1 TESSALONIKA 3:6 - BIBEL JAMITA NA DENGGAN

⁶ Saonnari madung mulak si Timoteus jana madung dipalalu ia barita jop ni roha taringot tu haporsayaan dohot holong ni rohamunu. Pandoknia tu hami, denggan do parningotanmunu taringot tu hami di bagasan rohamunu. Jana por do rohamunu sugari mida hami, laing songon por ni rohanami sugari mida hamu.

1 TESSALONIKA 3:6 ပူးပေါင်းရင်းမြစ်များ

PODA 25:25

Manjagit barita na denggan sian luat na dao tudos do i dohot manguas minum aek na borgo.

JESAYA 52:7

Dengganna i antong haroro ni sioban barita, mamolus angka dolok ia mardalan. Dioban ia barita na denggan dohot barita haluaan, ning ia, “O Sion, Debatamu do Raja!”

BAENON NI ANGKA RASUL 16:1

Dipatorus si Paulus ma mardalan tu Derbe, lopus tu Listra. Adong do disi sahalak sisean na margoar si Timoteus. Boru Jahudi do inangnia, tapi madung porsaya tu Jesus; tapi anggo amangnia halak Junani do.

BAENON NI ANGKA RASUL 18:1

Dung i kehe ma si Paulus sian Atena, lalu ma ia tu Korintus.

BAENON NI ANGKA RASUL 18:5

Dung lalu si Silas dohot si Timoteus tu Makedonia, tu halak Jahudi ma sude diabiskon ia ari-arinia laho mamaritahon jamita na sian Debata tu halahi, paboahon bahaso Jesus do Kristus i.

1 KORINTUS 11:2

Hupuji do hamu angke sai diingot hamu do au jana sai diihutkon hamu do parsiajaran na huajarkon i tu hamu.

1 KORINTUS 13:13

Jadi tinggal ma na tolu on: Haporsayaan, arop ni roha, dohot holong ni roha; tapi na gumodang sian na tolu i, holong ni roha do.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

PILIPPI 1:8

Sai lungun sajo do rohangku tu hamu angka dongan, mardongan pangkilalaan holong ni roha na solkot sian Jesus Kristus sandiri. Debata ma saksina, paboa na tutu na hudok i.

KOLOSSE 4:18

Tabe sian au si Paulus. Au sandiri do na manyurat bagian on. Ulang lupa hamu bahaso na tarhurung dope au! Sai dipasupasu Debata ma hamu tongtong.

1 TESSALONIKA 1:3

Muda hatiha mangadop hami tu Debata Amanta i, sai tongtong do hami ingot hamu, i ma karejo na nipatupamunu hara ni haporsayaanmunu tu Kristus, bope holong ni rohamunu maradopkon dongan na asing jabat disarihon hamu halahi dohot arop ni rohamunu na togu maradopkon Tuhanta Jesus Kristus.

1 TESSALONIKA 2:17

Tapi hamu angka dongan, dung marsirang hami santongkin sian hamu – holip sian mata tapi nada lupa sian roha – mur malungun do hami mida hamu jana sai hami usahohon do anso marsuo mangulahi dohot hamu!

1 TESSALONIKA 2:9

Tontu laing tangkas dope diingot hamu ale angka dongan, na marsitutu be do hami markarejo. Karejo do hami arian na borngin anso ulang susa hami baen sanga ise sian hamu salolot na mamaritahon Jamita Na Denggan na sian Debata i hami tu hamu.

1 TESSALONIKA 3:7

Hara ni i do hamu ale angka dongan, umbaen na tarapul rohanami umbege baritamunu di bagasan sude ragam ni hasusaan dohot parkancitannami. Dipagodang haporsayaanmunu do rohanami,

2 TESSALONIKA 1:3

Angkon sai tongtong do hami mandok tarimakasi tu Debata hara ni hamu ale angka dongan. Jana songon i do na patut baenonnami, angke mur porsaya do hamu tu Kristus jana mur marsihaholongan do hamu sude sama hamu.

1 TIMOTEUS 1:5

Anggo tujuan ni sipaingot i, i ma laho manyungguli holong ni roha na polin sian roha na ias dohot haporsayaan na tutu situtu.

2 TIMOTEUS 1:3

Tarimakasi ma hudok di Debata na huoloi sian taroktok na ias songon na nibaen ni angka daompung najolo. Jana sai mandok tarimakasi do au tu Debata ganop huingot ho di na martangiang au arian sanga borngin pe.

PILEMON 1:5

Harana madung hubege dihaholongi ho do sude halak na porsaya jana dihaporsayai ho do Tuhan Jesus.

IBRANI 13:3

Ingot hamu ma angka halak na tarhurung, laing songon na dohot hamu tarhurung rap dohot halahi. Dohot angka na manaon pambaenan na so patut, ingot hamu ma halahi songon na dohot hamu manaonkon na songon i.

IBRANI 13:7

Ulang hamu lupa tu angka pamimpinmunu na dung pasahatkon jamita na sian Debata tu hamu. Paligi-ligi hamu ma sanga songon dia pardalan ni ngolu ni halahi lopus mate jana haporsayai hamu ma Debata songon pangkaporsayai ni halahi di Debata.

1 JOHANNES 3:23

Anggo na niparentahonNia tu hita, on do: Angkon tahaporsayai do AnakNia i, i ma Jesus Kristus; jana angkon marsihaholongan do hita sama hita songon na niparentahon ni Kristus tu hita.