1 TESSALONIKA 4:11 - BIBEL JAMITA NA DENGGAN

¹¹ Usahohon ma anso sonang hamu, ulang pola anto-antoi hamu parsoalan ni halak na asing. Marsijalahi ngoluna ma hamu mamake tanganna be, songon na dung hami dok na salpu i tu hamu.

1 TESSALONIKA 4:11 ပူးပေါင်းရင်းမြစ်များ

PODA 17:1

Dumenggan do marsaulihon sipanganon na so sadia, tapi mardongan hasonangan, ulang pado marpesta di bagas na gok partangkangan.

PODA 17:14

Songon na mambuka dalan ni aek do na mamungka partongkaran, manigor ma mundur painte so dipungka partongkaran i.

PARJAMITA 4:6

Aropku tutu do i, tapi gumonan do sinadongan na so sadia mardongan hasonangan umpado karejo marsitutu mamake dua tangan jana manangkup angin.

ANDUNG 3:26

Antong, painte ma di bagasan sonang lopus ro Tuhan mangalehen partolongan.

MARKUS 13:34

Tarsongon sada halak na kehe tu na dao maninggalkon bagasna do pangalaho ni i. Dipasahat ia ma tu angka naposonia laho mangurus bagasnia. Dipasahat ma karejona be. Tu sijago pintu ditonahon ia hian do anso tangkas ia na manjagoi i.

BAENON NI ANGKA RASUL 18:3

gabe rap ma halahi sainganan jana rap karejo ma halahi, harana sarupa do pangomoan ni halahi dohot si Paulus, i ma pature abit tenda.

BAENON NI ANGKA RASUL 20:35

Sanga taringot tu pasal bagi aha pe, madung hupatidahon di hamu tiruan na patuduhon angkon urupanta do halak na so margogo markite-hite na marsitutu karejo. Angke angkon ingotonta do, na nidok ni hata ni Tuhan i, ‘Martuaan do halak na mangalehen sian na manjagit.’ ”

SURAT NI SI PAULUS TU PARLAGUTAN ROM 12:11

Ulang ma nian sumurut hariringgasmunu i, marsigorgor ma tondimu laho mangoloi Tuhan i.

SURAT NI SI PAULUS TU PARLAGUTAN ROM 15:20

Tapi on do na huharinggaskon, anso hujamitahon Jamita Na Denggan, barang di dia na so tarbarita dope goar ni Kristus i, anso ulang hupajongjong bagas di ginjang ni ojahan na nipayakkon ni halak.

1 KORINTUS 4:12

angkon loja do hami markarejo anso adong panganonnami. Muda diburai hami, pasupasu do hami baen balosna; muda diloncingi hami, sobar do hami;

2 KORINTUS 5:9

Hara ni i manggogo ma hami parayakkon hasonangan ni rohaNia, sanga dompak di bagasnami on dope hami, sanga pe dung lalu di sadu.

EPESUS 4:28

Angka panangko, ulang be manangko. Tapi gumonan ma ia markarejo anso dapot ia balanjonia markite-hite dalan na tigor jana anso tarurupi ia halak na hurangan.

1 TIMOTEUS 2:2

hara ni angka raja dohot hara ni sude halak na maniop kuaso. Tapangidohon ma anso tarbaen hita mangolu marsonang-sonang di Debata mardongan pangalaho na tama.

1 TIMOTEUS 5:13

Boti muse hum pasude-sude hatiha noma i, puas-pais halahi manaek mijur tu bagas ni halak, jana na jumatjat dope, marsiajar disi ma halahi pahata-hata halak dohot na mangantoi karejo ni halak dohot na mangkata-hatai na so sihataan.

TITUS 3:14

Angkon marsiajar do angka ruasta i patupahon angka na denggan anso tarbaen manggohi angka na porlu situtu; ulang jabat gabe halak na so marguna ngolu ni halahi.

1 PETRUS 3:4

Tapi na sian roha ma nian hajegesonmunu; umpamana halambohon dohot hadameon ni pangalaho; i do hajegeson na manongtong na mararga situtu di parnidaan ni Debata.

1 PETRUS 4:15

Ulang ma adong sahalak pe sian hamu na manaon parkancitan hara ni na mamunu, sanga manangko sanga mambaen na jat, sanga hara ni na manggunturi.