1 TIMOTEUS 2:10 - BIBEL JAMITA NA DENGGAN

¹⁰ Gumonan ma angka pangalaho na denggan dibaen halahi pakeanna songon na patut di angka dadaboru na marsomba tu Debata.

1 TIMOTEUS 2:10 ပူးပေါင်းရင်းမြစ်များ

PODA 31:25

Marsahala ia jana dipasangap; jana nada ganggu rohana salaho tu ari na ro di pudi.

PODA 31:31

Balosi sude hadenggananna, ia ma dadaboru na patut pasangapon sanga na di dia.

BAENON NI ANGKA RASUL 9:36

Di Jope adong muse do sada anak boru na margoar si Tabita, na porsaya do ia tu Jesus. (Si Dorkas do goarnia di hata Junani, astuanna ursa.) Sai didatdati ia do mambaen na denggan jana sai diurupi ia do angka halak na pogos.

BAENON NI ANGKA RASUL 9:39

Manigor jongjong ma si Petrus mangihutkon halahi. Jadi dung lalu disi, dioban ma ia tu bilik na di ginjang i. Martangisan ma sude angka ina na mabalu mangarongomi si Petrus, dipatidahon halahi ma tusia angka baju dohot juba na nijait ni si Dorkas di halahi dompak mangolu ia.

EPESUS 2:10

Na nitompa ni Debata do hita on, jana markite-hite Jesus Kristus dipauli Debata hita anso tabaen angka pangalaho na denggan na nipasingkopNia humani di hita.

1 TIMOTEUS 2:11

Angkon pasomal-somalon ni angka dadaboru do dirina hohom jana pangoloi na burju di angka pangajaran.

1 TIMOTEUS 2:9

Laing songon i taringot tu angka dadaboru, giotku nian mangias ma halahi songon na somal jana mamake pakean na sopan. Ulang ma dibaen parsuri na lobi sanga mamake angka barang sere sanga berlian, sanga pe angka pakean sigodang arga.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

TITUS 3:8

Tutu do sasudena sanga aha na hudok on. Jadi giotku, gomos ma dokkon taringot tu angka na hudok on, anso marsitutu angka na porsaya tu Debata patuluskon angka karejo na denggan na marguna tu sude halak.

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.

2 PETRUS 3:11

Antong, anggo na giot segohonon do sudena i, angkon gabe na badia ma ngolumunu jana marpangoloion tu Debata,

HALUMBAAN 2:19

Huboto do sude pambaenanmunu dohot holong ni rohamunu dohot pangoloionmunu dohot haporsayaanmunu dohot pohom ni rohamunu. Na umbahat do pambaenanmunu na parpudi on sian na parjolo i.