1 TIMOTEUS 3:8 - BIBEL JAMITA NA DENGGAN

⁸ Sanga ise halak na mangurupi di parlagutan angkon laing halak na burju jana na tigor ma, nada tola parmabuk sanga halak na sai marroha hepeng.

1 TIMOTEUS 3:8 ပူးပေါင်းရင်းမြစ်များ

MASMUR 12:2

Sude do halahi, marsigabusan, manipu dohot angka hata na tabo tu parbinegean.

MASMUR 5:9

Nada haposan anggo hata ni musungku; giot ni halahi, sai mago ma nian au. Tabo do begeon hata na nidok ni halahi, hape anggo roha ni halahi hum na giot manjahati.

MASMUR 50:19

Matua sai mandok na jat do ho, tongtong hobas mardongan sipaoto-oto.

MASMUR 52:2

Mangicu jana mambaen sangkap na jat do ho sasadari, dilamu pe songon piso cukur na tajom.

JEHESKIEL 44:21

Nada tola inumon ni halahi anggur muda masuk tu alaman na di bagasan i.

HAMALIMON 10:9

“Dung salpu minum aek ni anggur sanga bir, dohot angka anakmu nada tola masuk tu Bandar Parmianan i. Muda dilaosi hamu aturan i angkon mate hamu. Sude pomparanmu angkon mangoloi aturan on.

SURAT NI SI PAULUS TU PARLAGUTAN ROM 3:13

Songon kuburan na talak noma aru-aru ni halahi. Mabaor sipaoto-oto sian dila ni halahi, jana bibir ni halahi marbisa songon ulok.

PILIPPI 1:1

Sian si Paulus dohot si Timoteus, angka naposo ni Kristus Jesus, tu sude dongan sahaporsayaan di bagasan Kristus Jesus na di Pilippi, rap dohot di angka pamimpin dohot pangoloi. Hami na dua, si Paulus dohot si Timoteus naposo ni Kristus Jesus.

1 TIMOTEUS 3:12

Sanga ise na mangurupi di parlagutan, angkon laing sada halak sajo do dadaborunia. Angkon malo do ia mangatur angka dakdanakna dohot rumahtanggana sadenggan-dengganna.

1 TIMOTEUS 3:2

Hara ni i, sanga ise na gabe pamimpin ni parlagutan, angkon halak na so martilako ma; angkon sada sajo do dadaborunia; bisa mangorom dirina, na malo jana na maraturan; angkon jop do rohana manjagit tamu di bagasna; jana ringgas mangajari halak;

1 TIMOTEUS 3:3

ulang parmabuk sanga na parbada. Tapi angkon halak na lambok do jana pardame. Ulang halak na sai mangarohahon hepeng.

1 TIMOTEUS 5:23

Ulang be hum aek sajo inum; laing inum ma saotik anggur padenggankon butuhamu, harana ma jotjot ho na marnyae-nyae i.

TITUS 1:7

Harana na mangurus karejo ni Debata do sada halak sintua jadi nada tola halak na targora. Nada tola ginjang rohana sanga na parmuruk, sanga na parmabuk, sanga na kasar, sanga na sai mangarohahon hepeng.

TITUS 2:3

Songon i muse angka dadaboru na matobang laing apoi halahi anso ias parange ni halahi songon na patut di angka halak na badia. Nada tola pajatjaton ni halahi goar ni halak, jana nada tola diparhatoban anggur. Angkon pangalaho na denggan do ajarkonon ni halahi,

JAKOBUS 3:10

Sian pamangan na sada i haruar do angka hata pasupasu jana dohot muse angka hata bura. Nada tola songon i hamu ale angka dongan!

1 PETRUS 5:2

anso parmahani hamu punguan ni biri-biri ni Debata na nipasahat tu hamu. Sonang ma rohamunu marmahani halahi songon na nihagiotan ni Debata, ulang ma borat rohamunu. Jana ulang ma hum hara ni na giot manjalahi labo baen hamu, tapi hara ni situtu ni rohamunu ma mangoloi.