1 TESSALONIKA 2:13 - BIBEL JAMITA NA DENGGAN

¹³ Adong dope sada nari pangalaho na mambaen hami angkon tongtong mandok tarimakasi tu Debata. I ma, hara ni panjagitmunu di jamita na sian Debata dompak hami jamitahon tu hamu. Nada songon jamita na sian jolma i dijagit hamu tapi songon jamita na sian Debata do. Jana na sian Debata do i tutu! Na markarejo do hata ni Debata di bagasan dirimunu na mangkaporsayai Kristus.

1 TESSALONIKA 2:13 ပူးပေါင်းရင်းမြစ်များ

JEREMIA 44:16

“Nada ra hami manangihon sanga aha na nidokmu tu hami mangasahon goar ni Tuhan.

HAGAI 1:12

Dung i ditangihon si Zerubabel, anak ni si Sealtiel dohot Malim Godang Josua, anak ni si Josadak maradu sude halak Israel ma sora ni Tuhan Debata ni halahi, ditangihon muse dohot hata ni Panurirang Hagai, hombar tu sora ni Tuhan Debata ni halahi tusia, jadi mabiar ma bangso i maradopkon Tuhan.

MATEUS 10:20

Nada hamu na giot mangkatai disi, Tondi ni Ama na di banua ginjang i do, tapi markite-hite hamu.

MATEUS 10:40

“Na manjagit hamu, Au do na nijagitna. Halak na manjagit Au, dijagit ia muse do na marsuru Au.

LUKAS 11:28

Tapi dialusi Jesus ma, “Sanga ise na umbege hata ni Debata jana na mandalankonsa, halahi do na martua situtu!”

LUKAS 5:1

Di sada hatiha dompak jongjong Jesus di topi ni Dano Genesaret marsosak do bahat halak laho manangihon jamita na sian Debata.

LUKAS 8:11

“Ondo astuan ni umpama i: Same i, i ma hata ni Debata.

LUKAS 8:21

Tapi didok Jesus ma tu halahi sude, “Angka halak na umbege hata ni Debata jana na mamarangehonsa, i do Dainang dohot anggingKu.”

JOHANNES 15:3

Madung ias anggo hamu dibaen pangajaran na Hulehen i di hamu.

JOHANNES 17:17

Markite-hite hasintongan ni Damang, baen ma halahi gabe angka jolma hapunjungan ni Damang sandiri; hata na nidok ni Damang i do hasintongan i.

JOHANNES 17:19

Hupasahat do diringKu tu Damang laho humopkop halahi, anso halahi pe gabe nampuna ni Damang di bagasan hasintongan.

BAENON NI ANGKA RASUL 10:33

Hara ni i do umbaen na husuru manigor halak mangalap tuan i. Jana songon i ma burju ni rohamu ro tuson. Saonnari madung lagut hami dison, di adopan ni Debata laho umbege sudena na nitonahon ni Tuhan tu ho.”

BAENON NI ANGKA RASUL 13:48

Dung dibege angka bangso na asing na so Jahudi i hata ni halahi i, jop ma roha ni halahi, dipapuji-puji halahi ma hata ni Tuhan i. Gabe porsaya ma angka halak na nitontuhon ni Debata laho manjagit ngolu na so mantak i.

BAENON NI ANGKA RASUL 16:14

Adong ma sahalak sian halahi parjagal abit ungu, si Lidia goarna halak Tiatira. Holong do rohania tu Debata, gabe diungkap Debata ma rohania laho manjagit na niajarkon ni si Paulus tusia.

BAENON NI ANGKA RASUL 17:11

Umburju do roha ni halak Berea ulang pado halak na di Tessalonika. Jop do roha ni halahi umbege barita taringot tu Jesus, jana ganop ari do dipareso-reso halahi Buku Na Badia i laho patangkaskon sanga na tutu do na niajarkon ni si Paulus.

BAENON NI ANGKA RASUL 17:32

Dung dibege angka jolma i taringot tu na mulak mangolu sian na mate, dipartatai na deba ma si Paulus. Adong muse do deba na mandok, “Por dope rohanami manangihon ho mangkobari taringot tusi mangulahi,” ninna.

BAENON NI ANGKA RASUL 2:41

Bahat do halak na porsaya tu na nidok ni si Petrus i, jana tardidi ma halahi. Gabe martamba ma bilangan ni na porsaya di na sadari i, tolu ribu halak.

BAENON NI ANGKA RASUL 8:14

Tarbege ma tu angka rasul na di Jerusalem hape na dung dohot do halak Samaria manjagit hata ni Debata. Gabe disuru halahi ma tusi si Petrus dohot si Johannes.

SURAT NI SI PAULUS TU PARLAGUTAN ROM 10:17

Jadi sian parbinegean do ro haporsayaan, jana parbinegean i markite-hite hata ni Kristus.

2 KORINTUS 3:18

Saonnari nada nigupgupan be bohinta. Songon sormin na nisondangan dohot hatiuran ni Tuhan Jesus do hita. Jadi hara ni i, torus do hita dipauba anso gabe songon Ia, mur honok, mur marsinondang do hita hara ni hatiuran na sian Tondi Ni Tuhanta i.

GALATIA 4:14

Anggo disi nada pola magigi hamu mida au, haru pe gabe songon cobaan na godang pangalaho ni pamatangku hatiha i di hamu. Songon surusuruan ni Debata do au di panjagitmunu sanga songon na manjagit Kristus Jesus sandiri.

KOLOSSE 1:6

Mur rarat do barita na sian Debata tu portibi on sudena, jana madung dipasupasu ngolu ni jolma hara ni barita i, songon na masa tu ngolumunu. Sian mula-mulana dibege hamu taringot tu asi ni roha ni Debata jana tutu do diauhon hamu, ngolumunu pe madung dipasupasu.

IBRANI 4:12

Hata na mangolu jana na margogo do hata ni Debata; tumajom dope i sian podang sidua baba. Disirang ia do tondi dohot hosa, utok-utok dohot holi-holi, jana markuaso do i manguhumi pikiran dohot parrohahon ni ate-ate.

IBRANI 4:2

Harana madung dipaboa tu hita Jamita Na Denggan i laing songon na tu halahi. Hape anggo di halahi nada marguna jamita i. Angke di na nibege ni halahi jamita i, nada dijagit halahi i mardongan haporsayaan tu Debata.

JAKOBUS 1:18

Hara ni giot ni rohaNia sandiri, dibaen Ia do hita gabe dakdanakNia markite-hite hataNia na tigor i, anso dapotan inganan na dumenggan hita sian sasudena na nitompaNia.

1 PETRUS 1:23

Angke markite-hite hata ni Debata na mangolu jana na manongtong i, madung gabe jolma na imbaru hamu dibaen, i ma na so sorang sian jolma, tapi sian Ama na manongtong i do.

1 PETRUS 1:25

tapi anggo hata ni Debata hot do salolot-lolotna.” Jamita na Denggan do hata na dung dijamitahon i tu hamu.

1 PETRUS 2:2

Songon dakdanak na baru sorang na sai manguas di susu na polin, laing songon i ma hamu manguas tongtong di susu na polin sian Hata Ni Debata; anso mur magodang hamu jana dipalua.

2 PETRUS 3:2

Husosoi hamu anso diingot hamu mangulahi angka hata na nidok ni angka panurirang ni Debata nahinan, dohot parenta ni Tuhan, Kristus na nipasahat tu hamu markite-hite angka rasul.

1 JOHANNES 3:3

Sude halak na mararop ni roha tuSia, dipaias ia ma dirina songon Ia na badia i.