1 TIMOTEUS 3:7 - BIBEL JAMITA NA DENGGAN

⁷ Angkon na denggan do goarna di tonga-tonga ni halak na bahat; angke anggo nada songon i, dipalayas halak do ia, gabe madabu ma ia tu sambil ni Sibolis baenon ni i.

1 TIMOTEUS 3:7 ပူးပေါင်းရင်းမြစ်များ

MARKUS 4:11

Dung i didok Jesus ma tu halahi, “Anggo tu hamu madung dilehen do mangartihon simo-simo ni Harajaan Ni Debata, tapi anggo tu halak na asing sian hamu, markite-hite umpama do i nipaboa.

BAENON NI ANGKA RASUL 10:22

Dialusi halahi ma, “Na nisuru ni kapten Kornelius do hami tuson. Halak na burju do ia jana mabiar mida Debata, boti sangap do ia dibaen halak Jahudi. Na ro do sahalak surusuruan na badia marsuru ia mangidohon anso ro tuan i tu bagasnia, angke giot begeonnia jamita sian ho.”

BAENON NI ANGKA RASUL 22:12

Adong ma disi sada bayo na margoar si Ananias. Na daulat do bayo i jana na burju do ia mandalankon angka Tona i. Sude do halak Jahudi na di kota Damaskus mamparsangapi ia.

BAENON NI ANGKA RASUL 6:3

Hara ni i, hamu ale angka dongan, pili hamu ma sian tonga-tongamunu sandiri pitu halak na tangkas burju jana na nigohan ni Tondi boti na bisuk, anso hami pabangkit halahi tu karejo na songon i.

1 KORINTUS 10:32

Denggan ma baen hamu ngolumunu anso ulang jabat mardosa halak na asing hara ni hamu; sanga di halak Jahudi, sanga pe di halak na so Jahudi sanga pe di parlagutan ni Debata.

1 KORINTUS 5:12

Anggo manguhumi halak na so Kristen, inda karejongku i. Debata sandiri ma mangadili halahi. Tapi angka anggota ni parlagutan, inda he hak ni parlagutan i sandiri do laho manguhumi angka sisongon i? Di Buku Na Badia i tarsurat do songon on, “Paorot hamu ma angka parjahat i sian tonga-tongamunu.”

2 KORINTUS 6:3

Nada jungada hami baen batu partuktuhan tu sanga ise pe, anso ulang targora tohonannami i.

2 KORINTUS 8:21

Angkon tigor do hami markarejo, nada hum di jolo ni Tuhan, tapi dohot do di jolo ni jolma.

KOLOSSE 4:5

Di angka pardomuanmunu tu angka halak na so porsaya malo ma hamu na mangolu i jana ganop adong hatiha na tumbuk, pake hamu ma i sadenggan-dengganna.

1 TESSALONIKA 4:12

Muda songon i dibaen hamu, nada pola marguru tu halak na asing be ngolumunu, jana pasangapon ni halak na so porsaya tu Kristus ma hamu.

1 TESSALONIKA 5:22

Mandao ma hamu sian sandok hajahatan.

1 TIMOTEUS 3:6

Nada tola halak na baru masuk Kristen gabe pamimpin ni parlagutan angke gabe ginjang do rohania, jadi gabe hona bura ni Sibolis ia.

1 TIMOTEUS 5:14

Hara ni i ma dibaen na dumenggan hudok marbagas mangulahi angka na mabalu na poso dope. Denggan ma i mardakdanak halahi dohot na mangurus rumahtanggana anso ulang adong tarbaen angka musunta i dalan pajatjat-jatjatkon goarta.

1 TIMOTEUS 6:9

Tapi sanga ise angka halak na giot kayo, targoda jana hona jorgong ma i dibaen hagiot na oto na marragam rupa boti na manyegohon. Angka hagiot na songon i ma na mangalantuk dohot na mangagohon halak.

2 TIMOTEUS 2:26

Jadi anso gabe torang roha ni halahi mangulahi jana talgang sian sambil ni Sibolis na manjorat halahi jana na mamaksa halahi mangihutkon hagiotna.

TITUS 2:5

anso malo mangarajai dirina, anso ias dohot anso gabe ina na denggan di rumahtanggana na mangoloi tu halaklahina. Jadi muda songon i, nada tarincahi halak be jamita na sian Debata.

TITUS 2:8

Angka pandohan na tabo ma pake, na so tarincahi halak, anso maila angka halak na mangalo ho angke sada pe nada adong na hurang denggan dapot halahi sihataanna taringot tu hita.

3 JOHANNES 1:12

Sude do halak mamuji si Demetrius. Sian jamita na sintong na sian Debata pe tarpuji do ia. Hami pe dohot do mamuji ia jana diboto hamu do, tutu do pamujinami i.

1 SAMUEL 2:24

Ulang be baen hamu songon i, ale dakdanakku. Majatjattu do na hubege dihatahon bangso ni Tuhan i salaho tu hamu!