1 TIMOTEUS 2:4 - BIBEL JAMITA NA DENGGAN

⁴ GiotNia ulang so nipalua halak sudena jana rap umboto di na sintong,

1 TIMOTEUS 2:4 ပူးပေါင်းရင်းမြစ်များ

JESAYA 45:22

O hamu sude na mangingani portibi; sasada Au do da Debata. Saonnari marbalik ma hamu tu Au, anso dipalua hamu.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

JESAYA 55:1

“Ro ma hamu angka na manguas, minum ma hamu, adong do aek na rade. Hamu na so marhepeng, marroan ma hamu! Jagit hamu ma gandum jana mangan ma hamu! Singkop do anggur dohot susu, jagit hamu ma nada pola manggarar.

JEHESKIEL 18:23

Adong he didok rohamu, Au Tuhan Debata marsonang ni roha muda mate halak na jahat i? Nada songon i! GiotKu nian ditadingkon ia ma angka dosania anso laing mangolu ia.

JEHESKIEL 18:32

Nada sonang rohangKu muda adong mate halak. Tadingkon hamu ma angka dosamunu i anso tongtong hamu mangolu. Au Tuhan Debata na mandok songon i.”

JEHESKIEL 33:11

Dokkon ma tu halahi, mangasahon Au na mangolu, Tuhan Debata nada jop rohangKu muda mate halak parjahat i; tapi sugari mulak ma nian ia manadingkon angka dosana anso tongtong ia mangolu. Ale bangso Israel, antak hamu ma mambaen na jahat! Biasi angkon sai mate hamu?”

HABAKUK 2:14

Tapi songon laut na nigohan ni aek, laing songon i muse ma portibi on digohi dohot parbinotoan taringot tu hamuliaon ni Tuhan.

MATEUS 28:19

Jadi hara ni i, kehe ma hamu tu sude bangso, baen hamu ma halahi gabe halak na mangihutkon Au. Didi hamu ma halahi di bagasan goar ni Ama, goar ni Anak dohot goar ni Tondi Parbadia.

MARKUS 16:15

Dung i didokkon Jesus ma tu halahi, “Kehe ma hamu tu sude portibi on. Baritahon hamu ma Jamita Na Denggan na sian Debata i tu sudena jolma.

LUKAS 1:77

Jana patuduhon tu bangsoNia pangastuion taringot tu haluaan, marhite na dung disesa angka dosa ni halahi,

LUKAS 14:23

Jadi didok tuan i ma tu naposo i, ‘Kehe ma ho tu dalan godang dohot tu angka dalan na sompit di ruar ni kota, jana hara ma halak marroan anso gok sude bagaskon.

LUKAS 24:47

Sada muse, tarsurat hian do angkon nijamitahon do tu sude bangso markite-hite goar ni Kristus i bahaso na giot ampunan ni Debata ma angka dosa muda dipauba jolma i rohana sian angka dosa ni halahi. Jana mamungka ma barita i sian Jerusalem on.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

JOHANNES 17:17

Markite-hite hasintongan ni Damang, baen ma halahi gabe angka jolma hapunjungan ni Damang sandiri; hata na nidok ni Damang i do hasintongan i.

JOHANNES 6:37

Sudena halak na dung dipasahat Damang tu Au, ro ma halahi tu Au. Nada tulahonKu, sanga ise pe na ro tu Au.

SURAT NI SI PAULUS TU PARLAGUTAN ROM 11:14

Anggo ninna rohangku tarbaen au do mangiburu roha ni dongan sabangsongki, anso tarpalua nanggo apala deba nian sian halahi.

1 TIMOTEUS 4:10

Hara ni i ma dibaen na manggogo hita jana marsitutu na karejo i, hara ni sude arop ni rohanta tu Debata na mangolu i; Ia do Sipalua ni jolma sasudena, lumobi ma i angka halak na porsaya.

2 TIMOTEUS 2:25

Angkon ajaranna halak na sai mangalo mardongan halambohon; ibo nian roha ni Tuhan, sai dilehen ma di halak na songon i hatiha na denggan paubahon rohana sian angka dosa ni halahi dohot mananda pangajaran na tutu.

2 TIMOTEUS 3:7

Sai torus mangido niajaran do angka dadaboru na songon i tapi nada jungada lalu tartanda halahi hasintongan i.

TITUS 1:1

Sian si Paulus, naposo ni Debata, bope rasul ni Jesus Kristus, na nipili do au jana na nisuru laho manyarihon angka na nipili ni Debata anso mur togu di haporsayaanna. Angkon togu-toguonku do halahi laho mananda hasintongan na niajarkon ni ugamonta,

TITUS 2:11

Harana madung dilehen Debata asi ni rohaNia laho paluahon jolma sudena.

IBRANI 10:26

Harana anggo dung dipasahat do tu hita jamita na sian Debata, hape laing tapupu do tasangajo mambaen dosa, gabe nada adong sada haul pe na tarbaen manyesa dosanta.

JAKOBUS 3:14

Tapi muda mangiburu hamu, markancit ni roha, muruk jana manyarihon dirina sajo, ulang ma hamu manggodang jana ulang hamu margabus mangalo hasintongan i.

2 PETRUS 3:9

Nada tarlambat Debata mangalehen sanga aha na nijanjihonNia songon na nipikiran ni deba halak. Tapi sobar do Ia paadop-adop hamu, angke sahalak pe nada dihagioti Ia mago. GiotNia ulang so muba nian sude roha ni jolma sian angka dosana be.

2 JOHANNES 1:1

Sian Sintua tu Ina na dung tarpili dohot tu angka dakdanakna na huhaholongi. Nada hum au sajo na mangkaholongi hamu, tapi dohot do sude halak na dung mananda hasintongan i.

HALUMBAAN 14:6

Dung i huida ma sada surusuruan na asing habang gincat di langit. Dioban surusuruan i do barita taringot tu Jamita Na Denggan na manongtong i sipalaluon tu jolma na di tano on; i ma tu sude bangso, marga, bahasa dohot negara.