1 TIMOTEUS 1:10 - BIBEL JAMITA NA DENGGAN

¹⁰ tu angka halak na rorang, pandalus-dalus, panyamun, pargabus, tu angka saksi pargabus, dohot tu halak na maralo pangalahona tu ajaran na tutu.

1 TIMOTEUS 1:10 ပူးပေါင်းရင်းမြစ်များ

PAMUNGKAAN 19:5

Pio-pio ma halahi tu si Lot jana disapai halahi ma, “Ma di dia halak na ro i na giot marborngin di bagasmon? Pasahat ma da tu hami anso hami pardadaboru halahi.”

PAMUNGKAAN 37:27

Tagadis ma tu halak Ismael i. Jadi nada porlu parkancitanta ia; sanga na bia pe laing na angginta do da ia, dongan samudarta.” Gabe satuju ma angka kahangginia i di usul i,

PAMUNGKAAN 40:15

Harana anggo satutuna, na nitangko do da au sian luat ni halak Ibrani, dohot dison pe tehe di Mesir on, na so unjung do hubaen hajahatan sanga aha pe na mambaen au patut masuk hurungan.”

HARURUAR 20:7

Ulang dokkon goar ni Tuhan Debatamu, di na so dalanna, dibaen uhumon ni Tuhan do halak na mandok goarNia di na so dalanna.

HARURUAR 21:16

Sanga ise na manangkup halak, anso gadisonna sanga parhatobanonna, angkon mate niuhuman.

HOSEA 10:4

Margabusi ma halahi jana mambaen parjanjian na so tutu lalu mamudun parjanjian na so marguna. Dipasuhar ma uhum, gabe mur manjadi-jadi ma hageduhan songon latong na tubu di ladang na dung nipangkuran.

HAMALIMON 18:22

Nada tola pardadaboruon ni halaklahi donganna halaklahi, hagigian ni Debata do pangalaho na songon i.

HAMALIMON 20:13

Muda adong sada halaklahi mambaen donganna halaklahi rap modom songon dadaboruna, halahi na dua rap mambaen karejo sihagigian, jadi halahi na dua angkon rap mate uhumon. Hamamate ni halahi, i ma hara ni sala ni halahi sandiri.

ZAKARIA 5:4

Madung Husuru ia haruar, ninna Tuhan Na Markuaso, anso hona ma i tu bagas ni panangko dohot tu bagas ni na marsumpa pargabus marhite goarKu, jana anso marborngin i di bagas ni halahi, pangabisonna ma angka hayuna bope angka batuna.”

ZAKARIA 8:17

Ulang ma baen hamu sangkap na jahat maradopkon hamu sama hamu, ulang dokkon sumpa na so tutu. Magigi do Au tu gabus dohot hageduhan bope na mangasahon gogo.”

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

SURAT NI SI PAULUS TU PARLAGUTAN ROM 1:26

Jadi hara ni na songon i dibaen jolma i, gabe dipadiar Debata noma halahi mangihutkon hagiot na pailahon i. Angka dadaboru nada markagiot be di halaklahi songon na somal di hajolmaon; tu donganna dadaboru noma dihagioti rohana.

PANGARATAION 24:7

Muda adong sada halak na manangko sanga ise dongan sabangsona, lalu dibaen ia gabe hatobanna sanga digadis ia songon hatoban, angkon mate niuhuman do sitangko jolma i. Songon i ma dalanna baenonmunu laho mangagohon hajahatan i sian tonga-tongamunu.

1 TIMOTEUS 4:6

Muda diajarkon ho sudena i tu angka dongan na porsaya, gabe pangoloi na denggan ma ho markarejo di Jesus Kristus. Jana angkon pupuonmu do padenggan rohamu hombar tu Hata Ni Debata na tahaporsayai i dohot angka pangajaran na sintong na dung diihutkon ho sahonokna on.

1 TIMOTEUS 6:3

Adong do halak na mangajarkon asing sian i jana na so satujuan muse tu pangajaran na sintong na sian Tuhanta Jesus Kristus. Nada satuju muse halahi tu pangajaran ni ugamonta.

2 TIMOTEUS 1:13

Haburjuhon ma mangihutkon pangajaran na tutu na dung huajarkon i tu ho. Jana porsaya ma ho tongtong dohot marholong ni roha, angke na dung mardomu do ho dohot Jesus Kristus.

2 TIMOTEUS 4:3

Angke angkon ro do hatihana na so ra be halak manjagit pangajaran na sintong. Gumonan noma hagiot ni halahi sandiri ihutkonon ni halahi, jana gabe palaguton ni halahi ma angka guru laho mangajarkon angka pangalaho na tabo begeon ni pinggol ni halahi.

TITUS 1:13

Tutu do hasaksian on. Hara ni i ma umbaen na angkon paingotonmu halahi, anso sai porsaya halahi di bagasan dalan na tigor;

TITUS 1:9

Angkon halak na togu marsitiopan tu hata na tutu, i ma jamita sihaporsayaan songon na niajarkon i tusia. Jadi dohot dalan na songon i malo ma ia paingot halak hombar tu pangajaran na sintong jana malo ma ia manudu hasalaan ni halak na mangalo tusia.

IBRANI 13:4

Dipatuduhon ganop halak ma sangap di parsaripeonna, hara ni i angkon burju do na mardongan saripe tu donganna saripe i. Halak na markamainan dohot na mambaen na so ture adilan ni Debata do i.

JUDAS 1:7

Laing ingot hamu ma kota Sodom dohot Gomora dohot angka kota na humaliang i, na niinganan ni halak angka na mambaen pangalaho songon na nibaen ni angka surusuruan i. Angka pangalaho na rorang dohot na mangoloi hagiot ni sibukna do dipambaeni halahi, gabe hona uhum ma halahi dohot api na so ra mintop, baen sipaingot tu halak sudena.

HALUMBAAN 18:13

hulim, parmasak, pulungan ni ubat-ubat, mur dohot hamonyan; anggur dohot miak, topung dohot gandum; lombu dohot biri-biri, kudo dohot kareta, angka hatoban dohot jolma.

HALUMBAAN 21:27

Tapi sanga ise halak na mangkarejohon angka pangalaho sihailahononkon, dohot angka pargabus, nada dipatola masuk tu bagasan – pendekna sandok na hodar, nada tola dioban masuk tu bagasan. Anggo na dipatola masuk tu bagasan, hum angka halak na tarsurat do goarna di bagasan buku hangoluan ni Anak Ni Biri-biri i.

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.