1 TIMOTEUS 4:5 - BIBEL JAMITA NA DENGGAN

⁵ Angke pasupasu na sian Debata do dohot tangiang na nipasahat tu Debata mambaen gabe marguna angka sipanganon i.

1 TIMOTEUS 4:5 ပူးပေါင်းရင်းမြစ်များ

PAMUNGKAAN 1:25

Songon i ma panompa ni Debata di sasudena i jana denggan ma i diida Debata.

PAMUNGKAAN 1:31

Ditatap Debata ma sude na nitompaNia i jana sun ma dengganna sudena i diida Ia. Salpu ma borngin jana torang ma ari – i ma ari paonomkon.

LUKAS 11:41

Na adong di bagasan mangkuk dohot pingganmunu i, i ma nian silehenonmunu tu angka halak na pogos. Di pangalaho na songon i ma gabe ias sudena i di hamu.

LUKAS 4:4

Dialusi Jesus ma, “Tarsurat do di Buku Na Badia i, ‘Nada hara ni roti sajo umbaen na mangolu jolma.’ ”

1 KORINTUS 7:14

Harana gabe diparbadiai do halaklahi na so porsaya i markite-hite dadaborunia i, jana dadaboru na so porsaya i pe diparbadiai markite-hite halaklahinia. Sugari nada songon i, gabe ramun do angka dakdanakmunu, tapi anggo saonnari na badia do halahi.

1 TIMOTEUS 4:3

Diajari halahi do halak anso ulang mambuat boru dohot mamantangkon angka sipanganon. Hape nian na nijadihon ni Debata do angka sipanganon i anso mardongan tarimakasi tu Debata, dipangan angka na porsaya tu Kristus dohot na dung mananda hasintongan ni Debata, angka sipanganon i.

TITUS 1:15

Ias do sude sanga aha pe anggo di halak na ias. Tapi anggo di halak na hodar pikiranna jana na so porsaya tu Debata, sada pe nada adong na ias, angke madung hodar pikiran ni halahi dohot taroktokna!

IBRANI 11:3

Hara ni haporsayaan, gabe mangarti hita bahaso hata na nidok ni Debata do manjadihon hasiangan on; jadi sanga aha na tarida, sian na so tarida do i tarjadi.