1 TIMOTEUS 6:1 - BIBEL JAMITA NA DENGGAN

¹ Angka halak Kristen na gabe hatoban, angkon etongon ni halahi do na patut nihormatan tuan ni halahi i anso ulang tarpajatjat halak Debata sanga pe pangajaranta.

1 TIMOTEUS 6:1 ပူးပေါင်းရင်းမြစ်များ

PAMUNGKAAN 16:9

Didok surusuruan i ma, “Mulak ma ho tusia, jana paunduk ma rohamu mangoloi ia.”

PAMUNGKAAN 24:12

Jadi martangiang ma hatoban i, “O Tuhan, Debata ni tuanku si Abraham, urupi ma au anso denggan manjadi sadari on na hudalankon, jana ingot ma janjiMu na tu tuanku si Abraham.

PAMUNGKAAN 24:2

Sanoli, mandok hata ma ia tu hatobannia na tumobang, i ma na mangurus sude arta sinadongannia, ning ia ma, “Baen ma tanganmu tu holang-kolang ni hae-haengkon.

PAMUNGKAAN 24:27

Ning ia ma, “Nipuji ma Ho o Tuhan, Debata ni tuanku si Abraham. Torus do ditiop Ho Tuhan janjiMi na tu tuanku si Abraham jana diuluhon Ho do au lalu tumbuk tu koum sisolkotnia.”

2 SAMUEL 12:14

Tapi dibaen madung sanga layas Tuhan dibaen raja i hara ni pangalaho i, gabe mate do anak ni raja na sorang i.”

2 RAJA-RAJA 5:13

Tapi dipadonok angka pangurupinia ma tusia mandok, “Sugari disuru tuan i mambaen karejo na maol, pasti do patuluson ni tuan i. Mur ma hape hum maridi do disuru ia tuan i anso malum!”

NEHEMIA 9:5

Angka halak Levi do na mamungka ibadat di ari i, i ma si Jesua, si Kadmiel, si Bani, si Hasabneya, si Serebya, si Hodia, si Sebanya dohot si Petahya. Didok halahi ma, “Jongjong ma hamu, jana puji ma Tuhan Debatanta! Lehen ma tuSia pujian salolot-lolotna! Nipuji ma goarNa na gok hamuliaan, goar na hebat, na manyalpui sandok pujian!”

JESAYA 47:6

Najolo muruk Au tu bangsongKu, nada Huetong be halahi nampunangKu. Gabe Hupasahat tu ho, hape nada adong ibo ni rohamu, dohot do tu na tobang-tobang dipambaeni ho pangalaho na kejam.

JESAYA 52:5

Tapi saonnari, aha dope urusanKu di son? BangsongKu madung dirampas songon i sajo. Halahi na markuaso tusia, madung manyombong, songon i ma didok Tuhan, jana goarKu torus dipabile halahi ganop ari.

JESAYA 58:6

Songon on do puaso na Huhagioti: Harkari hamu ma rante ni hajahatan dohot tali ni angka auga, jana palua hamu angka halak na niparkancitan ponggolkon hamu ma sude auga.

JEHESKIEL 36:20

Sanga tu dia pe halahi kehe, sai dipahodar halahi do goarKu na badia i. Angke didok angka jolma do songon on, ‘Bangso Ni Tuhan do nian bangso on, hape angkon tadingkonon ni halahi do tano na nilehen ni Debata tu halahi.’

JEHESKIEL 36:23

PatuduhononKu ma godang ni goarKu na badia i, goar na nipahodarmunu di tonga-tonga ni angka bangso, jadi botoon ni halahi ma bahaso Au do Tuhan. Au Tuhan Debata madung mandok songon i. Pakeonku ma hamu laho pataridahon tu angka bangso paboa na badia do Au Tuhan.

MALEAKI 1:6

Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’

MATEUS 11:30

Angke na pasonangkon do hudahudangKu, jana nayang do boban na Hupaboankon tu hamu.”

MATEUS 11:9

Antong biasi kehe hamu tu halongonan? Mangaligi panurirang do? Na tutu ma i! Hudok ma di hamu, lobi-lobi sian panurirang dope si Johannes!

LUKAS 17:1

Didok Jesus ma tu angka siseanNia i, “Angkon sai adong do angka pangalaho na mambaen jolma gabe mardosa. Tapi marjaya ma na mambaen pangalaho sisongon i!

BAENON NI ANGKA RASUL 10:22

Dialusi halahi ma, “Na nisuru ni kapten Kornelius do hami tuson. Halak na burju do ia jana mabiar mida Debata, boti sangap do ia dibaen halak Jahudi. Na ro do sahalak surusuruan na badia marsuru ia mangidohon anso ro tuan i tu bagasnia, angke giot begeonnia jamita sian ho.”

BAENON NI ANGKA RASUL 10:7

Jadi dung kehe surusuruan na mangkobari i dohot si Kornelius, dipiohon ia ma dua halak parkarejo di bagasnia dohot sada halak tentara pangawalnia na mabiar mida Tuhan.

BAENON NI ANGKA RASUL 15:10

Antong, hara ni aha dehe umbaen na diujimunu Debata saonnari markite-hite na mangalehen boban na dokdok tu angka sisean on, hape salang angka ompunta i pe dohot hita sandiri so tolap padalankon i?

SURAT NI SI PAULUS TU PARLAGUTAN ROM 2:24

Songon na tarsurat, “Hara ni hamu do umbaen na marlayas goar ni Debata di tonga-tonga ni angka bangso na asing.”

1 KORINTUS 10:32

Denggan ma baen hamu ngolumunu anso ulang jabat mardosa halak na asing hara ni hamu; sanga di halak Jahudi, sanga pe di halak na so Jahudi sanga pe di parlagutan ni Debata.

GALATIA 5:1

Saonnari madung bebas hita, hara ni na dung dipalua Kristus hita! Hara ni i partahankon hamu ma habebasonmunu i jana ulang be ra hamu mangulahi diparhatoban.

PANGARATAION 28:48

Hara ni i ma gabe angkon mangoloi ho tu angka musu na giot sitongoson ni Tuhan laho mangalo ho. Tangkuraparon, manguas jana marsaemara ma ho – hurangan di sasudena. Kejam baenon ni Tuhan manyosak ho lopus abis ho.

1 TIMOTEUS 5:14

Hara ni i ma dibaen na dumenggan hudok marbagas mangulahi angka na mabalu na poso dope. Denggan ma i mardakdanak halahi dohot na mangurus rumahtanggana anso ulang adong tarbaen angka musunta i dalan pajatjat-jatjatkon goarta.

TITUS 2:5

anso malo mangarajai dirina, anso ias dohot anso gabe ina na denggan di rumahtanggana na mangoloi tu halaklahina. Jadi muda songon i, nada tarincahi halak be jamita na sian Debata.

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.

1 PETRUS 3:16

Tapi mardongan lambok ni roha dohot hapantunon ma baen hamu i sudena. Jana angkon ias do taroktokmunu, anso maila sandiri sanga ise na manilakoi hamu hara ni na denggan pardalananmunu songon siihutkon Kristus.