1 TIMOTEUS 2:1 - BIBEL JAMITA NA DENGGAN

¹ Jadi on ma na hupaingot, anso parjolo nipasahat simora-mora, tangiang dohot mangidohon tu Debata bope mandok tarimakasi tuSia hara ni sude jolma;

1 TIMOTEUS 2:1 ပူးပေါင်းရင်းမြစ်များ

ESRA 6:10

Patulus sudena i anso tarbaen halahi pasahatkon haul na pasonangkon roha ni Debata na markuaso di banua ginjang, jana anso dipangido halahi pasupasu di au dohot di angka anakku.

MASMUR 72:19

Tarpuji ma goarNia na godang i sapanjangna; sai gok ma tano on dohot hamuliaanNia! Sai tulus ma songon i! Amen!

JEREMIA 29:7

Markarejo ma hamu anso dumpang hasonangan di angka kota habuanganmunu. Tangiangkon hamu ma tu au salaho tu haporluan ni angka kota i, angke muda masonang kota i laing masonang muse do dohot hamu.

BAENON NI ANGKA RASUL 17:30

Madung disalpuhon Debata angka hatiha i dompak maoto hita, tapi anggo saonnari madung disuru Ia sudena jolma na satano on pauba rohana sian angka dosa ni halahi be.

SURAT NI SI PAULUS TU PARLAGUTAN ROM 1:8

Jumolo ma hudok tarimakasi tu Debatangku markite-hite Jesus Kristus hara ni hamu sudena; harana madung tarbonggal haporsayaanmunu tu sude portibi on.

SURAT NI SI PAULUS TU PARLAGUTAN ROM 6:17

Tapi tarimakasi ma di Debata! Harana hatoban ni dosa do hamu najolo hape anggo saonnari sian sandok rohamunu dioloi hamu impola ni pangajaran na sintong na dung nipasahat tu hamu.

1 KORINTUS 15:3

Harana madung hupasahat tu hamu na umporlu, i ma sian na dung hujagit, na dung mate do Kristus hara ni angka dosanta mangihutkon na tarsurat di Buku Na Badia i.

2 KORINTUS 8:6

Hara ni i do umbaen na gomos hami sosoi si Titus – anso laing didatdati ia karejo na denggan i di tonga-tongamunu, songon na dung dipungkana hian.

EPESUS 3:13

Jadi pangidoanku: Ulang pola ganggu be rohamunu mamikirkon sanga aha pe na hutaon hara ni hamu; laho patamahon na tu hamu do sudena i.

EPESUS 5:20

Mandok tarimakasi ma hamu tu Debata Ama i markite-hite Jesus Kristus Tuhanta i, sanga hara ni aha pe.

EPESUS 6:18

Mardongan tangiang mangido tolong tu Debata ma patulus hamu sudena i. Ulang hamu lupa martangiang ganop adong hatihana sanga hombar tu panogu-noguon ni Tondi Parbadia di hamu. Tongtong ma jonggor hamu. Tongtong ma martangiang hamu, manangiangkon sudena halak na porsaya.

PILIPPI 1:3

Ganop taringot rohangku tu hamu, tongtong do mandok tarimakasi au tu Debata.

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

1 TESSALONIKA 3:12

Sai dipabahat, jana dipalobi Tuhanta ma holong ni roha di hamu sama hamu, bope mida ganop halak, laing songon hami mida hamu.

2 TESSALONIKA 1:3

Angkon sai tongtong do hami mandok tarimakasi tu Debata hara ni hamu ale angka dongan. Jana songon i do na patut baenonnami, angke mur porsaya do hamu tu Kristus jana mur marsihaholongan do hamu sude sama hamu.

1 TIMOTEUS 2:4

GiotNia ulang so nipalua halak sudena jana rap umboto di na sintong,

1 TIMOTEUS 5:5

Na mabalu boti na tarpunjung, jana na so adong sanga na ise na paturehonsa, hum tu Debata ma mararop roha dadaboru na songon i. Martangiang ma ia arian na borngin tu Debata mangido pangurupion.

2 TIMOTEUS 2:24

Anggo naposo ni Tuhan nada tola martongkari; angkon rama do tu halak sudena, jana tarajarisa halak na asing denggan jana sobar.

TITUS 2:11

Harana madung dilehen Debata asi ni rohaNia laho paluahon jolma sudena.

TITUS 3:2

Dok tu halahi anso ulang adong na manilakoi sanga ise pe, tapi gumonan ma halahi basar jana burju. Marlambok ni roha ma halahi maradopkon halak sudena.

IBRANI 6:11

Giotnami nian sugari laing ringgas ma hamu, lopus dijagit hamu na niarop ni rohamunu i.

JAKOBUS 5:16

Hara ni i, marsioku dosana ma hamu jana marsitangiangan anso dipamalum hamu. Na margogo situtu do tangiang ni halak na mangihutkon hagiot ni Debata.