1 TESSALONIKA 2:6 - BIBEL JAMITA NA DENGGAN

⁶ Jana nada jungada hami jalahi pujian sian jolma – sanga sian hamu bope sian halak na asing. Songon rasul ni Kristus anggo satutuna, tola sajo do pangidoonnami sanga aha na porlu sian hamu.

1 TESSALONIKA 2:6 ပူးပေါင်းရင်းမြစ်များ

ESTER 1:4

Onom bulan honokna raja i patidahon sinadongan ni bagas godangnia i dohot hajagaron maradu hagodangan ni harajaannia i.

ESTER 5:11

Jadi manggambung ma si Haman tu halahi mambonggalkon sinadongannia, bahat ni anaknia halaklahi, jabatannia na penting na nijagitnia sian raja dohot pangkatnia na gumincat sian angka pagawe na asing i.

PODA 25:27

Nada denggan mangan aer ni loba marlobian, songon i muse ma nada denggan manjalahi bahat pujian.

DANIEL 4:30

didok ia ma, “Ligi da, na jeges ma antong kota Babel! Au ma da na mambangun i gabe kota sabungan ni negara laho patandahon kuaso ni hagogoonku, hagodangan dohot habonggalonku!”

JOHANNES 12:43

Harana holongan do roha ni halahi di hasangapan na sian jolma, ulang pado hasangapan na sian Debata.

JOHANNES 5:41

Nada Hujalahi pujian sian jolma.

JOHANNES 5:44

Tarbia muse ma pambaenmunu porsaya, harana na manjalahi sangap do hamu sama hamu, anggo sangap sian Debata na sasada i nada dijalahi hamu.

JOHANNES 7:18

Anggo halak na marroha-roha mandok hatana, na manjalahi sangap tu dirina sajo do i. Tapi anggo halak na manjalahi sangap tu na marsuru ia, i ma halak na tigor; nada adong gabus disia.

1 KORINTUS 11:9

Nada tu haporluan ni dadaboru muse umbaen na dijadihon halaklahi i, tapi dadaboru i do na dijadihon tu haporluan ni halaklahi.

2 KORINTUS 13:10

Jadi hara ni i ma umbaen na hutongos surat on, dompak so lalu dope au di tonga-tongamunu. Jadi muda ro au saulahon, indangkon pola nian hubaen pambaenan na karas mamake kuaso na nilehen ni Tuhan i tu au, harana dilehen pe kuaso i tu au na laho paturehon hamu do, nada na laho manyegohon.

2 KORINTUS 4:5

Anggo Jamita na hami pasahat i nada barita taringot tu dirinami sandiri i. Barita taringot tu Jesus Kristus do i; paboahon na tutu do Ia Tuhan jana hami ma angka naposomunu hara ni Ia.

GALATIA 1:10

Adong he anso jop do roha ni jolma mida au? Dao ma i! Na pajopkon roha ni Debata do na huparayak. Adong he na giot mambuat roha au tu jolma anso jop roha ni halak mida au? Sugari laing hubaen dope antong songon i na so tutu do au naposo ni Kristus.

GALATIA 5:26

Ulang ma hita manjalahi pamujion ni diri na so hasaya, mangalap-alapi bada dohot na marsiiburuan roha, na sada tu na asing.

GALATIA 6:13

Angka halak na mangihutkon paraturan ni sunat i pe, nada didalankon halahi aturan i. Hape giot ni halahi angkon marsunat ma hamu, anso tarbaen halahi mamuji diri paboa na niihutkonmunu paraturan i.

1 TESSALONIKA 2:9

Tontu laing tangkas dope diingot hamu ale angka dongan, na marsitutu be do hami markarejo. Karejo do hami arian na borngin anso ulang susa hami baen sanga ise sian hamu salolot na mamaritahon Jamita Na Denggan na sian Debata i hami tu hamu.

1 TIMOTEUS 5:17

Angka sintua na denggan markarejo songon pamimpin, patut do lehenon dua noli lompit sangap tu halahi, lumobi angka na ringgas marjamita dohot mangajari.