1 TIMOTEUS 5:5 - BIBEL JAMITA NA DENGGAN

⁵ Na mabalu boti na tarpunjung, jana na so adong sanga na ise na paturehonsa, hum tu Debata ma mararop roha dadaboru na songon i. Martangiang ma ia arian na borngin tu Debata mangido pangurupion.

1 TIMOTEUS 5:5 ပူးပေါင်းရင်းမြစ်များ

MASMUR 91:4

SaonganNia ma ho dohot habongNia, gabe sonang ma ho di linggomanNia. Jagohonon jana ondihononNia ma ho marhite habonaranNia.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JESAYA 3:26

Markutondo ma halak jana mangandungi di angka horbangan ni kota, jana kota i pe tudos ma tu anak boru na nipasalang na juguk di tano.

JESAYA 49:21

Jadi gabe dokkononmu ma di bagasan rohamu, “Ise dehe na manubuhon on di au? Nada he na so adong do dakdanakku jana na so bisa do au manubuhon anak dioban tu habuangan jana dipasimbil? Tapi angka dakdanak on, ise dehe na pagodangkon halahi? Satutuna, na punjung do sasada au, tapi halahon sian dia dehe marroan?”

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JESAYA 54:1

Marsurak-surak ma, o ale na so maruntungan, na so jungada manyorangkon! Marjop ni roha jana marsurak ma ho marmoga-moga, ale ho na so jungada manaon parhancitan i. Harana umbahat do dakdanak ni na so marhalaklahi sian na marhalaklahi, ninna Tuhan.

ANDUNG 1:13

Dipaijur Ia api sian langit na manutungi holi-holingku lopus mangampir. Di taon Ia jorgong di jolongku na mambaen au madabu. Lalu dipadiar au disi marhancit torus sasadari.

LUKAS 18:1

Dung i dipaboa Jesus muse ma sada umpama laho mangajar angka siseanNia anso tongtong martangiang halahi jana ulang mandele.

LUKAS 18:7

Anggo sai pio-pio do bangso ni Debata arian dohot borngin tu Debata nada he belaon ni Debata muse parkaro ni bangsoNa i? Adong he dipalolot-lolot Ia laho manolong halahi?

LUKAS 2:37

mabalu ma ia torus mardangol salapan pulu opat taon honokna. Nada jungada ditadingkon ia Bagas Ni Debata. Arian na borngin disi sajo ma ia marsomba tu Debata martangiang dohot puaso.

BAENON NI ANGKA RASUL 26:7

Laing parjanjian i do na nipainte-inte ni halak Israel na dua bolas marga i umbaen na marsitutu halahi marsomba tu Debata arian dohot borngin. Hape hara ni na huhaporsayai janji i, gabe dipasala halak Jahudi ma au.

BAENON NI ANGKA RASUL 6:1

Di hatiha i, dung mur martamba angka sisean, ro ma ungut-ungut ni halak Jahudi na marhata Junani tu angka na marhata Ibrani, hara ni pambagian ni pangurupion tu angka na mabalu ni halahi na hurang tigor.

BAENON NI ANGKA RASUL 9:39

Manigor jongjong ma si Petrus mangihutkon halahi. Jadi dung lalu disi, dioban ma ia tu bilik na di ginjang i. Martangisan ma sude angka ina na mabalu mangarongomi si Petrus, dipatidahon halahi ma tusia angka baju dohot juba na nijait ni si Dorkas di halahi dompak mangolu ia.

BAENON NI ANGKA RASUL 9:41

Ditangkup si Petrus ma tanganna i manogu ia laho jongjong. Dung i dipiohon si Petrus ma angka na porsaya i rap dohot angka ina na mabalu i, dipasahat ia ma si Dorkas na mulak mangolu i tu halahi.

SURAT NI SI PAULUS TU PARLAGUTAN ROM 1:12

Astuanna na hudok i, dibaen na dung rap porsaya do hita, gabe tarbaen hita ma rap marsipatoguan roha.

SURAT NI SI PAULUS TU PARLAGUTAN ROM 1:5

Markite-hite Ia do hami jagit asi ni roha dohot karejo ni rasul laho manogu-nogu angka bangso anso porsaya halahi jana mangoloi goarNia.

1 KORINTUS 7:32

Giotku nian, malua ma hamu sian hasusaan. Halaklahi na so marripe, tarpasada ia ma rohania tu angka pangalaho na marpardomuan tu Tuhan, angke sai giot pasonangonnia ma roha ni Tuhan.

1 KORINTUS 7:34

jadi gabe mardua roha ma ia. Dadaboru na so marbagas, sanga bujing-bujing, taringot tu Tuhan do bahat pikiranna, harana giotnia ulang so Debata nian nampuna sude ngolunia. Tapi anggo dadaboru na marsaripe, dipasada do rohana tu angka na di tano on, harana sai giot pasonangonnia do roha ni halaklahinia.

EPESUS 6:18

Mardongan tangiang mangido tolong tu Debata ma patulus hamu sudena i. Ulang hamu lupa martangiang ganop adong hatihana sanga hombar tu panogu-noguon ni Tondi Parbadia di hamu. Tongtong ma jonggor hamu. Tongtong ma martangiang hamu, manangiangkon sudena halak na porsaya.

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

1 TIMOTEUS 2:1

Jadi on ma na hupaingot, anso parjolo nipasahat simora-mora, tangiang dohot mangidohon tu Debata bope mandok tarimakasi tuSia hara ni sude jolma;

1 TIMOTEUS 5:16

Tapi muda adong sada halak Kristen na adong koumna na mabalu, angkon urupan ni dongan Kristen i ma angka na mabalu i; ulang pola dipainte-inte angkon sai parlagutan mananggung halahi. Jadi muda songon i tarbaen parlagutan i ma mangurupi angka na mabalu na so markoum sisolkot.

1 TIMOTEUS 5:3

Parsangapi ma angka na mabalu na tarpunjung.

2 TIMOTEUS 1:3

Tarimakasi ma hudok di Debata na huoloi sian taroktok na ias songon na nibaen ni angka daompung najolo. Jana sai mandok tarimakasi do au tu Debata ganop huingot ho di na martangiang au arian sanga borngin pe.

1 PETRUS 3:5

Songon i do dalanna dibaen angka dadaboru na badia na mararop ni roha tu Debata, laho pajegeskon diri ni halahi, i ma mangoloi halaklahina.

RUT 2:12

Sai dibalos Tuhan ma hadenggananmi. Jana hara ni na dung ro ho marsilaung tu Tuhan, Debata ni Israel, sai dilehen Ia ma antong parlinggoman sagokgokna di ho!”