1 TIMOTEUS 3:1 - BIBEL JAMITA NA DENGGAN

¹ Hata na tutu do on, “Sanga ise na marhagiot gabe pamimpin ni parlagutan, patuduhon por ni rohania do ia tu sada karejo sigodang arga.”

1 TIMOTEUS 3:1 ပူးပေါင်းရင်းမြစ်များ

PODA 11:30

Halak na daulat tarjamin do ngoluna; jolma na bisuk martamba do parkarejona.

LUKAS 15:10

Hudok ma di hamu! Laing songon i ma angka surusuruan ni Debata. Marjop ni roha ma halahi muda adong sada halak na jahat paubahon rohana.”

BAENON NI ANGKA RASUL 1:20

“Angke tarsurat muse do di Buku Masmur songon on, ‘Gabe halongonan na lungun ma ingananna i; anso ulang adong halak maringanan disi.’ Laing tarsurat muse do songon on, ‘Halak na asing noma manggonti tohonanna.’ ”

BAENON NI ANGKA RASUL 20:28

Antong jagohon hamu ma dirimunu dohot sude habanan i, harana madung dipabangkit Tondi Parbadia hamu gabe parmahan. Parmahani hamu ma parlagutan ni Tuhan i, na nibaen gabe nampunaNia markite-hite mudarNia sandiri.

SURAT NI SI PAULUS TU PARLAGUTAN ROM 11:13

Hudok ma tu hamu, ale angka bangso na so Jahudi. Rasul ni angka bangso na so Jahudi do au, jana huetong do i gabe hasangapan ni pangoloionku.

EPESUS 4:12

Dibaen Ia sasudena i anso singkop do sudena halak na porsaya laho mangoloi Tuhan bope laho mambangun pamatang ni Kristus i.

PILIPPI 1:1

Sian si Paulus dohot si Timoteus, angka naposo ni Kristus Jesus, tu sude dongan sahaporsayaan di bagasan Kristus Jesus na di Pilippi, rap dohot di angka pamimpin dohot pangoloi. Hami na dua, si Paulus dohot si Timoteus naposo ni Kristus Jesus.

1 TESSALONIKA 5:14

Laing hami pangido dope, hamu ale angka dongan, anso gorahon hamu angka halak na so maraturan. Apoi hamu ma angka na menek roha; urupi hamu ma angka na gale jana sobar ma hamu maradopkon halak sudena.

1 TIMOTEUS 1:15

Hata na tutu do pandohan on, na patut jagiton jana sihaporsayaan – : “Ro pe Kristus Jesus tu portibi on na giot paluahon halak pardosa do.” Jana sian sude halahi, au ma na umbahat dosana.

1 TIMOTEUS 4:9

Denggan do on sude nijagit jana tutu situtu nihaporsayaan.

2 TIMOTEUS 2:11

Na tutu situtu do pandohan on: “Muda dung mate hita rap dohot Ia, laing mangolu muse ma hita rap dohot Ia.

TITUS 1:7

Harana na mangurus karejo ni Debata do sada halak sintua jadi nada tola halak na targora. Nada tola ginjang rohana sanga na parmuruk, sanga na parmabuk, sanga na kasar, sanga na sai mangarohahon hepeng.

TITUS 3:8

Tutu do sasudena sanga aha na hudok on. Jadi giotku, gomos ma dokkon taringot tu angka na hudok on, anso marsitutu angka na porsaya tu Debata patuluskon angka karejo na denggan na marguna tu sude halak.

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.

1 PETRUS 2:25

Najolo, songon biri-biri na lilu do hamu hape anggo saonnari madung dioban hamu mangulahi mangihutkon Kristus, Parmahan jana na marmahani hamu.

1 PETRUS 4:15

Ulang ma adong sahalak pe sian hamu na manaon parkancitan hara ni na mamunu, sanga manangko sanga mambaen na jat, sanga hara ni na manggunturi.

1 PETRUS 5:2

anso parmahani hamu punguan ni biri-biri ni Debata na nipasahat tu hamu. Sonang ma rohamunu marmahani halahi songon na nihagiotan ni Debata, ulang ma borat rohamunu. Jana ulang ma hum hara ni na giot manjalahi labo baen hamu, tapi hara ni situtu ni rohamunu ma mangoloi.