1 TIMOTEUS 1:20 - BIBEL JAMITA NA DENGGAN

²⁰ I ma songon si Himeneus dohot si Aleksander. Ma hupasahat halahi na dua tu Sibolis, anso jora halahi mangincahi.

1 TIMOTEUS 1:20 ပူးပေါင်းရင်းမြစ်များ

MATEUS 18:17

Muda laing inda ditangihon ia sipaingot ni halahi i, paboa ma di tonga-tonga ni parlagutan. Muda laing inda ditangihon ia be sipaingot ni parlagutan i, etong hamu ma i songon halak na so mananda Tuhan. Sanga songon sada halak sitagi pajak.”

BAENON NI ANGKA RASUL 13:45

Jadi dung diida halak Jahudi songon i, gabe mangiburu ma halahi. Diincahi halahi ma si Paulus jana dialo halahi ma sude hata na nidoknia i.

BAENON NI ANGKA RASUL 19:33

Ninna roha ni na deba, hara ni si Aleksander do boncirna, angke ia do na nionjar-onjar ni halak Jahudi i tu jolo. Gabe martudu ma ia anso mandok hata laho mambela dirinia di jolo ni halak na bahat i.

1 KORINTUS 11:32

Tapi muda diuhumi Tuhan hita, ajaronNia ma hita, anso ulang hona uhum be hita rap dohot portibi on.

2 KORINTUS 10:6

Jana muda dung patu hamu sian sandok roha, madung singkop hami laho manguhumi sude halak na so unduk dope.

2 KORINTUS 13:10

Jadi hara ni i ma umbaen na hutongos surat on, dompak so lalu dope au di tonga-tongamunu. Jadi muda ro au saulahon, indangkon pola nian hubaen pambaenan na karas mamake kuaso na nilehen ni Tuhan i tu au, harana dilehen pe kuaso i tu au na laho paturehon hamu do, nada na laho manyegohon.

2 TESSALONIKA 3:15

Tapi ulang ma songon musu baen hamu halak sisongon i; laing paingot hamu ma halahi songon kahanggi.

1 TIMOTEUS 5:15

Angke adong do na mabalu i na dung lilu mangihutkon setan.

2 TIMOTEUS 2:14

Paingotkon ma tu halak taringot tuson sudena. Di jolo ni Debata, paingot ma halahi anso ulang martangkangi hara ni angka pandohan. Nada adong guna ni i, gariada hum mambaen gaor pikiran ni halak na umbegesa do i.

2 TIMOTEUS 2:17

Songon sahit kanker do angka pangajaran na songon i, mur honok mur mangararati. Masuk ma disi si Himeneus dohot si Piletus.

2 TIMOTEUS 3:2

Marsisarihon di ibana be do jolma i, sai giot kayo, sombong dohot na mamburas. Mangalayasi halak ma giot ni halahi, mangalo tu simatobangna, inda malo mandok tarimakasi, jana magigi tu angka pangalaho partondion.

IBRANI 12:5

Jana madung lupa hamu di sipaingot na mandok tu hamu songon tu dakdanak, “Ale dakdanakku, ulang menek rohamu mida pangajaran ni Tuhan i; jana ulang mandele muda dipaingot Ia ho.

HALUMBAAN 13:1

Dung i huida ma sada binatang ruar sian laut. Adong do sampulu tandukna jana pitu uluna. Adong muse ma tuku sada be di uluna i jana tarsurat ma di uluna i sude sada goar pangincahion.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.