1 TESSALONIKA 2:9 - BIBEL JAMITA NA DENGGAN

⁹ Tontu laing tangkas dope diingot hamu ale angka dongan, na marsitutu be do hami markarejo. Karejo do hami arian na borngin anso ulang susa hami baen sanga ise sian hamu salolot na mamaritahon Jamita Na Denggan na sian Debata i hami tu hamu.

1 TESSALONIKA 2:9 ပူးပေါင်းရင်းမြစ်များ

2 RAJA-RAJA 6:2

Jadi paloas ma hami kehe manaba hayu di lambung ni Batang aek Jordan, anso hami pajongjong inganannami disi.” “Denggan,” ning si Elisa.

NEHEMIA 5:15

Anggo angka gubernur painte so au, na gabe boban do di rayat harana dituntut halahi do opat pulu hepeng perak sadari biaya ni sipanganon dohot anggur. Salang angka hatoban ni halahi pe antong dohot do mamisat rayat i. Tapi anggo au nada hubaen na songon i dibaen mabiar do au mida Debata.

NEHEMIA 5:18

Ganop ari angkon paradeonku sian harugianku sandiri sada lombu, onom biri-biri na mokmok dohot manuk bahat. Tamba ni i, ganop sanoli sampulu ari angkon adong anggur simpanan na imbaru. Haru songon i pe nada ra au manuntut gaji ni jabatan gubernur, angke huboto do na maborattu na songon i di rayat i.

MASMUR 32:4

Diuhumi Ho do au ale Tuhan, arian na borngin, merus gogongku songon aek na maruas dibaen las ni ari.

MASMUR 88:1

Ale Tuhan Debata sipalua au, sasadari pio-pio do au tu Ho; jana bornginna i ro do au tu adopanMi.

PODA 31:18

Diboto ia do arga ni sasude na nibaennia; lopus bagas borngin markarejo ia.

JEREMIA 9:1

Sugari sumur na gok ma nian ulungku, jana pancur na torus mardalan ma matangku! Tarbaen au ma tangis arian dohot borngin, mangandungi angka jolma sabangsongku na nibunu ni musu.

LUKAS 18:7

Anggo sai pio-pio do bangso ni Debata arian dohot borngin tu Debata nada he belaon ni Debata muse parkaro ni bangsoNa i? Adong he dipalolot-lolot Ia laho manolong halahi?

LUKAS 2:37

mabalu ma ia torus mardangol salapan pulu opat taon honokna. Nada jungada ditadingkon ia Bagas Ni Debata. Arian na borngin disi sajo ma ia marsomba tu Debata martangiang dohot puaso.

BAENON NI ANGKA RASUL 18:3

gabe rap ma halahi sainganan jana rap karejo ma halahi, harana sarupa do pangomoan ni halahi dohot si Paulus, i ma pature abit tenda.

BAENON NI ANGKA RASUL 20:24

Tapi nada pola hupardulihon ngolungkon, asalkan ma hupasidung karejo na nipasahat ni Tuhan Jesus tu au jana asal ma sai burju au lopus tu ujung ni ngolungku laho manjamitahon Jamita Na Denggan i, i ma taringot tu asi ni roha ni Debata.

BAENON NI ANGKA RASUL 20:31

Jadi hara ni i, marjago-jago ma hamu! Ingot hamu ma, tolu taon honokna arian na borngin mardongan ilu-ilu nada maradian au mangajari hamu pasada-sada.

SURAT NI SI PAULUS TU PARLAGUTAN ROM 1:1

Sian si Paulus, naposo ni Kristus Jesus, na dipio gabe rasul jana disuru laho mambaritahon Jamita Na Denggan na sian Debata.

SURAT NI SI PAULUS TU PARLAGUTAN ROM 15:16

Madung dibaen Ia do au gabe pangoloi ni Kristus Jesus, suruanNia mandapotkon angka bangso na asing. Jana hubaen do au gabe songon malim, manjamitahon Jamita Na Denggan na sian Debata anso gabe haul na tumbuk tu roha ni Debata angka halak na asing i. Sai gabe haul hapunjungan ma di Debata halahi baenon ni Tondi Parbadia.

SURAT NI SI PAULUS TU PARLAGUTAN ROM 15:19

na nidonganan ni angka tanda hahomangan na sian gogo ni Tondi Parbadia do sudena i. Madung sudena hubaritahon Jamita Na Denggan sian Kristus i tu angka jolma, mamungka sian Jerusalem lopus tu Ilirikum.

1 KORINTUS 4:12

angkon loja do hami markarejo anso adong panganonnami. Muda diburai hami, pasupasu do hami baen balosna; muda diloncingi hami, sobar do hami;

1 KORINTUS 9:15

Tapi haru songon i pe nada unjung dope hupargunahon angka hak na songon i. Jana hubaen surat on nada anso dibaen songon i tu au saonnari. Gumonan do au mate ulang pado mago pangalaho na denggan na huhajopkon i.

1 KORINTUS 9:18

Antong, aha ma upa di au? On ma upana: Tarjamitahon au do Jamita Na Denggan i so pola adong halak na asing hupadokdok laho mambalanjoi au, hara ni na so ra au manuntut bagianku songon parjamita ni Jamita Na Denggan i au.

1 KORINTUS 9:4

Adong he na so tola au manjagit sipanganon dohot siinumon hara ni karejongku?

2 KORINTUS 11:27

Mapukpuk holi-holingku, songon na so jungada mida ari na torang na markarejo i, jotjot mangkar mata au, na so mangan na so minum, huhul marpuaso do au, ngalian hara ni na hurang pakean jana nada adong bagas inganan.

2 KORINTUS 11:9

Haru hurangan pe au di hatiha i, nada adong sanga ise pe sian hamu na gabe susa hubaen. Sanga aha na porlu di au, angka dongan na sian Makedonia do pasingkopkon. Tongtong do hujago sadenggan-dengganna anso ulang jabat hususai sanga ise pe sian hamu sanga na bia pe pangalahona jana sai hujagohon do anso laing tongtong songon i.

2 KORINTUS 6:5

hona loncing do hami, dihurung dohot didege halak; loja hami markarejo, jotjot inda modom jana inda adong sipanganon.

PILIPPI 4:16

Dompak di Tessalonika au di na porlu pangurupion di au, nada hum sanoli be ditongos hamu bantuan tu au.

1 TESSALONIKA 1:3

Muda hatiha mangadop hami tu Debata Amanta i, sai tongtong do hami ingot hamu, i ma karejo na nipatupamunu hara ni haporsayaanmunu tu Kristus, bope holong ni rohamunu maradopkon dongan na asing jabat disarihon hamu halahi dohot arop ni rohamunu na togu maradopkon Tuhanta Jesus Kristus.

1 TESSALONIKA 2:2

Diboto hamu do dompak so ro hami mandapotkon hamu tu Tessalonika, na dung jolo marhancit do hami jana marlayas di Pilippi. Hape madung dilehen Debata do tu hami habaranion laho manjamitahon Jamita na Denggan na sian Debata i tu hamu haru bahat pe paraloan tu hami.

1 TESSALONIKA 2:6

Jana nada jungada hami jalahi pujian sian jolma – sanga sian hamu bope sian halak na asing. Songon rasul ni Kristus anggo satutuna, tola sajo do pangidoonnami sanga aha na porlu sian hamu.

1 TESSALONIKA 3:10

Arian na borngin hami pangidohon do sian sude rohanami, anso tarbaen hami nian marsuo bohi dohot hamu laho manggohi sanga aha na hurang di haporsayaanmunu.

1 TIMOTEUS 1:11

Anggo pangajaran i, i ma na tarsurat di Jamita Na Denggan i na dung dipasahat tu au di bagasan pos ni roha, i ma Jamita Na Denggan na sian Debata na sangap i.

1 TIMOTEUS 4:10

Hara ni i ma dibaen na manggogo hita jana marsitutu na karejo i, hara ni sude arop ni rohanta tu Debata na mangolu i; Ia do Sipalua ni jolma sasudena, lumobi ma i angka halak na porsaya.

1 TIMOTEUS 5:5

Na mabalu boti na tarpunjung, jana na so adong sanga na ise na paturehonsa, hum tu Debata ma mararop roha dadaboru na songon i. Martangiang ma ia arian na borngin tu Debata mangido pangurupion.

2 TIMOTEUS 1:3

Tarimakasi ma hudok di Debata na huoloi sian taroktok na ias songon na nibaen ni angka daompung najolo. Jana sai mandok tarimakasi do au tu Debata ganop huingot ho di na martangiang au arian sanga borngin pe.