1 TESSALONIKA 5:5 - BIBEL JAMITA NA DENGGAN

⁵ Halak na mangolu di hatorangan do hamu sudena; jana angka halak arian do hamu. Nada angka halak na sian borngin hita, sanga angka halak ni hagolapan.

1 TESSALONIKA 5:5 ပူးပေါင်းရင်းမြစ်များ

LUKAS 16:8

Dung i dipuji tuan ni bendahara i ma habisuhon ni bendahara na geduk i; angke umbisuk do angka jolma portibi on taringot tu angka urusan ni halahi ulang pado anak ni hatorangan i.”

JOHANNES 12:36

Haporsayai hamu ma hatiuran i salolot laing di hamu i, anso gabe halak ni hatiuran hamu.” Dung didokkon Jesus songon i, morot ma Ia sian i jana nada ra be Ia patidahon diriNa tu halahi.

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

EPESUS 5:8

Hamu sandiri pe di hagolapan hian do najolo. Anggo saonnari madung gabe na torang hamu di bagasan Tuhan i. Hara ni i, mangolu ma hamu songon angka dakdanak ni hatorangan i.

1 TESSALONIKA 5:8

Tapi anggo hita on, angka halak na sian arian do, jadi angkon torang do rohanta. Angkon pakeonta do haporsayaan dohot holong ni roha songon baju bosi tu parporangan. Jana kupia bajanta, i ma arop ni rohanta di haluaanta i.

1 JOHANNES 2:8

Tapi haru songon i pe, laing tona na imbaru do dohonon na husuratkon on. Madung tangkas tarida parenta on di diri ni Jesus Kristus dohot di dirimunu; angke madung mamungka salpu hagolapan jana mamungka ma bincar sinondang na tigor.