1 TESSALONIKA 4:16 - BIBEL JAMITA NA DENGGAN

¹⁶ Saulahon di na mijur Tuhan Jesus sandiri sian banua ginjang, pio-pio ma kapala ni surusuruan i marsora na gogo jana dipalu ma sarune ni Debata songon boa-boana. Jadi angka halak na dung porsaya tu Kristus dompak di ngoluna be, pangoluon ma halahi parjolo.

1 TESSALONIKA 4:16 ပူးပေါင်းရင်းမြစ်များ

MASMUR 47:1

Martopapi ma hamu marjop ni roha, hamu angka bangso sudena! Puji hamu ma Debata mardongan surak-surak!

MASMUR 47:5

Madung dipanaek Debata habangsaNia, mardongan surak-surak dohot sora ni sarune.

HARURUAR 19:16

Di ari patoluhon, ro ma ronggur dohot hilap. Tarida ma ombun na hapal di ginjang ni dolok i jana habegean ma sora ni sarune na lobi gogo. Humitir ma sude halak na di bandar hara ni biarna.

HARURUAR 20:18

Disi dibege angka jolma i ronggur dohot sora ni sarune i jana diida halahi dohot hilap bope dolok na martimus i, humitir ma halahi mabiar jana mandao ma halahi jongjong.

JESAYA 27:13

Paluon ma di hatiha i sarune laho marpio sude halak Israel na hona buang di Asur dohot di Mesir. Ro ma halahi tu Jerusalem marsomba tu Tuhan di dolokNa na badia.

JOEL 2:11

Mangaronggur ma sora ni Tuhan mangalehen tanda, jana tunduk do tuSia parangan i sude. Na bahat do paranganNia! Santak gogo ni tentara na nipimpinNa! Ari na godang jana na jorbut do ari ni Tuhan! Ise he na bisa mangambati i?

ZAKARIA 4:7

Ise do ho, ale dolok na godang? Angkon gabe tano napa ho anggo maradopkon si Zerubabel. Payakkononmu ma batu parsuhi mardongan surak-surak mandok, ‘Jeges! Jegesna i antong batu i!’ ”

ZAKARIA 9:14

Pataridahonon ni Tuhan ma diriNa tu bangsoNa, songon hipas ni hilap ditembakkon angka anak ni siorNa. Ombuson ni Tuhan Debata ma sarune lalu mardalan maju di bagasan angin na gogo na sian Selatan.

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

BILANGAN 23:21

Huida ari pangapudian ni Israel na marbungaran; nada hona bala dohot mara Tuhan, i do Debatana. Tudia pe tongtong do dohot Ia. Didok halahi: Ibana do Raja!

MATEUS 16:27

Ro ne ma Anak Ni Jolma i, mardongan hasangapan ni AmangNia rap dohot angka surusuruanNia. Anggo disi, baloskononNia ma tu ganop jolma hombar tu pambaenan ni halahi be.

MATEUS 16:28

Hudok ma tu hamu: Sasintongna sian tonga-tongamunu na adong dison, adong do na so giot mate anggo so jolo diida ia Anak Ni Jolma i ro songon raja di bagasan harajaanNia.”

MATEUS 25:31

“Muda ro Anak Ni Jolma i gabe Raja mardongan angka surusuruanNia, juguk ma Ia di habangsa ni hamuliaonNa.

MATEUS 26:64

Dialusi Jesus ma, “Tutu. Tapi ingot hamu ma: Mamungka saonnari idaonmunu ma Anak Ni Jolma i juguk di siamun ni Na Markuaso i. Dung i ro ma Ia di ginjang ombun na di langit an!”

BAENON NI ANGKA RASUL 1:11

Ninna ma, “Ale hamu halak Galilea, biasi jongjong sajo hamu disi mangaligi tu langit i? Anggo Jesus na niidamunu i kehe manaek tu banua ginjang di adopanmunu, mulak do Ia mangulahi laing songon na niidamunu sinangkin.”

1 KORINTUS 15:18

Dung i mago muse ma angka na mate di bagasan Kristus i.

1 KORINTUS 15:20

Hape anggo satutuna madung dipangolu mangulahi Kristus sian hamatean, songon siangkaan sian angka halak na dung mate. Jana on ma jaminanna, paboa na pangoluon do mangulahi angka jolma na dung marmatean i.

1 KORINTUS 15:23

Tapi marguru tu aturanna be do nipangolu halahi: Na parjolo Kristus; dung i angka na dung nampuna ni Kristus di hatiha haroroNia.

1 TESSALONIKA 1:10

Laing di hatahon halahi do sanga na bia ngolngolna pangkilalaanmunu painte-intehon haroro ni Anak Ni Debata sian banua ginjang; i ma Jesus na dung dipangolu Debata sian hamatean i. Laing Jesus i do na paluahon hita sian rimas ni Debata na giot ro i.

1 TESSALONIKA 3:11

Sai dipabulus Debata Amanta i sandiri dohot Tuhanta Jesus ma nian dalan di hami anso marsuo dohot hamu!

2 TESSALONIKA 1:7

Jana tu hamu angka na manjagit sitaonon saonnari – laing songon i muse tu hami – lehenon ni Debata ma halumbangan muda dung tarida Tuhan Jesus mijur sian banua ginjang rap dohot angka surusuruanNia na markuaso i

2 TESSALONIKA 2:1

Taringot tu haroro ni Tuhanta Jesus Kristus, bope taringot tu hita na giot palagutonNia anso rap dohot Ia, on ma na hupangido dohot gomos sian hamu:

2 PETRUS 3:10

Tapi anggo Ari haroro ni Tuhan na padua nolihon i, songon haroro ni panangko do i. Anggo di Ari i mago ma langit mardongan sora na gogo, jana mosok ma sude angka na adong di langit jana mago muse ma tano on dohot sude isina.

JUDAS 1:9

Tapi si Mikael sandiri kapala ni angka surusuruan i nada jungada dibaen ia songon i. Di na marsalisi ia sanoli dohot Sibolis i hara ni bangke ni si Musa, nada puluk si Mikael mandok hata pincang-pincang laho manguhumi Sibolis i. Hum on sajo do didok si Mikael, “Sai dipincang Debata ma ho!” ning ia.

HALUMBAAN 1:10

Di ari ni Tuhan i, digohi Tondi Parbadia do au, dung i hubege ma sada sora na gogo – songon sora ni sarune – mandok hata sian pudingku.

HALUMBAAN 1:7

Ligi da, na ro ma Ia dihaliangi ombun! Idaon ni sude halak ma Ia, dohot halahi na maniham Ia. Mangangguhi ma sasudena bangso na di tano on manangisi dirina be hara ni Ia. Olo, tutu do na songon i! Amen!

HALUMBAAN 14:13

Dung i hubege ma sada sora sian banua ginjang mandok, “Suratkon ma on: Martua do sanga ise halak na mate di bagasan Tuhan mamungka sian hatiha on!” “Na tutu ma i!” ning Tondi i. “Maradian ma halahi sian karejo na dokdok jana daion ni halahi ma suha ni pangoloion ni halahi na sai tongtong mangihut di halahi.”

HALUMBAAN 8:13

Dung i hupamanat ma, gabe huida ma sada unggas rajawali na habang di ginjang an. Dung i mangkuling ma unggas i, “Marjaya! Marjaya! Marjaya ma sudena halak na di tano on muda tarbege surusuruan na tolu nari i mangombus sarunenia i sanoli on!”

HALUMBAAN 8:2

Dung i huida ma dilehen pitu sarune tu surusuruan na pitu na jongjong i di jolo ni Debata.