1 TESSALONIKA 5:9 - BIBEL JAMITA NA DENGGAN

⁹ Dipili Debata pe hita nada anso hona rimas ni rohaNia, tapi anso dapot hita do haluaan markite-hite Tuhanta Jesus Kristus.

1 TESSALONIKA 5:9 ပူးပေါင်းရင်းမြစ်များ

JOB 23:14

PadalanonNia do sangkapNia salaho tu iba, jana bahat dope tahi ni rohaNia asing ni na tu au.

HARURUAR 9:16

Tapi Hupadiar dope mangolu hamu laho patidahon kuasongKu tu hamu, anso tarbonggal goarKu tu sude portibi on.

PODA 16:4

Dibaen Tuhan do sude hombar tu tujuanna; jana hamagoan do ujung ni parjahat.

MATEUS 26:24

Tutu nian, angkon kehe do Anak Ni Jolma i songon na dung tarsurat hian di Buku Na Badia i paboa na angkon mate Ia. Tapi marjaya ma halakna i na manghianat tu Anak Ni Jolma i! Sugari gumonan hian do indangkon sai jungada ia sorang!”

BAENON NI ANGKA RASUL 1:20

“Angke tarsurat muse do di Buku Masmur songon on, ‘Gabe halongonan na lungun ma ingananna i; anso ulang adong halak maringanan disi.’ Laing tarsurat muse do songon on, ‘Halak na asing noma manggonti tohonanna.’ ”

BAENON NI ANGKA RASUL 13:48

Dung dibege angka bangso na asing na so Jahudi i hata ni halahi i, jop ma roha ni halahi, dipapuji-puji halahi ma hata ni Tuhan i. Gabe porsaya ma angka halak na nitontuhon ni Debata laho manjagit ngolu na so mantak i.

SURAT NI SI PAULUS TU PARLAGUTAN ROM 11:30

Najolo nada mangoloi Debata hamu. Hape saonnari madung dapotan asi ni roha do hamu, hara ni na so ra halak Jahudi mangoloi.

SURAT NI SI PAULUS TU PARLAGUTAN ROM 11:7

Antong songon dia noma? Na nijalahan ni halak Israel nada dapot halahi i, tapi angka na nipili i do dapotansa; jana anggo na asing i madung pir songon batu.

1 TESSALONIKA 1:10

Laing di hatahon halahi do sanga na bia ngolngolna pangkilalaanmunu painte-intehon haroro ni Anak Ni Debata sian banua ginjang; i ma Jesus na dung dipangolu Debata sian hamatean i. Laing Jesus i do na paluahon hita sian rimas ni Debata na giot ro i.

1 TESSALONIKA 3:3

anso ulang adong sahalak pe sian hamu na dumaol-daol hara ni angka parkancitan on. Hamu sandiri pe diboto hamunu do na nitontuhon ni Debata hian do angka parkancitan i gabe bagianta.

1 TIMOTEUS 1:13

Najolo, madung hupalayas Ia, huparkanciti jana hupabile. Tapi haru songon i pe asi do roha ni Debata mida au, angke nada porsaya dope au hatiha i, gabe nada huboto sanga aha na hubaen i.

1 TIMOTEUS 1:16

Tapi laing hara ni i muse ma dihaholongi Debata au, anso laing tarpatuduhon Jesus Kristus hasobaronNia maradopkon au halak pardosa on. Jana gabe tiruan ma on di angka na giot porsaya muse tuSia jana na manjagit hangoluan na so mantak.

2 TIMOTEUS 2:10

Hara ni i do umbaen na huhasobarkon mananggung sudena i pasari-sari angka dongan na dung nipili ni Debata. Hutaon pe sudena i bia anso laing dohot halahi maruli haluaan na di bagasan Kristus Jesus, dohot hasangapan salolot-lolotna.

1 PETRUS 2:10

Na jolo, nada bangso ni Debata hamu, hape anggo saonnari bangso ni Debata do hamu. Najolo, nada dihaholongi Debata hamu, hape anggo saonnari didai hamu do asi ni rohaNia.

1 PETRUS 2:8

Tartuktuk pe halahi, hara ni na so dioloi halahi do hata ni Debata. Songon i ma panontuhon ni Debata taringot tu halahi.

2 PETRUS 1:1

Sian si Simon Petrus, naposo jana rasul ni Jesus Kristus, tu angka na rap dohot hami manjagit haporsayaan i markite-hite hatigoran ni Debatanta dohot Sipalua hita, Jesus Kristus.

2 PETRUS 2:3

Hara ni na ahut tu dirina, caritohonon ni angka guru pargabus i ma tu hamu angka carito na nibaen ni halahi sandiri anso dapotan untung halahi sian hamu. Tapi anggo panguhuman laho manguhum halahi madung tibu dipasingkop jana hamagoan na dung ditontuhon pe tu halahi madung paintehon tu halahi.

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.