1 TIMOTEUS 4:1 - BIBEL JAMITA NA DENGGAN

¹ Torang do didok Tondi i anggo tu angka hatiha na giot ro, marbalik ma deba halak sian haporsayaan i. Angka tondi na mangaliluhon noma oloan ni halahi, jana pangajaran ni angka setan noma ihutkononna,

1 TIMOTEUS 4:1 ပူးပေါင်းရင်းမြစ်များ

PAMUNGKAAN 3:13

Disapai Tuhan Debata ma tu dadaboru i, “Biasi dibaen ho songon i?” Jadi dialusi ia ma, “Na dipaoto-oto ni ulok i do au, gabe hupangan batu ni hayu i.”

1 RAJA-RAJA 13:18

Gabe margabus ma panurirang na matobang na sian Betel i didok ma tusia, “Au pe laing panurirang do songon ho. Na dung diparentahon Tuhan do sahalak surusuruan marsuru au mangalap dohot manjagit ho di bagasku.”

JESAYA 2:2

Angkon tarjadi ma di angka ari na parpudi, dolok inganan ni Bagas Ni Tuhan angkon jongjong di julu ni angka dolok jana tardas di ginjang ni angka dolok marudur ma tu si angka bangso.

JEREMIA 23:26

Sadia honok nari angka panurirang i sai giot palilu-liluhon bangsongKi markite-hite barita na nikarang-karang ni halahi sandiri,

JEREMIA 48:47

Tapi di pudian ni ari, pasuangon ni Tuhan do pangalaho ni Luat Moab i.” I ma na nidok ni Tuhan taringot tu na giot masa tu Moab.

JEREMIA 49:39

Tapi di pudian ni ari pasuangonKu do mangulahi pangalaho ni halahi. Au Tuhan, madung mandok songon i.”

JEHESKIEL 1:3

ro ma Tuhan mandok tu Malim Jeheskiel, anak ni si Busi di tano ni halak Kasdim di topi ni Batang aek Kebar, jana digohi kuaso ni Tuhan ma ia.

JEHESKIEL 38:16

Songon halingsungsung na manondong portibi on. Muda dung dapot hatihana, tongosonKu ma ho laho mambuat tanongKi. Marhite na Hubaen i di na Hupake ho ale Gog, botoon ni angka bangso ma sanga ise do Au, i ma Debata Na Badia.

DANIEL 10:14

Ro do au laho mambaen ho mangastui sanga aha na giot tarjadi sanoli on di bangsomu. Taringot tu hatiha na giot ro do parnidaan on.”

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

MIKA 4:1

Anggo tu angka ari na ro dolok ni Bagas Ni Tuhan tarida ma gumincat jana tigor ma i jongjong manyalpui angka dolok na gincat. Marroan ma tusi angka bangso;

BILANGAN 24:14

Didok si Bileam ma tu si Balak, “Mulak ma au saonnari tu bangsongku. Tapi taran so kehe au, giot dohononku siingotonmu sanga aha na giot baenon ni halak Israel tu bangsomu di pudian ni ari.”

MATEUS 18:7

Marjaya do portibi on hara ni angka pangalaho na di bagasanna, i ma na mambaen halak gabe mardosa. Tutu angkon sai tongtong do adong na songon i. Tapi marjaya ma halak na gabe parbonciranna!

LUKAS 17:1

Didok Jesus ma tu angka siseanNia i, “Angkon sai adong do angka pangalaho na mambaen jolma gabe mardosa. Tapi marjaya ma na mambaen pangalaho sisongon i!

JOHANNES 16:13

Tapi muda dung ro Tondi ni hasintongan i pabotohonNia ma hatutuan salaho tu Debata, Ia ma na manguluhon hamu laho mananda sude hatutuan. Nada dohononNia sanga aha sian roha-rohaNia sandiri; hum taringot tu na nibegeNia do hatahononNia. Jana paboaonNia ma tu hamu sanga angka aha na giot masa tu pudian ni ari.

BAENON NI ANGKA RASUL 13:2

Jadi sanoli dompak marsomba halahi tu Tuhan jana puaso, ro ma Tondi Parbadia tu halahi mandok, “Paasing hamu ma si Barnabas dohot si Saulus di Au, anso markarejo halahi di parkarejoan na Hutontuhon tu halahi.”

BAENON NI ANGKA RASUL 17:18

Tapi adong do deba sian golongan Epikuros dohot golongan Stoa, na marsoal dohot ia; jadi deba sian halahi mandok, “Aha ma he na giot dohonon ni na matubekbek on lakna?” Adong muse na asing mandok, “Idaon na maroban ajaran taringot tu angka debata na asing do ia,” dibaen dijamitahon ia do jamita na denggan taringot tu Jesus dohot hangongot ni angka na mate.

BAENON NI ANGKA RASUL 20:23

Hum on ma i na huboto, di ganop kota madung tangkas dipaboa Tondi Parbadia tu au, angkon tarhurung do au jana manaon parkancitan.

BAENON NI ANGKA RASUL 21:11

Ro ma ia mandapotkon hami, lalu dibuat ia ma bobat ni si Paulus. Dirahuti ia ma patnia, songon i muse tangannia sandiri dohot bobat i jana didok ia ma, “On ma na nidok ni Tondi Parbadia: Rahuton ma nampuna bobat on di Jerusalem, songon on ma baenon ni halak Jahudi jana pasahatonna ma ia tu angka bangso na asing na so Jahudi,” ning ia.

BAENON NI ANGKA RASUL 28:25

Jadi morot be ma halahi sian inganan i marsioban pandapotna be, dung jolo didok si Paulus songon on, “Tutu ma na nidok ni Tondi Parbadia markite-hite Panurirang Jesaya tu angka ompumunu i!

1 KORINTUS 10:20

Inda adong i! Na hudok, anggo na nihaulkon tu gana-ganaan i, nada tu Debata i dihaulkon, tapi tu angka setan do. Jana nada giot au anggo mardomu hamu dohot setan.

1 KORINTUS 11:19

Madung sapatutna masa parsalisian di hamu, anso tarida sanoli on sanga ise Kristen na tahan uji.

1 KORINTUS 12:11

Tondi na sada i sajo do mangkarejohon i sudena; dilehen do hasurungan tu sada-sada be marguru tu giot ni Tondi i sandiri.

1 KORINTUS 2:10

Hape madung dipaboa Debata tu hita sangkapNia i markite-hite TondiNia. Didodo Tondi i do sasude, lopus tu angka na buni na dibagasan Debata.

2 KORINTUS 11:3

Tapi songon na ganggu do rohangku, betak na hona goda do hamu jana nada setia be hamu tu Kristus, sarupa dohot si Hawa narobi na hona goda dibaen habisuhon ni ulok i.

PANGARATAION 32:29

Nada diastuisa biasi talu halahi; nada mamoto sude na masa i.

PANGARATAION 4:30

Muda di bagasan hasusaan hamu, jana timpal sude parmaraan i tu dirimunu, gabe mulak tu Tuhan ma hamu ujungna jana oloanmunu ma Ia.

KOLOSSE 2:18

Ulang hamu ra digorahon halak na paula-ula martoruk roha jana na manyomba angka surusuruan. Angka siginjang roha do sudena i hara ni angka pikiran ni halahi na marojahan tu portibi on. Na marguru tu angka parnidaanna do i,

2 TIMOTEUS 3:13

hape anggo angka parjahat dohot angka panipu i mur jumahat dope. Ditipu halahi ma halak na asing, hape hona tipu muse do halahi.

2 TIMOTEUS 4:4

Dipahusor halahi do pinggol ni halahi sian na sintong, tapi patinggilon ni halahi do i tu angka turiturian na so tutu.

JAKOBUS 3:15

Nada habisuhon na ro sian banua ginjang anggo habisuhon na songon i, sian portibi on do i, sian hagiot ni jolma, karejo ni setan do i!

1 PETRUS 1:20

Na dung nipili ni Debata do Kristus i dompak so ditompa dope tano on. Jana di angka ari marayak ujung ni jaman on, ro do Ia tu portibi on laho paluahon hamu.

2 PETRUS 2:1

Najolo di tonga-tonga ni bangso ni Debata, ro do angka panurirang pargabus. Laing songon i muse do di tonga-tongamunu, marroan ma angka guru pargabus. Baritahonon ni halahi ma angka pangajaran na so tutu, na pasegohon. Jana diporso halahi do Parkuaso na dung marhancit laho paluahon halahi. Jadi na mangalap magona do halahi disi, na tibu mandondoni halahi sandiri.

2 PETRUS 3:3

Parjolo angkon diboto hamu, di ari na parpudi marroan ma angka jolma na mardalan mangihutkon giot-giot ni rohana sandiri. Incahan ni halahi ma hamu

1 JOHANNES 2:18

Hamu angka dakdanakku, hatiha na parpudi do saonnari, songon na dung dibege hamu, giot ro ma musu ni Kristus i, jana madung mur bahat musu ni Kristus i saonnari; i ma tandana na hatiha parpudi do saonnari.

1 JOHANNES 4:6

Sian Debata do haroronami; barang ise mananda Debata, tangihononna do hami. Barang ise na so sian Debata, nada tangihononna hami. Sian i do tatanda Tondi hasintongan dohot tondi na paliluhon.

JUDAS 1:18

Madung dipaboa halahi hian tu hamu, marroan do angka halak na mangincahi hamu marayak dapot ari na parpudi; i ma angka na mangolu mangihutkon giot-giot ni halahi sandiri na jat i.

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.

HALUMBAAN 13:14

Dipatola do ia mambaen angka hahomangan; jana dipaoto-oto ia do sude jolma na mangolu di tano on hara ni angka hahomangan na nibaennia i di jolo ni binatang na parjolo i. Jana disuru ia ma halahi sudena pajongjong sada patung laho mamparsangapi binatang na mabugang dibaen podang i, hape laing mangolu.

HALUMBAAN 16:14

Angka i ma tondi ni setan na mambaen angka tanda hahomangan. Kehe ma tondi na tolu i mandapotkon angka raja na satano on jana dipalagut ma halahi sudena laho marporang di ari na godang ni Debata Parkuaso Na Sumurung i.

HALUMBAAN 18:2

Marsora na gogo ma ia marsurak, “Madung madabu dadaboru i! Madung madabu Babel Na Godang i! Gabe inganan ni tondi na jahat dohot partabunian ni angka tondi na hodar noma i saonnari. Angka unggas na hodar jana na nihagigihon ni halak noma na mangolu di bagasan.

HALUMBAAN 18:23

Dung i nada be manyondangi sinondang ni palito di bagasan ho, nada tarbege be sora ni bayo pangoli, bagi sora ni boru na nioli di bagasan ho, dibaen angka halak na godang do na jolo angka parjagalmi, jana markite-hite hadatuonmu madung lilu sude bangso.”

HALUMBAAN 19:20

Gabe tartangkup ma binatang i rap dohot panurirang pargabus na pabaen-baen angka tanda hahomangan di jolo ni binatang i. (Angka tanda hahomangan i do dibaen binatang i paoto-otohon angka jolma na mamake tanda ni binatang i dohot angka jolma na manyomba patung ni binatang i.) Jadi didanggurkon ma binatang i dohot panurirang pargabus i mangolu-ngolu tu bagasan laut api na gara-gara dohot barerang.

HALUMBAAN 2:11

Ditangihon na marpinggol i ma na nidok ni Tondi i tu angka parlagutan i! Di na monang i do lehenonKu mangan sian manna na buni, jana lehenonKu ma disia batu na bontar.”

HALUMBAAN 2:17

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangan sian manna na buni, jana lehenonKu ma disia batu na bontar. Niuhir do di batu i sada goar na imbaru na so binoto ni sanga ise pe asing sian halak na manjagit i.”

HALUMBAAN 2:29

Ditangihon na marpinggol i ma na nidok ni Tondi i tu angka parlagutan i!”

HALUMBAAN 2:7

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangankon parbatu ni hayu hangoluan, na di Pirdaus.”

HALUMBAAN 20:10

Dung i didanggurkon ma Sibolis na paoto-otohon halahi i tu bagasan api na marcampur dohot barerang. Disi do inganan ni binatang i dohot panurirang pargabus na nibuang najolo i. Diparkanciti ma halahi disi arian na borngin nada marnamantak ro di salolot-lolotna.

HALUMBAAN 20:8

jana kehe ma i giot paoto-otohon angka bangso na marserak di sude portibi on, i ma si Gog dohot si Magog. Nada taretong sanga na sadia bahat ni halahi na giot palaguton ni Sibolis i laho marporang.

HALUMBAAN 3:13

Ditangihon na marpinggol i ma na nidok ni Tondi i tu angka parlagutan i!”

HALUMBAAN 3:22

Ditangihon na marpinggol i ma na nidok ni Tondi i tu angka parlagutan i!”

HALUMBAAN 3:6

Ditangihon na marpinggol i ma na nidok ni Tondi i tu angka parlagutan i!”

HALUMBAAN 9:20

Hape laing so ra dope jolma na so hona bunu i pauba rohana sian sasude na nibaen ni halahi sandiri. Laing na so mantak do halahi marsomba tu angka begu dohot tu angka gana-ganaan sere, perak, tumbaga, batu dohot hayu na so marnida sanga marbinege, sanga pe mardalan.