1 TIMOTEUS 1:12 - BIBEL JAMITA NA DENGGAN

¹² Mandok tarimakasi do au tu Jesus Kristus Tuhanta i, na mangalehen gogo di au laho mangoloi Ia jana na mangetong au gabe songon sada halak haposan maniop karejo i.

1 TIMOTEUS 1:12 ပူးပေါင်းရင်းမြစ်များ

MATEUS 20:4

Jadi didok ia ma tu halahi, ‘Dohot ma hamu kehe markarejo di kobun anggurki. Hulehen pe upa na patut di hamu.’

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

BAENON NI ANGKA RASUL 16:15

Tardidi ma si Lidia dohot halahi na sabagas. Dung nididihon ia, diontang ia ma hami. Didok ia ma tu hami, “Muda na dung tutu do au porsaya tu Tuhan i dietong rohamunu ale angka dongan, antong di bagasku ma hamu manompang,” ning ia. Digogohon ia ma anso laing hami oloi pangidoannia i.

BAENON NI ANGKA RASUL 9:15

Tapi didok Tuhan i ma tu si Ananias, “Kehe ma ho! Harana na dung Hupili do ia mangoloi Au, anso dijamitahon ia taringot tu goarKu tu sude angka bangso na asing dohot tu angka raja, songon i dohot tu halak Israel muse.

BAENON NI ANGKA RASUL 9:22

Tapi mur tamba do sahala ni si Saulus. Homang do roha ni angka halak Jahudi na di Damaskus hara ni na nipapatarnia bahaso Jesus do Kristus i.

1 KORINTUS 15:10

Tapi hara ni asi ni roha ni Debata, madung gabe songon au na adong saonnari on, au. Jana nada parcuma na niampunan ni Debata au. Hape gabe lumoja dope au markarejo sian sude rasul na asing i. Tapi i pe sudena, nada hara ni usahongku i; usaho ni Debata na mangakaholongi au do i jana na markarejo rap dohot au.

1 KORINTUS 3:5

Jolma na bia ma he pola si Apollos? Jana tarbia muse si Paulus? Pangoloi ni Debata sajo do hami na dua, na dung manogu-nogu hamu anso porsaya tu Debata. Karejo na nipasahat ni Tuhan i tu hami be, i sajo do na hami dalankon.

1 KORINTUS 7:25

Saonnari taringot tu angka na so marripe noma. Anggo taringot tusi nada adong dope hujagit angka parenta sian Tuhan. Tapi haru songon i pe, songon halak na manjagit asi ni roha ni Tuhan na patut sihaposan, giot lehenonku do sipaingotku.

2 KORINTUS 4:1

Na niurupan ni Debata do hami mangkarejohon karejo on. Na nilehenNia do karejo on di hami. Hara ni i ma umbaen na so mandele hami.

GALATIA 3:26

Jadi hara ni na nihaporsayaanmunu Kristus Jesus, gabe marsada ma hamu dohot Ia; jadi gabe dakdanak ni Debata muse ma hamu sude.

GALATIA 3:28

Anggo taringot tuson, nada adong be dibaen mardia imbar halak Jahudi sanga angka halak Junani, hatoban dohot na mardeka, halaklahi dohot dadaboru. Gabe sada do hamu sudena hara ni Kristus Jesus.

PILIPPI 2:11

Angkon torang ma okuon ni halahi paboa Jesus Kristus do Tuhan; jadi nipasangap ma Debata Ama i muda songon i.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

KOLOSSE 1:25

Debata do marsuru au gabe pangoloi di parlagutan i laho manyarihon hamu. Angkon pabolkasonku do sudena barita na sian Debata;

1 TIMOTEUS 1:1

Sian si Paulus, rasul ni Kristus Jesus, markite-hite tona ni Debata Sipalua hita dohot Kristus Jesus arop ni rohanta i.

1 TIMOTEUS 1:11

Anggo pangajaran i, i ma na tarsurat di Jamita Na Denggan i na dung dipasahat tu au di bagasan pos ni roha, i ma Jamita Na Denggan na sian Debata na sangap i.

1 TIMOTEUS 1:2

Tu si Timoteus anakku situtu di bagasan haporsayaan. Asi ni roha dohot hasonangan ma di ho sian Debata Amanta dohot sian Kristus Jesus Tuhanta i.

1 TIMOTEUS 6:13

Jana saonnari pe, di jolo ni Debata na mangalehen hosa tu sasudena dohot di jolo ni Jesus Kristus na mangalehen hasaksian na tutu di jolo ni si Pontius Pilatus, hutonahon ma tu ho songon on:

2 TIMOTEUS 2:2

Pangajaran na nibegemu sian au di jolo ni halak na bahat, pasahat ma i tu angka dongan sanga ise na tarhaposi roha jana na malo mangajari halak na asing.

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

TITUS 1:4

Tu si Titus, anakku, mangihutkon haporsayaanta. Asi ni roha dohot hasonangan ma di ho, sian Debata Ama dohot Kristus Jesus, Sipalua hita.

PILEMON 1:9

Tapi hara ni holong ni roha, gumonan noma mangido au tu ho. Au, si Paulus na dung matobang, jana na dihurung saonnari hara ni Kristus Jesus,