1 TIMOTEUS 3:11 - BIBEL JAMITA NA DENGGAN

¹¹ Dadaboru ni halahi pe angkon halak na denggan roha do, ulang ma halak na ringgas mangkata-hatai hahurangan ni halak na asing. Angkon taroromsa do dirina jana haposan di sude pangalaho.

1 TIMOTEUS 3:11 ပူးပေါင်းရင်းမြစ်များ

MASMUR 101:5

Halak na mamurai di na buni, pasidungonku noma i. Halak na sombong dohot siginjang roha nada huhagioti.

MASMUR 15:3

na so ra manuhasi donganna, nada dibaen ia na jahat tu ale-alena, jana nada pajatkon goar ni hombar bagasna;

MASMUR 50:20

Sadihari sajo, matua na pabile kahanggimu do ho, jana pahata-hata donganmu saama-saina.

PODA 10:18

Halak na manabunihon hosom ni rohana, panipu do i, halak na pasarsarkon late, na bodo do i.

PODA 25:13

Suruan na nihaposan, mambaen sonang na marsurusa, tudos tu aek na borgo di halak na manyabi di saba.

JEREMIA 9:4

Angkon jamot do halak maradopkon donganna salang dongan saama pe nada haposan, angke songon si Jakob, laing songon i ma halahi marsipaoto-oto kahanggina. Pahae-pahulu ganop be pasarkon hata manilakoi dohot gabus.

JEHESKIEL 44:22

Angka malim, hum bujing-bujing ni Israel na torang habujingonna do na tola buaton ni halahi, sanga tading-tadingan ni donganna malim. Nada tola buaton ni halahi boru na disirangkon.

HAMALIMON 21:7

Sada malim nada tola marbagas dohot dadaboru siboru jalang sanga mambuat dadaboru na so bujing-bujing be sanga na sirang, angke hapunjunganKu do nampuna malim.

MATEUS 4:1

Dung i ditogu Tondi i ma Jesus tu halongonan, anso diuji Sibolis Ia.

JOHANNES 6:70

Dialusi Jesus ma tu halahi, “Au do nian mamili hamu na dua bolas halak on. Tapi haru songon i pe gabe songon Sibolis do sahalak sian hamu!”

SURAT NI SI PAULUS TU PARLAGUTAN ROM 1:29

Hum na jat noma sude na manggohi roha ni halahi: Hageduhan, ahut tu diri, gutgut dohot dongki; hum na giot mamunu manggohi roha ni halahi, marbadai, paoto-otohon dohot na jingar. Pahata-hata halak,

1 TIMOTEUS 1:12

Mandok tarimakasi do au tu Jesus Kristus Tuhanta i, na mangalehen gogo di au laho mangoloi Ia jana na mangetong au gabe songon sada halak haposan maniop karejo i.

1 TIMOTEUS 3:2

Hara ni i, sanga ise na gabe pamimpin ni parlagutan, angkon halak na so martilako ma; angkon sada sajo do dadaborunia; bisa mangorom dirina, na malo jana na maraturan; angkon jop do rohana manjagit tamu di bagasna; jana ringgas mangajari halak;

1 TIMOTEUS 6:2

Angka hatoban na martuan tu halak Kristen, nada tola pamenehonna tuanna i hara ni na rap Kristen i. Sugari nian, angkon mur jeges dope pangoloi ni halahi tu tuanna i, angke rap dongan sahaporsayaan na nihaholongan ni halahi do tuan na nioloan i di bagasan na denggan. Sudena on, angkon ajarkononmu do jana paingotkononmu tu halak sudena.

2 TIMOTEUS 3:3

Nada adong be holong marsihaholongan di halahi, nada ra marsisesaan sala, sai ra pabusuk-busukkon goar ni halak, nada bisa mangorom diri, kejam jana nada giot di na denggan.

2 TIMOTEUS 4:5

Tapi haru songon i pe, ulang pola jabat dut rohamu marnida sanga aha pe na masa. Sobar ma ho di parkancitan, karejohon ma karejomu, songon parjamita ni Jamita Na Denggan i jana dalankon ma na nipaporsankon tu ho sadenggan-dengganna.

TITUS 2:3

Songon i muse angka dadaboru na matobang laing apoi halahi anso ias parange ni halahi songon na patut di angka halak na badia. Nada tola pajatjaton ni halahi goar ni halak, jana nada tola diparhatoban anggur. Angkon pangalaho na denggan do ajarkonon ni halahi,

TITUS 3:2

Dok tu halahi anso ulang adong na manilakoi sanga ise pe, tapi gumonan ma halahi basar jana burju. Marlambok ni roha ma halahi maradopkon halak sudena.

1 PETRUS 5:8

Angkon hobas do hamu jana jonggor! Angke Sibolis do musumunu. Songon singa do i na res pahae res pahulu na mangorong soroanna.