7

Madung denggan nian najolo marjuang hamu! Ise dehe na mangantahi hamu anso ulang dipatulus hamu na tigor?

KOLOSSE 1:5

Hara ni angka na niarop ni rohamunu tu na niparade ni Debata di hamu di banua ginjang i, gabe porsaya jana marholong ni roha do hamu. Madung dibege hamu taringot tusi di na nipasahat tu hamu hatatangkas ni barita taringot tu Jamita Na Denggan i na sian Debata.

1 TIMOTEUS 2:4

GiotNia ulang so nipalua halak sudena jana rap umboto di na sintong,

IBRANI 10:26

Harana anggo dung dipasahat do tu hita jamita na sian Debata, hape laing tapupu do tasangajo mambaen dosa, gabe nada adong sada haul pe na tarbaen manyesa dosanta.

1 PETRUS 1:2

mangihutkon sangkap ni Debata Ama jana na niparbadiai ni Tondi, anso mangoloi Jesus Kristus jana manjagit pamispion ni mudarNia. Mur martamba ma asi ni roha dohot hasonangan di hamu.

1 PETRUS 5:1

Nipangido anso diparrohahon angka sintua jolo on. Songon donganmunu pamimpin, hubaen surat on bope donganmunu na manyaksihon sandiri parkancitan ni Kristus, jana na giot dohot pasangapon muda dung dipataridahon hasangapan ni Kristus tu hita jolma. Gomos pangidoanku

1 PETRUS 5:13

Manongos tabe do tu hamu angka dongan saparlagutan na di Babilon; songon i muse anak haholonganku si Markus.

1 JOHANNES 2:21

Jadi hubaen pe surat on tu hamu nada hara ni na so nibotomunu hasintongan i, tapi hara ni na dung nibotomunu i do jana diboto hamu muse do na so adong do gabus di hasintongan i.

1 JOHANNES 3:18

Hamu angka dakdanakku! Ulang ma hum di pamangan sajo hita marholong ni roha sanga hum di hata sajo. Holong ni roha na tutu i ma tabaen mangkaholongi, sipataridahononta di pambaenanta.

2 JOHANNES 1:13

Tabe ma di hamu sian angka dakdanak ni donganmunu na dung tarpili i.

2 JOHANNES 1:5

Jadi gomos hupangido di Dainang anso marsihaholongan hita sama hita. Nada pola tona na imbaru na hupajojor on; na dung dilehen do tu hita tona on sian mulana.

3 JOHANNES 1:1

Sian Sintua tu si Gayus na nihaholongan, na huhaholongi di bagasan hasintongan i.