1 TESSALONIKA 2:8 - BIBEL JAMITA NA DENGGAN

⁸ Songon i do hami, di bagasan holong ni rohanami na situtu di hamu, nada hum Jamita Na Denggan i, tapi dohot do ngolunami sandiri hami lehen di hamu.

1 TESSALONIKA 2:8 ပူးပေါင်းရင်းမြစ်များ

LUKAS 7:2

Adong ma disi sahalak tentara Rom na pangkat. Adong muse do sahalak naposonia jana holong sajo do rohania midasa. Jadi marnyae ma naposonia i jabat giot mate.

SURAT NI SI PAULUS TU PARLAGUTAN ROM 1:1

Sian si Paulus, naposo ni Kristus Jesus, na dipio gabe rasul jana disuru laho mambaritahon Jamita Na Denggan na sian Debata.

SURAT NI SI PAULUS TU PARLAGUTAN ROM 10:1

Ale angka dongan, anggo pangidoan ni rohangku dohot tangiangku tu Debata anso dipalua halahi nian.

SURAT NI SI PAULUS TU PARLAGUTAN ROM 15:29

Huboto do muda ro au, angkon boanonku do angka pasupasu na sian Kristus di hamu.

2 KORINTUS 12:15

Jadi hara ni i sudena, sian jop ni rohangku ra do au mangalehen sasudena hara ni hamu, haru diringku sandiri pe ra do au pasahatkon i tu hamu. Muda songon i ma holong ni rohangku tu hamu, tama dope he laing hurang holong ni rohamunu mida au?

2 KORINTUS 6:1

Tapi songon dongan saparkarejoan do hami podai hamu, gomos ma hami pangido tu hamu, ulang ma parsayang hamu hadengganan ni roha ni Debata i.

GALATIA 4:19

Angka dakdanakku na huhaholongi! Saonnari mangulahi do au markancit hara ni hamu. Songon sada ina na manaon na hancit di na laho manubuhon dakdanakna do huhilala saonnari. Angkon laing i do hilalaonku salolot so marrupa dope angka bako ni Kristus di bagasan dirimunu.

PILIPPI 1:8

Sai lungun sajo do rohangku tu hamu angka dongan, mardongan pangkilalaan holong ni roha na solkot sian Jesus Kristus sandiri. Debata ma saksina, paboa na tutu na hudok i.

PILIPPI 2:17

Betak na angkon dohot dope haulkononku pamatangkon pasanggamkon haul na ni haulkonmunu i di bagasan haporsayaanmunu na gok tu Debata. Muda pe angkon songon i, mandok tarimakasi do au tu Debata hara ni i jana dohot ma au marjop ni roha rap dohot hamu.

PILIPPI 2:20

Hum sada si Timoteus sajo ma i dison na tutu sapangkilalaan dohot au jana na tutu manyarihon hasonanganmunu.

PILIPPI 4:1

Hara ni i hamu ale angka dongan na nihaholongan, sai porsaya situtu ma hamu tu Tuhan i di ngolumunu on. Lungun do rohangku tu hamu! Hamu do na pagodang rohangku, hajopan ni rohangku.

KOLOSSE 1:28

Kristus do na hami jamitahon tu ganop halak. Hami paingot do halahi sudena jana hami ajari mardongan sudena hamaloan na adong di hami. Anggo tujuannami, anso sude do jolma taroban tu Debata songon halak na dung impas godang di angka pangalaho partondion, hara ni na dung mardomu dohot Kristus.

KOLOSSE 1:7

Si Epafras do na pasahatkon i tu hamu, i ma ale-ale haholongannami i. Parkarejo ni Kristus do ia na sai burju tongtong markarejo laho manyarihon hamu.

KOLOSSE 4:12

Tabe ni si Epafras di hamu. Laing sian hamu on do asalnia. Naposo ni Jesus Kristus do ia, na sai manangiangkon hamu. Marsitutu do ia mangido tu Debata anso margogo hamu nian jana anso tongtong togu; boti muse anso laing mardongan pos ni roha na togu hamu mangoloi hagiot ni Debata.

PILEMON 1:1

Sian si Paulus, sada halak na tarhurung hara ni Kristus Jesus, dohot sian si Timoteus donganta, tu si Pilemon na nihaholongan, dongan saparkarejoannami.

IBRANI 13:17

Ihutkon hamu ma angka parenta na sian pamimpinmunu jana oloi hamu ma na nidok ni halahi. Angke tongtong do diparrohahon halahi tondimunu jana angkon martanggung jawab do halahi tu Debata. Muda dioloi hamu do halahi, tarbaen halahi ma markarejo di bagasan sonang ni roha; muda inda songon i, humolos ma halahi na karejo i, jana nada adong ro labo sian na songon i di hamu.

1 JOHANNES 3:16

Anggo hita, sian on do tatanda holong ni rohaNia: Madung dipasahat Kristus ngoluNia humopkop hita! Hara ni i, hita pe angkon pasahatonta do ngolunta manghopkop angka donganta.