1 TESSALONIKA 5:6 - BIBEL JAMITA NA DENGGAN

⁶ Hara ni i, nada tola tarpodom hita songon angka halak na asing i. Angkon tongtong do hita jonggor jana rohanta pe angkon torang.

1 TESSALONIKA 5:6 ပူးပေါင်းရင်းမြစ်များ

PODA 19:15

Muda giot parlosok ho, rohamu ma di ho! Torus ma ho modom, lalu ma naron malean ho.

JESAYA 56:10

angke angka na mapitung do anggo pamimpin ni bangsongKu! Nada diboto halahi bagi aha. Songon anjing panjago na so martunggu do halahi, tapi na modom sajo do halahi.

JUNUS 1:6

Jadi di na mijur nakhoda ni kapal i tu toru, didapot ia ma si Junus disi hatiha modom. Jadi didok ia ma, “Laing tarbaen ho dope antong modom ma pola songon on na masa! Ngot ho! Martangiang ma ho tu Debatamu laho mangido tolong. Nada binoto betak sai ibo rohaNia tu hita gabe dipalua hita.”

MATEUS 13:25

Jadi di sada borngin, dung marmodoman sude halak, ro alo ni partani i manyabur simareme-eme di tonga-tonga ni eme i. Dung i kehe ia.

MATEUS 24:42

Hara ni i, jonggor ma hamu, angke nada diboto hamu sanga andigan haroro ni Tuhanmunu.

MATEUS 25:13

Jadi dipaujung Jesus ma umpamaNia i, ning Ia ma, “Hara ni i, jonggor ma hamu, angke nada diboto hamu arina sanga hatihana.”

MATEUS 25:5

Honok ma bayo pangoli i anso ro, gabe mamungka ma mondohondok bujing-bujing i lopus tarpodom be.

MATEUS 26:38

Didok Ia ma tu anak siseanNia i, “Marsak sajo do Au, songon na giot mate Huhilala. Dison ma jolo hamu, anso dohot hamu marjonggor rap dohot Au.”

MARKUS 13:37

Sude na Hudok on tu hamu, laing Hupaboa do tu halak sudena: Jonggor ma hamu!”

LUKAS 12:37

Martua do angka naposo na nidapot ni tuanna sai painte-intehon harorona. Na tutu do na Hudokkon tu hamu, dihohosi ia ma gontingna, dung i dipajuguk ia ma halahi jana ro ma ia mangoloi halahi.

LUKAS 12:39

Ingot hamu ma i! Anggo diboto nampuna bagas do sanga sadihari ro panangko, jago ma ia di bagasnia i, nada loasonnia buharon bagas i.

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

LUKAS 22:46

Dung i didok Ia ma tu halahi, “Biasi dehe modom hamu? Ngot ma hamu, martangiang ma anso ulang madabu hamu tu pandugaan.”

BAENON NI ANGKA RASUL 20:31

Jadi hara ni i, marjago-jago ma hamu! Ingot hamu ma, tolu taon honokna arian na borngin mardongan ilu-ilu nada maradian au mangajari hamu pasada-sada.

1 KORINTUS 15:34

Torang ma rohamunu jana ulang be mambaen dosa hamu. Adong dope sian hamu halak na so tangkas mananda Debata. Hudok pe songon i, anso maila do hamu di dirimunu.

1 KORINTUS 16:13

Antong jonggor ma hamu jana togu ma haporsayaanmunu. Angkon barani do hamu martindak jana sai margogo ma hamu.

EPESUS 2:3

Anggo najolo sarupa hian do hita sudena dohot halahi; mangolu do hita paolo-oloi bako ni hajolmaonta harana sanga aha na pasonangkon pamatangta dohot pikiranta na jahat i, i do na tabaen. Anggo hatiha i, hita pe halak na hona rimas ni Debata muse do, laing songon halak na asing i.

EPESUS 5:14

Jana sasudena na tarida tangkas, na torang do i. Hara ni i do umbaen na didok, “Ngot ma ho na modom i, jana jongjong ma ho sian hamatean! Giot marsinondang ma Kristus di ginjangmu.”

EPESUS 6:18

Mardongan tangiang mangido tolong tu Debata ma patulus hamu sudena i. Ulang hamu lupa martangiang ganop adong hatihana sanga hombar tu panogu-noguon ni Tondi Parbadia di hamu. Tongtong ma jonggor hamu. Tongtong ma martangiang hamu, manangiangkon sudena halak na porsaya.

PILIPPI 4:5

Angkon idaon ni halak ma nian pangalahomunu sian roha na denggan. Madung donok Tuhan i.

KOLOSSE 4:2

Pupu hamu ma na martangiang jana jonggor ma hamu. Mandok tarimakasi ma hamu tu Debata.

1 TESSALONIKA 4:13

Hamu angka dongan, giotnami sugari diboto hamu ma nian pangalaho na satutuna taringot tu angka na dung monding; anso ulang marsak hamu songon halak na so mararop ni roha.

1 TESSALONIKA 5:10

Hara ni hita do umbaen na mate Jesus, anso tarbaen mangolu hita rap dohot Ia muda ro Ia muse – sanga na laing mangolu hita disi sanga pe na dung mate.

1 TESSALONIKA 5:8

Tapi anggo hita on, angka halak na sian arian do, jadi angkon torang do rohanta. Angkon pakeonta do haporsayaan dohot holong ni roha songon baju bosi tu parporangan. Jana kupia bajanta, i ma arop ni rohanta di haluaanta i.

1 TIMOTEUS 2:15

Haru songon i pe, paluaon do angka dadaboru hara ni na manubuhon angka dakdanak, asal ma tongtong porsaya, tongtong marholong ni roha jana habadiaan mardongan hapantunon.

1 TIMOTEUS 2:9

Laing songon i taringot tu angka dadaboru, giotku nian mangias ma halahi songon na somal jana mamake pakean na sopan. Ulang ma dibaen parsuri na lobi sanga mamake angka barang sere sanga berlian, sanga pe angka pakean sigodang arga.

1 TIMOTEUS 3:11

Dadaboru ni halahi pe angkon halak na denggan roha do, ulang ma halak na ringgas mangkata-hatai hahurangan ni halak na asing. Angkon taroromsa do dirina jana haposan di sude pangalaho.

1 TIMOTEUS 3:2

Hara ni i, sanga ise na gabe pamimpin ni parlagutan, angkon halak na so martilako ma; angkon sada sajo do dadaborunia; bisa mangorom dirina, na malo jana na maraturan; angkon jop do rohana manjagit tamu di bagasna; jana ringgas mangajari halak;

2 TIMOTEUS 4:5

Tapi haru songon i pe, ulang pola jabat dut rohamu marnida sanga aha pe na masa. Sobar ma ho di parkancitan, karejohon ma karejomu, songon parjamita ni Jamita Na Denggan i jana dalankon ma na nipaporsankon tu ho sadenggan-dengganna.

TITUS 2:12

Na mangajari hita do hadengganan ni roha ni Debata i anso ulang be maralo ngolunta tu hagiot ni Debata jana nada be mangihutkon hagiot ni portibi on; diajari do hita anso malo hita mangarajai dirinta, tigor jana manghaholongi Debata.

TITUS 2:6

Paingot muse ma angka na poso anso malo mangarajai dirina.

1 PETRUS 1:13

Hara ni i hobas ma hamu. Jonggor ma hamu jana mararop ni roha situtu di pasupasu na giot lehenonNa tu hamu di haroro ni Jesus Kristus muse.

1 PETRUS 4:7

Na giot dapot ne ma ujung ni sasudena. Hara ni i, rajai hamu ma dirimunu jana torang ma rohamunu anso tarbaen hamu martangiang.

1 PETRUS 5:8

Angkon hobas do hamu jana jonggor! Angke Sibolis do musumunu. Songon singa do i na res pahae res pahulu na mangorong soroanna.

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”

HALUMBAAN 3:2

Hara ni i, ngot ma hamu jana pargogoi hamu ma sanga aha na tading dope di hamu dompak so jabat mate sude. Angke nada adong dapot Au hum sada pe pambaenanmunu na sanggam di adopan ni DebatangKu.