1 TESSALONIKA 4:6 - BIBEL JAMITA NA DENGGAN

⁶ Taringot tuson, ulang ma adong na mambaen sala tu donganna sanga na paoto-otohon. Na salpu i madung tangkas hami ondolkon di na hami paboa tu hamu, angkon uhuman ni Debata do angka halak na songon i pangalahona.

1 TESSALONIKA 4:6 ပူးပေါင်းရင်းမြစ်များ

MASMUR 140:12

O Tuhan, huboto do tangkas Ho pambela ni halak na pogos dohot na dangol, diurupi Ho do parkaro ni halak na hona sosak.

MASMUR 94:1

Ale Debata, Ho do Debata na mambaloskon, patuduhon ma pamalosonMi ale Debata!

HARURUAR 20:15

Ulang manangko.

HARURUAR 20:17

Ulang impol rohamu di bagas ni donganmu jolma; ulang impol rohamu di dadaborunia, bope naposona bope lombuna bope halodena, bope di sanga aha nampuna ni donganmu jolma.”

PODA 11:1

Goyak do roha ni Tuhan di halak na mamake timbangan na geduk; tapi di timbangan na jujur do rohaNia sonang.

PODA 16:11

Giot ni Tuhan ulang so jujur halak di boniagana, songon i di na mamake ukuran dohot timbangan.

PODA 20:14

Sai na humolos do panobusi salaho tu arga ni sitobusan. Tapi dung ditobusi, sonang rohania di arga na dapotnia.

PODA 20:23

Nada dihalomohon Tuhan na mangicu di kiloan dohot batu ni timbangan.

PODA 28:24

Na manangko sian simatobangna jana mangetong songon i nada dosa, sarupa do i tu angka panangko na somal.

PARJAMITA 5:8

Ulang ma longang muda niida parkuaso mamisat halak na pogos, mangarampas hak ni halahi jana nada dilehen hatigoran tu halahi. Diondihon atasanna do ganop pagawe jana halahi na dua diondihon pajabat na umpangkat.

JESAYA 5:7

Satutuna bangso Israel do kobun anggur ni Tuhan Na Markuaso i; jana halak Juda ma bona ni anggur na nisuanNia i. Diarop Ia hasintongan, tapi na ro hum harorangan. Diarop Ia hatigoran, tapi na ro hum hajahatan.

JEREMIA 7:6

Ulang sai sosak hamu halak na leban, dakdanak na so marama so marina, dohot angka na mabalu. Ulang bunu hamu halak na so marsala di luat on. Ulang marsomba hamu tu angka debata na asing angke mangalapi hamagoanmunu do i.

JEREMIA 9:4

Angkon jamot do halak maradopkon donganna salang dongan saama pe nada haposan, angke songon si Jakob, laing songon i ma halahi marsipaoto-oto kahanggina. Pahae-pahulu ganop be pasarkon hata manilakoi dohot gabus.

JEHESKIEL 22:13

Tapi anggo saonnari libasonKu ma angka panangko dohot sibunu jolma.

HAMALIMON 19:11

Ulang ho manangko, mangicu sanga margabus.

HAMALIMON 19:13

Ulang paksa sanga rampas barang ni donganmu. Ulang simpan gaji ni halak na ni gajianmu, haru pe hum saborngin.

HAMALIMON 25:14

Jadi muda digadis hamu tano tu donganmu sabangso, sanga manobusi tano sian ibana, ulang baen hamu na so tigor disi.

HAMALIMON 25:17

Ulang tipu donganmu sabangso, tapi habiari ma Tuhan Debatamu.

MIKA 2:2

Muda por roha ni halahi di sada ladang, dirampas halahi do i. Muda por roha ni halahi di sada bagas, dirampas halahi sajo do i. Muda dung abis hartona dirampas, angka koum sisolkot pe nada be sonang.

ZEPANYA 3:1

Marjaya ma si pangalo dohot si jurngit, ale kota na jotjot mamparkanciti, kota na jurngit na sai mangalo tu Tuhan dohot na mamisat halakna sandiri!

ZEPANYA 3:5

Tapi na tigor do anggo Tuhan di tonga-tonga ni halahi, nada unjung dibaen Ia hakejamon, na so unjung dihalupahon di hatiha manyogot. Tapi halak na kejam nada mamboto hahaila.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

MARKUS 10:19

Tontu diboto ho do tona ni Debata na mandok, ‘Ulang ho mamunu, ulang markarosuan, ulang manangko, ulang margabus, ulang paoto-otohon, pasangap ma amangmu dohot inangmu!’ ”

LUKAS 12:5

Denggan ma Hupatuduhon di hamu, sanga ise do na angkon sihabiaranmunu. Habiari hamu ma Debata! Angke dung mamunu Ia markuaso muse dope Ia mangambungkon tu narako! Denggan ma ingot hamu; angkon habiaranmunu do Ia!

LUKAS 16:28

gomos ma pangidoanku tu ho, anso suruhon ma si Lasarus kehe tu bagas ni damang, angke adong dope lima nari kahanggingku. Ibo rohana nian, anso ulang ro be halahi tu inganan pardangolan on!’

SURAT NI SI PAULUS TU PARLAGUTAN ROM 1:18

Dipapatar Debata do sian banua ginjang rimas ni rohaNia maradopkon sude dosa dohot hajahatan ni jolma, angke diambati hageduhon i do jolma laho mananda ajaran na tutu taringot tu Debata.

SURAT NI SI PAULUS TU PARLAGUTAN ROM 12:19

Hamu ale angka dongan na nihaholongan! Ulang ma hamu sandiri na mambaen pambaloson, tapi lehen ma inganan tu hamumuruk ni Debata. Angke tarsurat do, “Au do mambaen pambaloson,” ninna Tuhan.

SURAT NI SI PAULUS TU PARLAGUTAN ROM 13:4

Angke pangoloi ni Debata do pamarenta, na markarejo parohon na denggan tu hamu. Tapi muda dibaen hamu na jat, angkon gabe mabiar ma hamu tu pamarenta, harana nada sayang boti pamarenta i maroban podangna. Suruan ni Debata do i mandabu uhum tu halak na mambaen na jahat.

2 KORINTUS 7:11

Ligi hamu ma jolo antong sanga aha do na ro sian hamamarsak na sian Debata i! Gabe diparayak hamu ma laho padenggankon na gaor. I ma suhana! Gabe magigi hamu mida dosa, gabe mabiar hamu, malungun hamu, gabe marsitutu, gabe ra hamu manguhum na sala! Di bagasan sudena parsoalan on madung dipatuduhon hamu na so marsala hamu.

GALATIA 5:21

gutgut; marmabuk-mabuk, marpesta-pesta dohot angka na asing. Salaho tusi sudena, hupaingot ma hamu songon sipaingotku na parjolo i, anggo halak sisongon i nada maruli tean-teanan i sian Harajaan Ni Debata.

EPESUS 4:17

Jadi husaksihon di bagasan goar ni Tuhan, on do na giot dokkononku dohot patangkasonku: Ulang be songon halak na so mananda Debata ngolumunu na mamikirkon angka na so haru binoto.

EPESUS 4:28

Angka panangko, ulang be manangko. Tapi gumonan ma ia markarejo anso dapot ia balanjonia markite-hite dalan na tigor jana anso tarurupi ia halak na hurangan.

EPESUS 5:6

Ulang jabat tarpaoto-oto hamu dibaen angka pangkataion na rumar. Angke angka pangalaho na songon on ma mambaen muruk Debata tu angka halak na so ra mangoloi Ia.

PANGARATAION 24:7

Muda adong sada halak na manangko sanga ise dongan sabangsona, lalu dibaen ia gabe hatobanna sanga digadis ia songon hatoban, angkon mate niuhuman do sitangko jolma i. Songon i ma dalanna baenonmunu laho mangagohon hajahatan i sian tonga-tongamunu.

PANGARATAION 32:35

Palaluon ni Tuhan ma hosomNa, anso didabu tu halahi uhumanNa; ro do hatihana madabu halahi; ma pola donok arina maropuk halahi.

1 TESSALONIKA 2:11

Diboto hamu do, songon sada ama maradopkon angka dakdanakna do pambaennami maradopkon hamu.

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.

IBRANI 13:4

Dipatuduhon ganop halak ma sangap di parsaripeonna, hara ni i angkon burju do na mardongan saripe tu donganna saripe i. Halak na markamainan dohot na mambaen na so ture adilan ni Debata do i.

IBRANI 2:6

Tapi adong do sada bagian sian Buku Na Badia i manyuratkon songon on, “Aha ma he jolma ale Debata, umbaen na pola ra Ho marningotsa? Hum jolma humani do jolma i, hape diparrohahon Ho do i!

JAKOBUS 2:6

Hape anggo hamu, mur dipabile hamu do halak na pogos haru pe nian angka halak na mora i do mamisat hamu dohot na manyarat hamu tu paruhuman!

JAKOBUS 5:4

Nada digarar hamu upa ni angka halak na markarejo di ladangmunu. Saonnari bege hamu ma hoi-hoi ni halahi! Angka halak na palagutkon suha ni ladangmunu, marsurak do halahi mangido tolong jana lalu do angguk ni halahi i tu simanangi ni Debata, Tuhan Na Markuaso i.