1 TIMOTEUS 6:4 - BIBEL JAMITA NA DENGGAN

⁴ Angka siginjang roha do i, hape nian so adong na binotona sanga aha! Na tagi-tagi marsoal dohot martongkari do i taringot tu angka pandohan, na mambaen anyok ni roha, hasisirang, marsitilakoan, manuhas na so ture,

1 TIMOTEUS 6:4 ပူးပေါင်းရင်းမြစ်များ

PODA 13:7

Adong do halak paula-ula na kayo hape nada mararta; adong halak na paula-ula pogos hape na sun morana.

PODA 25:14

Angka janji na so tarpatulus, tudos tu ombun dohot alogo na so parohon udan.

PODA 26:12

Dao dope dumenggan halak na oto ulang pado jolma na mangetong dirina malo.

JESAYA 58:4

Puaso pe hamu hum anso patubu bada do dohot parsalisian jana mur gasa-gasaon hamu mambalbali. Diambang hamu do lakna puaso na songon i ma mambaen Au targorak laho manangihon angka tangiangmunu?

BAENON NI ANGKA RASUL 15:2

Manggogo do si Paulus dohot si Barnabas mangalo halahi. Ujungna ditontuhon ma anso kehe si Paulus dohot si Barnabas rap dohot deba nari na asing tu Jerusalem laho manaringoti salaho tusi tu angka rasul dohot angka pangituai na disi i.

BAENON NI ANGKA RASUL 18:15

Hape na martangkangi do hamu hara ni angka pandohan dohot angka goar dohot angka aturanmunu sandiri! Anggo soal na songon i hamu do pasidungkon i. Nada ra au laho manguhumi angka pangalaho na songon i!”

BAENON NI ANGKA RASUL 8:9

Adong ma sada bayo di kota i na margoar si Simon, na dung honok pahomang-homang roha ni halak Samaria hara ni ilmu sihirnia. Pandoknia tu halak, halak na godang do ia.

SURAT NI SI PAULUS TU PARLAGUTAN ROM 12:16

Saroha ma hamu sama hamu, ulang jalahi hagodangan, tapi patoruk ma rohamunu tu haserepon, ulang ma etong hamu na pistar do hamu.

SURAT NI SI PAULUS TU PARLAGUTAN ROM 13:13

Angkon pantun do hita songon na somal dibaen halak di ari na torang, ulang ma marpesta godang marlobi-lobi, sanga mabuk. Ulang rorang, sanga marpangalaho na so ture. Ulang marbada-badai, sanga mangiburu.

SURAT NI SI PAULUS TU PARLAGUTAN ROM 14:1

Jagit hamu ma halak na gale dope haporsayaanna, ulang ma uhumi hamu pandapot ni halahi.

SURAT NI SI PAULUS TU PARLAGUTAN ROM 2:8

Tapi haririmas dohot hamumuruk do di halak na manjalahi haporluon di dirina sandiri, na so mangoloi hasintongan i, tapi na mangoloi tu hageduhan.

1 KORINTUS 11:16

Jadi muda adong barang ise na giot manangkang, nada hasomalannami sanga angka parlagutan ni Debata mambaen na songon i.

1 KORINTUS 11:18

Na parjolo, muda marlagut hamu, hubege baritana di bagasan na marlagut-lagut i hamu adong na marsalisi sian hamu. Jana tutu do songon i aropku.

1 KORINTUS 3:18

Ulang ma adong sanga ise na paoto-oto dirina. Sanga ise sian hamu na mangetong dirina na bisuk mangihutkon parsuhatan ni portibi on, angkon jadi oto do ia, baru pe anso tutu ia na bisuk.

1 KORINTUS 3:3

hara ni ngolumunu na laing tongtong dope mangihutkon bako ni jolma portibi. Angke muda laing mangiburui do hamu jana marbadai na sada tu na asing, i ma tandana paboa na laing mangolu mangihutkon bako ni jolma portibi dope hamu, songon angka jolma na di portibi on.

2 KORINTUS 11:20

Muda diparhatoban halak hamu, sanga muda dipaksa halak jana dibuat untung sian hamu, jana sai gumincat dirina dihilala sian hamu, jana ra manampeleng hamu, sobar do hamu disi.

GALATIA 5:15

Tapi muda marsisarbutan jana marsipanganan hamu sama hamu, jago ma hamu anso ulang marsipasudean.

GALATIA 5:26

Ulang ma hita manjalahi pamujion ni diri na so hasaya, mangalap-alapi bada dohot na marsiiburuan roha, na sada tu na asing.

GALATIA 6:3

Muda adong na mamikir dirina halak na gabar ia hape nian sisoada do, na manggabusi dirina do ia songon i.

PILIPPI 1:15

Tutu do nian adong deba sian halahi na manjamitahon Kristus hara ni na mangiburu bope hara ni na marsalisi, tapi anggo deba hara ni burju ni roha do manjamitahon Kristus i.

PILIPPI 2:14

Ulang ma marungut-ungut sanga martongkar hamu mangkarejohon sanga na aha.

PILIPPI 2:3

Ulang ma marsibaen di ibana laho manyarihon dirina be sanga laho manggodangkon dirina. Tapi gumonan ma sian toruk ni rohana be, etong hamu ma donganmunu na dumenggan sian hamu sandiri.

KOLOSSE 2:18

Ulang hamu ra digorahon halak na paula-ula martoruk roha jana na manyomba angka surusuruan. Angka siginjang roha do sudena i hara ni angka pikiran ni halahi na marojahan tu portibi on. Na marguru tu angka parnidaanna do i,

2 TESSALONIKA 2:4

Sian ginjang ni rohana, mangalo ma ia jana pagincat diri di ginjang ni sude na nisomba ni jolma, sanga pe sude na nipardebata ni jolma. Salang Bagas Ni Debata pe juguhannia do jana baenonnia ma boa-boa tu halak na bahat sudena, mandok ia sandiri do Debata.

1 TIMOTEUS 1:4

Paingot ma halahi, anso ulang sai kehe be roha ni halahi tu angka turi-turian bope angka barita ni asal mula na so marnasidung. Hum parohon partangkangan sajo do i jana nada mambaen maju sangkap ni Debata na bisa taboto hum sian haporsayaan sajo.

1 TIMOTEUS 1:7

Sai giot Siboto Surat do halahi, hape nada diastui halahi angka hata na nipardokkonan ni halahi bope angka pangalaho na nipajojor ni halahi sian situtu ni rohana.

1 TIMOTEUS 3:6

Nada tola halak na baru masuk Kristen gabe pamimpin ni parlagutan angke gabe ginjang do rohania, jadi gabe hona bura ni Sibolis ia.

2 TIMOTEUS 2:14

Paingotkon ma tu halak taringot tuson sudena. Di jolo ni Debata, paingot ma halahi anso ulang martangkangi hara ni angka pandohan. Nada adong guna ni i, gariada hum mambaen gaor pikiran ni halak na umbegesa do i.

2 TIMOTEUS 2:23

Ulang ma dohoti angka partongkaran ni angka halak na oto na so umboto sanga aha. Angke diboto ho do i hum na parohon partangkangan do i.

2 TIMOTEUS 3:4

Hum na giot manghianat noma jolma i, nada ginjang marpikir jana bulbul. Gumonan do di halahi hasonangan ni portibi on ulang pado mangihutkon Debata.

TITUS 3:9

Padao ma ho sian angka partongkaran na so marguna dohot sian parsoalan ni angka tarombo. Ulang dohot-dohoti angka partangkangan dohot parbadaan taringot tu angka Tona ni ugamo. Inda adong guna ni i sude jana nada adong muse untungna.

JAKOBUS 1:19

Denggan ma parrohahon hamu on, hamu ale angka dongan na nihaholongan! Ganop halak angkon hipas do manangihon, tapi lambat ma mandok hata, jana maol ma laho muruk.

2 PETRUS 2:12

Hape anggo angka guru pargabus i, songon binatang na so marakal do halahi, na tubu sian bakona, anso nitangkup jana nisambol. Inda marpikir halahi; na nionjar ni bakona sajo do na nibaen ni halahi, gabe incak-incak sajo ma didok halahi laho mangalo sude angka na so niastuan ni halahi. Hara ni angka parange ni halahi sandiri, angkon magete halahi songon binatang panyoro.

2 PETRUS 2:18

Sian angka pangkobarion ni halahi na mardongan lancap jana na rumar i dipake halahi ma hagiot na jat laho mangaronjomkon halak sanga ise na baru malua sian angka na mardalan dihaliluon di ngoluna.

JUDAS 1:10

Tapi anggo halahi, mardongan hata incak dialo halahi do sanga aha na so niastuan ni halahi. Tarsongon binatang na so marroha do halahi, na mangastui angka pangalaho hum hara ni bakona sajo. Hape angka na songon i do mambaen hamamago tu halahi.

JUDAS 1:16

Hum na mungut-ungut do halahi dohot na manyolsoli hara ni bagianna, na mardalan mangihutkon giot-giot ni sibukna mambaen dosa. Na pujian halahi di diri ni halahi, jana dipanggar-panggar halahi ma halak anso dapotan untung halahi.

HALUMBAAN 3:17

Didok hamu, ‘Madung mamora hami jana tuk sude; sada pe nada adong be na hurangnami.’ Hape umpe diboto hamu sanga songon dia dangolmunu dohot parkancitanmunu! Na pogos do hamu, marsaemara jana na mapitung.