1 TIMOTEUS 2:9 - BIBEL JAMITA NA DENGGAN

⁹ Laing songon i taringot tu angka dadaboru, giotku nian mangias ma halahi songon na somal jana mamake pakean na sopan. Ulang ma dibaen parsuri na lobi sanga mamake angka barang sere sanga berlian, sanga pe angka pakean sigodang arga.

1 TIMOTEUS 2:9 ပူးပေါင်းရင်းမြစ်များ

PAMUNGKAAN 24:53

Dung i dirungkari hatoban i ma pakean, perak dohot barang sere, laho pasahatkonsa tu si Ribka. Dohot tu ibotonia i pe, songon i tu inangna i dilehen ia muse do silehen-lehen angka sigodang arga.

2 RAJA-RAJA 9:30

Lalu ma si Jehu tu Jisreel. Dung tarbege tu si Isebel sude na masa i, dipajeges ia ma parsurinia, dung i manaili ma ia tu toru sian jandela ni bagas godang i.

ESTER 5:1

Di ari patoluhon si Ester na puaso i, dipake ia ma pakean ratunia, lalu kehe ma ia tu alaman na di bagasan bagas godang i jana jongjong ma ia di jolo ni pintu ni balerongna i. Topet do juguk raja i di ginjang ni habangsa na mangadop tu pintu i.

MASMUR 149:4

Jop do roha ni Tuhan di bangsoNia, halak na toruk marroha dilehen Ia hamonangan.

PODA 31:22

Ia sandiri do mambaen permadanina; pakeannia pe sian abit linen bunga torung na arga.

PODA 31:25

Marsahala ia jana dipasangap; jana nada ganggu rohana salaho tu ari na ro di pudi.

PODA 7:10

Lalu kehe ma dadaboru panggampang i mandapotkon ia, dipake ma abit na songon abit ni dadaboru jalang jana madung adong tahina na jat.

JESAYA 3:16

Didok Tuhan, “Ligi da, sombongna i angka boru Jerusalem! Mardalan halahi maradu gakgak. Humetek-hetek ma halahi manghidopi. Dipabaen-baen ma pangalangkana i jana mardoring-doring ma sora ni angka golang ni patna i.

JESAYA 61:4

Sego-sego ni kota na dung honok mamolngit pajongjongon ni halahi mangulahi.

JEREMIA 2:32

Adong ma he bujing-bujing na manghalupahon barang parhiasanna? Sanga boru na manghalupahon bayo na mambuatsa? Hape anggo Au madung dihalupahon hamu mamungka sian hatiha na so taretong be honokna.

JEREMIA 4:30

O ale Jerusalem, madung maronco ho! Aha be gunana marbaju na saksak jana mamake barang sere dohot perak, dohot mangalapuhon colak di mata? Parcuma do dipajeges ho dirimu, angke nada tumbuk be ho di roha ni haholonganmu, mur halahi noma na giot mambuat hosamu.

MATEUS 11:8

Aha do satutuna na giot ligionmunu? Halak na marpakean na jeges do? Anggo angka na marbaju na jeges di bagas godang do i!

1 TIMOTEUS 2:10

Gumonan ma angka pangalaho na denggan dibaen halahi pakeanna songon na patut di angka dadaboru na marsomba tu Debata.