1 TIMOTEUS 1:9 - BIBEL JAMITA NA DENGGAN

⁹ Angkon laing ingoton do, dibaen pe angka Tona ni ugamo i, nada na giot di halak na burju, tapi na giot tu halak pangalanggar Tona do i, tu angka na jahat, tu halak na so mananda Tuhan, tu halak pardosa, tu halak na so marugamo, tu parroha portibi, tu halak sibunu simatobangna, tu angka sibunu jolma,

1 TIMOTEUS 1:9 ပူးပေါင်းရင်းမြစ်များ

2 SAMUEL 16:11

Dung i didok si Daud dope tu si Abisai dohot tu sude naposonia i, “Salang anakku sandiri giot mamunu au do; biasi pola longang hamu marnida pangalaho ni halak Benyamin on? Tuhan do marsurusa mamurai hara ni i ulang hahua hamu ia jana padiar ma songon i mamurai ia.

2 RAJA-RAJA 19:37

Sanoli hatiha maribadat ia di bagasan pamelean ni Debata Nisroh, dibunu si Adramelek dohot si Sareser anaknia ma ia dohot podang. Dung i kehe ma halahi maporus tu Luat Ararat. Gabe si Esarhadon anaknia na asing ma gabe raja manggonti ia.

2 JUJUR TAON 32:21

Jadi disuru Tuhan ma sada surusuruan mamatehon angka parajurit dohot angka perwira ni Asur i. Jadi ila sajo ma roha ni raja ni Asur i mulak tu tanonia. Sanoli dompak di bagasan bagas ni debatania i ia, ro ma sanga na piga halak sian angka anaknia sandiri mamunu ia dohot podang.

HARURUAR 20:13

Ulang mamunu.

HARURUAR 21:14

Tapi muda adong sanga ise na mangamuk jana na sangajo mamunu halak na asing, angkon nimatehon do i, haru pe na dung lari ia tu langgatanKu laho palua dirina.

PODA 20:20

Muda diburai ho simatobangmu, mago ma ngolumu songon lampu na mintop di borngin na golap.

PODA 28:17

Halak na mamunu jolma, na mangkojar hamatean do i, ulang ma adong na manolong ia.

PODA 28:24

Na manangko sian simatobangna jana mangetong songon i nada dosa, sarupa do i tu angka panangko na somal.

PODA 30:11

Adong do halak na pasumpahon amangna jana na so mangargahon inangna.

PODA 30:17

Halak na mangincahi amangna sanga inangna na dung matobang, patutna do disampakkon tu ruar anso diturbing sigawak matana i jana dipangan rajawali bangkena i.

JEREMIA 23:11

Didok Tuhan, “Panurirang dohot malim nada ra mangoloi Au. Salang di bagasan bagasKu tardapot Au do halahi mambaen na jahat.

JEHESKIEL 21:25

Jana tu raja ni Israel hudok do, “Ale raja na jahat jana na hodar! Madung donok hatihana di ho manjagit uhuman na parpudi.

HAMALIMON 20:9

Dilehen Tuhan dope deba nari angka aturan na mangihut muse, “Sanga ise na mamurai amana sanga inana, angkon mate uhumon. Hamamatenia i, i ma hara ni salania sandiri.

MATEUS 10:21

Masa ma disi marsitangkup kahanggina anso dibunu. Laing songon i ma baenon ni ama-ama tu dakdanakna. Dakdanak pe mangalo do tu simatobangna, dipabunuhon angka anakna ma halahi.

SURAT NI SI PAULUS TU PARLAGUTAN ROM 1:30

manilakoi halak na asing; angka na mangapasi Debata, mangasahon hagogoanna sajo, jungkat ni roha, mamuji dirina, angka na mangajarkon hajahatan, na so mangoloi natorasna;

SURAT NI SI PAULUS TU PARLAGUTAN ROM 4:13

Dijanjihon Debata do tu si Abraham dohot tu pomparannia, gabe nampuna ni si Abraham ma tano on. Marjanji pe Debata songon i, nada hara ni si Abraham na mangoloi Tona i, tapi hara ni na porsaya do ia gabe dijagit ma ia songon halak na tigor.

SURAT NI SI PAULUS TU PARLAGUTAN ROM 5:20

Tapi ditambahon do Tona i, anso gabe mur bahat pangalaosion; jana di dia dosa martamba bahat disi ma asi ni roha mur bahat,

SURAT NI SI PAULUS TU PARLAGUTAN ROM 6:14

Nada be dosa i mangarajai hamu, angke nada be di toru ni Tona hamu mangolu tapi madung di toru ni asi ni roha.

GALATIA 3:19

Anggo songon i do hape, aha do gunana nilehen Tona i? Anggo alus ni i, songon on do: Songon tamba-tamba do Tona i dilehen laho patuduhon tu jolma sanga aha na margoar dosa. Intap ni haroro ni sahalak sian pomparan ni si Abraham sajo do mardalan anggo Tona i, i ma na dipaboa hian di bagasan janji ni Debata tu si Abraham i. Na nipasahat ni angka surusuruan do Tona i tu jolma markite-hite sada halak.

GALATIA 5:18

Tapi muda Tondi Parbadia do manogu hamu, tontu inda dirajai Tona be hamu.

GALATIA 5:21

gutgut; marmabuk-mabuk, marpesta-pesta dohot angka na asing. Salaho tusi sudena, hupaingot ma hamu songon sipaingotku na parjolo i, anggo halak sisongon i nada maruli tean-teanan i sian Harajaan Ni Debata.

GALATIA 5:23

martoruk ni roha jana tarrajaisa dirina. Nada adong uhum na mangalo angka aturan i.

PANGARATAION 27:16

‘Bura ni Debata ma di halak na palayas amangna dohot inangna.’ Dung i sude ma bangso i mandok: ‘I ma tutu!’

2 TESSALONIKA 2:8

disi pe anso tarida Jolma Na Jahat i. Jadi bunuon ni Tuhan Jesus ma Jolma Na Jahat i dohot hosa na sian pamangan ni Tuhan Jesus sandiri. Jana roncohononNia ma i dohot sinondang ni haroroNia.

1 TIMOTEUS 4:7

Padao ma ho sian angka turi-turian na so ture. Gumonan ma pasomal-somal dirimu marhadaulaton tu Debata.

1 TIMOTEUS 6:20

Sasude pos ni roha na nilehen di ho, denggan ma jagohon i sude Timoteus! Padao ma ho sian angka pangkataion na so marguna. Laing padao ma ho sian partangkangan taringot tu angka pangalaho na didok roha ni halak “Parbinotoan,” hape sian dalan na lilu.

2 TIMOTEUS 2:16

Padao ma ho sian angka kecet rarat na so marguna jana na so ias. Hum mambaen jahat do angka pangkataion sisongon i.

2 TIMOTEUS 3:2

Marsisarihon di ibana be do jolma i, sai giot kayo, sombong dohot na mamburas. Mangalayasi halak ma giot ni halahi, mangalo tu simatobangna, inda malo mandok tarimakasi, jana magigi tu angka pangalaho partondion.

TITUS 1:10

Harana bahat do halak na so ra mangoloi, lumobi na marugamo Jahudi hian; dipalilu-lilu halahi do halak na asing markite-hite hata-hata ni halahi na so marguna.

TITUS 1:16

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.

TITUS 1:6

Muda sintua sagiotna ulang ma halak na targora; angkon sada sajo do dadaboruna; angkon na marhaporsayaan ma angka dakdanakna jana ulang ma angka anak padiar sanga dakdanak na so taratur.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

IBRANI 11:31

Laing hara ni haporsayaan, gabe nada dohot si Rahab dadaboru jalang i mate rap dohot angka na mangalo Debata; angke denggan do dibaen ia manjagit angka pamata-matai ni halak Israel.

IBRANI 12:16

Jagohon hamu ma anso ulang adong na gabe siparkamainan sanga na so mangargahon angka pangalaho na badia songon na nibaen ni si Esau. Digadis ia haknia songon anak siangkaan, hum hara ni samangkuk sipanganon.

1 PETRUS 2:7

Na arga situtu do batu i di hamu na porsaya. Tapi anggo di halak na so porsaya, tulus ma na nidok ni Buku Na Badia i na mandok, “Batu na niambungkon ni angka tukang i, madung gabe batu parsuhi. Batu i ma na mambaen halak tartuktuk, batu na mambaen halahi gabe tinggang.”

1 PETRUS 3:20

i ma tondi ni angka halak na so mangoloi tu Debata hatiha i salolot paulihon paraunia i si Noak. Hape hum halak na di parau i sajo do – salapan halak do sudena – na malua sian aek na oto i.

1 PETRUS 4:18

Tarsurat do di Buku Na Badia i songon on, “Jadi muda maol do angka halak na denggan i paluaon, bia muse noma ulaning na masa tu angka halak pardosa na so mananda Tuhan i!”

JUDAS 1:15

laho manguhumi halak sudena. Dabuhonon ni Tuhan ma uhuman hara ni angka pambaenan ni angka jolma na so porsaya tuSia. Jana laing dabuhononNia ma uhuman hara ni sudena angka hata pangincahion na nipardokkonan ni angka halak pardosa na jahat tuSia!”

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.