1 TIMOTEUS 6:6 - BIBEL JAMITA NA DENGGAN

⁶ Tutu nian dilehen hadaulaton i do bahat untung muda sonang roha ni halak di sinadonganna.

1 TIMOTEUS 6:6 ပူးပေါင်းရင်းမြစ်များ

2 RAJA-RAJA 6:2

Jadi paloas ma hami kehe manaba hayu di lambung ni Batang aek Jordan, anso hami pajongjong inganannami disi.” “Denggan,” ning si Elisa.

MASMUR 37:16

Haru pe saotik sinadongan ni halak na burju, ummarga dope i sian arta ni jolma na durako.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

HARURUAR 2:21

Dipasada si Musa do rohania maringanan disi. Dung i dilehen si Jetro ma borunia si Zipora di si Musa gabe dadaborunia.

PODA 15:16

Gumonan do na miskin tapi mabiar tu Tuhan, ulang pado kayo mardongan sak ni roha.

PODA 16:8

Gumonan do marpandapotan otik mardongan hajujuron, ulang pado marpandapotan bahat mardongan panipuon.

PODA 28:25

Patubu partongkaran do na ahut tu diri, maruntungan do iba muda Tuhan dihaporsayai.

JEREMIA 35:9

Nada pajongjong bagas hami baen inganannami tapi maringanan di bandar do hami. Nada adong muse kobun anggurnami, ladang sanga same ni gandum sisuanon. Pendekna, sandok na niparentahon ni ompunami si Jonadab i, hami oloi do i sudena.

LUKAS 12:15

Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

LUKAS 3:14

Adong muse do tentara na manyapai, “Bia do taringot tu hami? Aha do sibaenonnami?” Dialusi si Johannes ma, “Ulang jagiti hamu hepeng sanga sian ise pe hara ni na nipaksa bope markite-hite adu-aduan na so tutu tusia. Gajimi ma hangoluhon!”

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

2 KORINTUS 4:17

Jana anggo hasusaan na so sadia on na hami taon santongkin, lehenon ni i do di hami hasangapan na so tarsuhat jana na manongtong. Dao dope gumodang hasangapan i sugari nipartimbangkon tu hasusaan i sandiri.

PILIPPI 1:21

Harana anggo di au na mangolu on, mangolu di Kristus do, ia na mate au labongku do.

1 TIMOTEUS 4:8

Pangoromon ni pamatang, saotik do guna ni i, tapi anggo latihan ni roha, i ma na marguna tu sude pangalaho, angke dijamin i do ngolunta di tano on lopus tu ari parpudi.

1 TIMOTEUS 6:8

Jadi muda adong sipanganon dohot sipakeon, sai pe tuk ma i.

IBRANI 13:5

Ulang dirajai hepeng ngolumunu, tapi hasonangkon hamu ma intap ni na adong di hamu. Angke madung didok Debata, “Nada padiaronKu ho jana nada tadingkononKu ho.”