1 TIMOTEUS 1:14 - BIBEL JAMITA NA DENGGAN

¹⁴ Hape asi ni roha ni Tuhanta i madung dipasupasuhon marlobi-lobi tu au. Dilehen Ia do i marhite haporsayaan dohot holong ni roha di bagasan Kristus Jesus.

1 TIMOTEUS 1:14 ပူးပေါင်းရင်းမြစ်များ

HARURUAR 34:6

Dung i mardalan ma Tuhan mamolus sian jolo ni si Musa jana pio-pio, “Au, Tuhan, Au do Debata parholong jana paribo roha. Na gok holong do Au, setia jana na lambok.

MATEUS 20:9

Dung i ro ma angka na masuk karejo pukul lima andospotang i. Sada be ma hepeng perak dijagit halahi.

BAENON NI ANGKA RASUL 15:11

Di balik ni i tahaporsayai do, hum hara ni ibo ni roha ni Tuhan Jesus sajo do umbaen na malua hita; laing songon i muse ma halahi.”

SURAT NI SI PAULUS TU PARLAGUTAN ROM 16:20

Tapi tibu ma diropukkon Debata mual ni hasonangan i, Sibolis i tu toru ni patmunu! Sai didongani asi ni roha ni Tuhanta Jesus Kristus ma hamu. Sai tongtong ma hamu dipasupasu Jesus Kristus Tuhanta i!

1 KORINTUS 15:10

Tapi hara ni asi ni roha ni Debata, madung gabe songon au na adong saonnari on, au. Jana nada parcuma na niampunan ni Debata au. Hape gabe lumoja dope au markarejo sian sude rasul na asing i. Tapi i pe sudena, nada hara ni usahongku i; usaho ni Debata na mangakaholongi au do i jana na markarejo rap dohot au.

1 KORINTUS 3:10

Hara ni hamaloon na nilehen ni Debata di au, songon tukang bagas na malo madung sidung hubaen ojahan ni bagas i, jana halak na asing do pajongjongkon bagas di ginjang ni ojahan i. Angkon jolo tangkas do parrohahonon ni tukang i sanga songon dia bagas na giot pajongjongonnia i di ginjang ni ojahan i.

2 KORINTUS 4:15

Mardomu tu na hasaya di hamu do sudena i. Angke muda mur bahat halak mandai holong ni roha ni Debata, mur bahat muse do tangiang tarimakasi na nipasahat tu Debata; jadi muda songon i, marsangap ma Debata.

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

GALATIA 1:13

Tontu dibege hamu hian do taringot tu ngolungku na salpu i dompak di hajahudian au. Diboto hamu do sanga na bia kejamna hubaen tu parlagutan ni Debata, jana bia karasna au laho manyarsarkonsa.

1 TESSALONIKA 1:3

Muda hatiha mangadop hami tu Debata Amanta i, sai tongtong do hami ingot hamu, i ma karejo na nipatupamunu hara ni haporsayaanmunu tu Kristus, bope holong ni rohamunu maradopkon dongan na asing jabat disarihon hamu halahi dohot arop ni rohamunu na togu maradopkon Tuhanta Jesus Kristus.

1 TESSALONIKA 5:8

Tapi anggo hita on, angka halak na sian arian do, jadi angkon torang do rohanta. Angkon pakeonta do haporsayaan dohot holong ni roha songon baju bosi tu parporangan. Jana kupia bajanta, i ma arop ni rohanta di haluaanta i.

1 TIMOTEUS 2:15

Haru songon i pe, paluaon do angka dadaboru hara ni na manubuhon angka dakdanak, asal ma tongtong porsaya, tongtong marholong ni roha jana habadiaan mardongan hapantunon.

1 TIMOTEUS 4:12

Ulang ma padiar sahalak pe marlayas ni roha tu ho hara ni na poso i dope ho. Tapi angkon gabe tiruan na denggan ma ho di angka halak na porsaya, di bagasan pangakataionmu, pangalahomu, holong ni rohamu, haporsayaanmu dohot di haiason ni ngolumu.

1 TIMOTEUS 6:11

Tapi anggo ho, halak ni Debata do ho, jadi angkon mandao do ho sian i sudena. Parayak ma anso halak na bonar ho di parnidaan ni Debata, jana na mangoloi tu Debata boti na porsaya tu Kristus, na marholong ni roha, sobar dohot marlambok ni roha.

2 TIMOTEUS 1:13

Haburjuhon ma mangihutkon pangajaran na tutu na dung huajarkon i tu ho. Jana porsaya ma ho tongtong dohot marholong ni roha, angke na dung mardomu do ho dohot Jesus Kristus.

2 TIMOTEUS 2:22

Orom ma dirimu taringot tu angka hasonangan ni na poso-poso. Haburjuhon ma mangoloi hagiot ni Debata, manghaporsayai Ia jana marholong ni roha dohot hadameon ni roha. Saroha ma ho na mangolu i rap dohot angka dongan na mangido tolong sian Tuhan mardongan roha na ias.

TITUS 2:2

Paingot ma angka ama na tumobang anso marroha jana malo mangorom dirina; anso denggan dihaporsayai halahi Debata, denggan marsihaholongan jana sobar di sitaonon jana benget.

1 PETRUS 1:3

Mandok tarimakasi ma hita tu Debata bope Ama ni Tuhanta Jesus Kristus! Hara ni denggan ni rohaNia, dibaen Ia do hita gabe jolma na imbaru na maruli arop ni roha na tongtong mangolu, angke madung dipangolu Kristus mangulahi sian hamatean.

1 JOHANNES 4:10

On do holong ni roha i: Nada hita parjolo mangkaholongi Debata tapi Debata do na mangkaholongi hita jana na marsuru AnakNia tu portibi on anso dapotan pardengganan hita taringot tu angka dosanta.

HALUMBAAN 22:21

Asi ni roha ni Tuhan Jesus ma na mandongani hamu sudena! Amen.