1 TIMOTEUS 1:7 - BIBEL JAMITA NA DENGGAN

⁷ Sai giot Siboto Surat do halahi, hape nada diastui halahi angka hata na nipardokkonan ni halahi bope angka pangalaho na nipajojor ni halahi sian situtu ni rohana.

1 TIMOTEUS 1:7 ပူးပေါင်းရင်းမြစ်များ

MATEUS 15:14

Padiar hamu ma halahi. Angke panogu na mapitung do halahi, na manogu na mapitung. Muda di togu na mapitung halak na mapitung, madabu do halahi na dua tu lubang i.”

MATEUS 21:27

“Inda hami boto,” gabe ninna halahi ma mangalusi. Dung i ninna Jesus ma tu halahi, “Anggo songon i do, Au pe inda ra paboahon tu hamu sanga sian ise Hujagit kuaso laho mambaen sisongon i.”

LUKAS 2:46

Dung tolu ari dijalahi halahi, dohot halahi ma Ia juguk-juguk manangihon dohot manyapa-nyapai angka Siboto Surat Jahudi di Bagas Ni Debata.

BAENON NI ANGKA RASUL 15:1

Adong ma piga-piga halak sian Judea ro tu Antiokia, mangajari ma halahi tu angka na porsaya na di kota i mandok, “Nada dapotan haluaan hamu, muda so jolo disunat mangihutkon adat na niajarkon ni si Musa.”

SURAT NI SI PAULUS TU PARLAGUTAN ROM 1:22

Dipikir halahi gabe na bisuk, hape gabe na oto do halahi.

GALATIA 3:2

Paboa hamu ma jolo tu au pangalaho na sada on: Adong he hara ni na mandalankon Tona do umbaen na nijagitmunu Tondi Parbadia nabaruon, sanga hara ni na umbege Jamita Na Denggan na sian Debata dohot hara ni na porsaya tu Kristus do?

GALATIA 3:5

Dipasingkop Debata do TondiNa tu hamu jana dibaen do angka hahomangan di tonga-tongamunu. Adong he hara ni na mandalankon Tona umbaen na nipatupa ni Debata songon i, sanga hara ni na umbege Jamita Na Denggan i dohot hara ni na mangkaporsayai Kristus do?

GALATIA 4:21

Tangihon hamu ma jolo na hudok on, hamu angka na giot mangolu di toru ni kuaso ni Tona! Adong he na so jungada do dibege hamu Buku Tona i.

1 TIMOTEUS 6:4

Angka siginjang roha do i, hape nian so adong na binotona sanga aha! Na tagi-tagi marsoal dohot martongkari do i taringot tu angka pandohan, na mambaen anyok ni roha, hasisirang, marsitilakoan, manuhas na so ture,

2 TIMOTEUS 3:7

Sai torus mangido niajaran do angka dadaboru na songon i tapi nada jungada lalu tartanda halahi hasintongan i.

JAKOBUS 3:1

Hamu ale angka dongan! Ulang ma bahat sian hamu na marpor ni roha gabe guru. Nada he diboto hamu do anggo hita na gabe guru angkon umborat do uhumanna sian angka halak na asing i.

2 PETRUS 2:12

Hape anggo angka guru pargabus i, songon binatang na so marakal do halahi, na tubu sian bakona, anso nitangkup jana nisambol. Inda marpikir halahi; na nionjar ni bakona sajo do na nibaen ni halahi, gabe incak-incak sajo ma didok halahi laho mangalo sude angka na so niastuan ni halahi. Hara ni angka parange ni halahi sandiri, angkon magete halahi songon binatang panyoro.