1 TIMOTEUS 1:18 - BIBEL JAMITA NA DENGGAN

¹⁸ Pos do rohangku pasahatkon karejo on tu ho, ale Timoteus anakku, hombar tu na nisurirangkon taringot tu ho, anso dipargogoi panurirangon i ho mangkarejohon pambaenan na denggan,

1 TIMOTEUS 1:18 ပူးပေါင်းရင်းမြစ်များ

BAENON NI ANGKA RASUL 16:1

Dipatorus si Paulus ma mardalan tu Derbe, lopus tu Listra. Adong do disi sahalak sisean na margoar si Timoteus. Boru Jahudi do inangnia, tapi madung porsaya tu Jesus; tapi anggo amangnia halak Junani do.

1 KORINTUS 4:17

Ihut tusi madung husuru si Timoteus mandapotkon hamu. Songon halak siihutkon Kristus, songon anakku sandiri do ia na huhaholongi. Anak haposan do i. Paboaonnia ma tu hamu sanga na bia ngolu na hudalankon dung porsaya au tu Kristus, i ma pardalan ni ngolu na huajarkon di ganop parlagutan sanga na di dia pe.

1 KORINTUS 9:7

Adong ma he tentara na kehe marporang, angkon laing jalahannia muse balanjonia sandiri? Nada adong halak na manyuan anggur di kobunna hape nada dipangan ia sian suha ni kobunna i! Nada adong parmahan biri-biri na so manginum susu ni pahan-pahananna i!

PILIPPI 2:22

Hamu sandiri pe madung diida hamu buktina na marguna si Timoteus. Marsitutu do ia na karejo i rap dohot au laho pararatkon Jamita Na Denggan i na sian Debata. Songon ama tu anakna do hami na dua.

1 TIMOTEUS 1:2

Tu si Timoteus anakku situtu di bagasan haporsayaan. Asi ni roha dohot hasonangan ma di ho sian Debata Amanta dohot sian Kristus Jesus Tuhanta i.

1 TIMOTEUS 1:5

Anggo tujuan ni sipaingot i, i ma laho manyungguli holong ni roha na polin sian roha na ias dohot haporsayaan na tutu situtu.

1 TIMOTEUS 4:14

Ulang lalap ho mamake hasurungan na adong di ho, na nijagitmu dompak na niampehon ni angka pamimpin ni parlagutan tangan ni halahi tu ulumu.

1 TIMOTEUS 4:4

Denggan do sasudena sanga aha na nijadihon ni Debata, sada pe sian i nada tama etongon na so hasaya muda dung nijagit i mardongan hatarimakasion tu Debata.

1 TIMOTEUS 6:20

Sasude pos ni roha na nilehen di ho, denggan ma jagohon i sude Timoteus! Padao ma ho sian angka pangkataion na so marguna. Laing padao ma ho sian partangkangan taringot tu angka pangalaho na didok roha ni halak “Parbinotoan,” hape sian dalan na lilu.

2 TIMOTEUS 1:2

Tu si Timoteus, anakku na nihaholongan. Asi ni roha dohot hasonangan ma di ho, sian Debata Ama dohot Kristus Jesus, Tuhanta i!

2 TIMOTEUS 4:7

Anggo au madung hudohoti parlumbaan i sadenggan-dengganna, jana madung lalu tu ujung, jana madung humomosi do haporsayaan i.

TITUS 1:4

Tu si Titus, anakku, mangihutkon haporsayaanta. Asi ni roha dohot hasonangan ma di ho, sian Debata Ama dohot Kristus Jesus, Sipalua hita.

PILEMON 1:10

pajojorkon pangidoan tu ho taringot tu anakku na hudapot hatiha di hurungan au, i ma si Onesimus.