1 TIMOTEUS 2:7 - BIBEL JAMITA NA DENGGAN

⁷ Jana hara ni i ma umbaen na nisuruNia au mandapotkon angka halak na so Jahudi laho manjamitahon tu halahi barita taringot tu haporsayaan ni halak Kristen na tutu. Tutu do na hudokkon on, nada margabus au disi.

1 TIMOTEUS 2:7 ပူးပေါင်းရင်းမြစ်များ

MASMUR 111:7

Tigor jana bonar do Tuhan di sasude na nibaenNia, tarpangasahon do sude parentaNia.

PARJAMITA 1:12

Au Parhapistaran, mamarenta di Jerusalem gabe raja di Israel.

PARJAMITA 7:27

Ligi ma, ninna Parhapistaran i: Dapot au do sudena i, di na hujalahi sian langka tu langka alusna.

JOHANNES 7:35

Dung i didok angka halak Jahudi i ma, “Na giot tudia muse dehe Ia umbaen jabat nada tarbaen hita mandapotkon Ia? Adong he ulaning na giot kehe mandapotkon halak Jahudi na mangaranto di tonga-tonga ni halak Junani i ma Ia jana giot ajaranNia ma angka halak Junani i?

BAENON NI ANGKA RASUL 14:27

Dung lalu halahi di Antiokia, dipalagut halahi ma angka dongan na di parlagutan i. Dibaritahon halahi ma sude na dung dibaen Debata markite-hite halahi. Laing dipaboa halahi ma sanga na bia dibaen Debata laho mangungkap dalan anso laing dohot halak na asing na so Jahudi mangkaporsayai Jesus.

BAENON NI ANGKA RASUL 22:21

Tapi didok Tuhan i ma muse tu au, ‘Kehe ma ho, harana suruonKu ma ho kehe tu na dao tu inganan ni halak sian bangso na asing.’ ” Ninna Tuhan i tu au.

BAENON NI ANGKA RASUL 26:20

Tangkas do hupatorang sanga na tu ise pe anso marsipauba rohana be sian angka dosana jana marsipasahat dirina be ma tu Debata jana angkon tarida ma di ngolu ni halahi be paboa na dung muba rohana sian dosa ni halahi be. Di Damaskus ma parjolo hupatorang songon i, dung i baru di Jerusalem dohot di sude Luat Judea dohot di tonga-tonga ni angka bangso na asing.

BAENON NI ANGKA RASUL 9:15

Tapi didok Tuhan i ma tu si Ananias, “Kehe ma ho! Harana na dung Hupili do ia mangoloi Au, anso dijamitahon ia taringot tu goarKu tu sude angka bangso na asing dohot tu angka raja, songon i dohot tu halak Israel muse.

SURAT NI SI PAULUS TU PARLAGUTAN ROM 1:9

Dibaen saksingku do Debata, na huoloi di bagasan tondingku markite-hite Jamita Na Denggan taringot tu AnakNia, jana tongtong do huingot hamu di bagasan tangiangku.

SURAT NI SI PAULUS TU PARLAGUTAN ROM 10:14

Tapi bia ma parpio ni halak tuSia anggo so porsaya dope halahi tuSia? Jana bia ma pangkaporsayai ni halahi di Tuhan i anggo so jolo dibege halahi taringot tuSia? Jana bia ma baenon ni halahi umbege taringot tuSia, anggo so adong halak na manjamitahonsa?

SURAT NI SI PAULUS TU PARLAGUTAN ROM 11:13

Hudok ma tu hamu, ale angka bangso na so Jahudi. Rasul ni angka bangso na so Jahudi do au, jana huetong do i gabe hasangapan ni pangoloionku.

SURAT NI SI PAULUS TU PARLAGUTAN ROM 15:16

Madung dibaen Ia do au gabe pangoloi ni Kristus Jesus, suruanNia mandapotkon angka bangso na asing. Jana hubaen do au gabe songon malim, manjamitahon Jamita Na Denggan na sian Debata anso gabe haul na tumbuk tu roha ni Debata angka halak na asing i. Sai gabe haul hapunjungan ma di Debata halahi baenon ni Tondi Parbadia.

SURAT NI SI PAULUS TU PARLAGUTAN ROM 9:1

Tutu do na hudok di bagasan Kristus, nada margabus au, disaksihon taroktokki do songon i markite-hite Tondi Parbadia.

1 KORINTUS 9:1

Nada he halak na malua au? Nada he rasul au lakna? Nada he madung huida Jesus, Tuhanta i? Nada he suha ni halojaonku do hamu di Tuhan i?

2 KORINTUS 11:31

Debata, i ma Ama ni Tuhanta Jesus Kristus, na tarpuji ro di salolot ni lolotna do na umboto na so margabus au.

GALATIA 1:16

Dipatidahon Debata do AnakNia i tu au jana markite-hite au anso nijamitahon Jamita Na Denggan taringot tu AnakNa i tu halak na so Jahudi. Nada pola mangido tahi au sanga na tu ise disi.

GALATIA 1:20

Tutu do na husuratkon on. Nada margabus au. Di jolo ni Tuhan ma au na mandokkon on!

GALATIA 2:16

Haru songon i pe hami boto do hum hara ni na mangkaporsayai Jesus Kristus sajo do tarbaen mardenggan mangulahi jolma dohot Debata, jana nada hara ni na mandalankon angka Tona. Hami haporsayai muse do Jesus Kristus, anso mardenggan hami mangulahi tu Debata hara ni haporsayaannami i tu Jesus Kristus; jana nada hara ni na mandalankon angka Tona. Angke anggo hara ni na mandalankon Tona do, sahalak pe nada tarbaen mardenggan mangulahi tu Debata.

GALATIA 2:9

Si Jakobus pe, si Petrus, si Johannes, na gabe songon partunggul di parlagutan i, dioku halahi do na dung dilehen Debata do tu au hak na sada on. Dung i dijalang halahi do si Barnabas dohot au songon tanda ni parale-aleonnami. Jadi satahi ma halahi dohot hami, di tonga-tonga ni angka bangso na so Jahudi ma hami markarejo, jana halahi ma markarejo di tonga-tonga ni halak Jahudi.

GALATIA 3:9

Porsaya do si Abraham disi, gabe dipasupasu ia. Laing songon i muse do sanga ise na porsaya, pasupasuon ma rap dohot si Abraham.

2 TIMOTEUS 1:11

Laho manjamitahon Jamita Na Denggan i do dipabangkit Debata au gabe rasul dohot pangajari.

2 PETRUS 2:5

Songon i muse do dohot tu portibi nahinan; nada patolaon ni Debata malua sian uhuman. Disuru Debata do aek na oto tu portibi on na niinganan ni angka jolma na so ra porsaya tu Debata di hatiha i. Hum si Noak rap dohot sipitu halak nari sajo ma na malua, hara ni na nipaboania barita taringot tu ngolu na tumbuk di roha ni Debata.