1 TIMOTEUS 3:4 - BIBEL JAMITA NA DENGGAN

⁴ Angkon malo do mangatur rumahtanggana sadenggan-dengganna, dohot mangajari dakdanakna mangoloi jana pantun tusia.

1 TIMOTEUS 3:4 ပူးပေါင်းရင်းမြစ်များ

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

BAENON NI ANGKA RASUL 10:2

Halak na mangkabiari Debata do ia jana sude do halahi sabagas sai marsomba tu Debata. Bahat do ditolong ia halak Jahudi na pogos-pogos jana sai martangiang do ia tu Debata.

EPESUS 5:24

Laing songon parlagutan i na tunduk tu Kristus, songon i muse ma dadaboru i angkon tunduk tu halaklahina di sude pangalaho.

PILIPPI 4:8

Ujungna, ale angka dongan, bagi aha na sintong, na pantun, na tigor, na ias, na jeges, na denggan begeon, angka parange na denggan jana sipujion, i ma pikiri hamu.

1 TIMOTEUS 3:12

Sanga ise na mangurupi di parlagutan, angkon laing sada halak sajo do dadaborunia. Angkon malo do ia mangatur angka dakdanakna dohot rumahtanggana sadenggan-dengganna.

TITUS 1:6

Muda sintua sagiotna ulang ma halak na targora; angkon sada sajo do dadaboruna; angkon na marhaporsayaan ma angka dakdanakna jana ulang ma angka anak padiar sanga dakdanak na so taratur.

TITUS 2:2

Paingot ma angka ama na tumobang anso marroha jana malo mangorom dirina; anso denggan dihaporsayai halahi Debata, denggan marsihaholongan jana sobar di sitaonon jana benget.

TITUS 2:7

Jana ho sandiri pe, angkon patuduhononmu do parange na denggan na gabe tiruan di sude pangalaho. Muda mangajari ho, angkon tigor do baenonmu.

JOSUA 24:15

Sugari sura nada ra hamu mangoloi tu Tuhan, laing sadari on ma baen hamu haputusanna, sanga na tu ise do giotmunu mangoloi: Tu angka debata na nisomba ni ompumunu najolo di Mesopotamia, sanga tu angka debata ni halak Amori na niingananmunu tanona saonnari do. Tapi anggo hami – au dohot dongan sabagasku – hum Tuhan do oloannami.”