1 TESSALONIKA 2:11 - BIBEL JAMITA NA DENGGAN

¹¹ Diboto hamu do, songon sada ama maradopkon angka dakdanakna do pambaennami maradopkon hamu.

1 TESSALONIKA 2:11 ပူးပေါင်းရင်းမြစ်များ

1 JUJUR TAON 28:20

Dung salpu i didok Raja Daud ma muse tu si Salomo anakna i, “Ulang ho mabiar, pos ma rohamu. Pungka ma karejo i jana ulang ho gamang sanga na maradopkon aha pe. Urupan ni Tuhan Debata na husomba i do ho. Nada tadingkononNia ho. Sai na dongananNia do ho lopus sidung dibaen ho sude karejo i.

1 JUJUR TAON 28:9

Jadi tu si Salomo, didok si Daud ma, “Amang, Debata na nisomba ni amangmu ma oku gabe Debatamu. Angkon oloanmu do Ia sian sonang dohot ias ni rohamu. Harana diboto Ia do sude pikiran dohot pos ni rohanta. Muda dijalahi ho Ia, gabe padumpang ma dohot Ia, tapi muda ditadingkon ho, tulakkononNia noma ho salolot-lolotna.

MASMUR 34:11

Tangihon ma, sude hamu angka dakdanak, huajari hamu pasangapkon Tuhan.

PODA 1:10

Muda dielek-elek angka jolma pardosa ho, anakku, ulang ma ra ho.

PODA 1:15

Ulang ho kehe dohot angka jolma sisongon i, ale anakku! Padao ma dirimu sian halahi.

PODA 2:1

Jagit ma angka pangajaranku, ale anakku, jana paingot-ingot ma angka sipaingotku tu ho.

PODA 3:1

Ulang ma halupahon sanga aha na dung huajarkon tu ho, ale anakku. Sai paingot-ingot ma na huparentahon,

PODA 6:1

Ale anakku, betak na jungada ho marjanji sanga na tu ise laho mananggung utangna.

PODA 7:1

Ale anakku, ingot ma na hudok tu ho, jana ulang halupahon na hudok karejohononmu.

PODA 7:24

Hara ni i, ale dakdanak, tangihon ma au. Parrohahon ma angka sipaingotku.

BILANGAN 27:19

Suru ma ia jongjong di jolo ni Malim Eleasar, dohot sude bangso i. Di jolo ni halahi sude paboa na si Josua ma na gabe gontimu.

LUKAS 16:28

gomos ma pangidoanku tu ho, anso suruhon ma si Lasarus kehe tu bagas ni damang, angke adong dope lima nari kahanggingku. Ibo rohana nian, anso ulang ro be halahi tu inganan pardangolan on!’

BAENON NI ANGKA RASUL 20:2

Ditopoti ia ma angka luat na di Makedonia i jana dilehen ia ma bahat sipaingot tu angka na porsaya na disi laho pajopkon roha ni halahi. Dung i kehe ma ia tu Junani.

EPESUS 4:17

Jadi husaksihon di bagasan goar ni Tuhan, on do na giot dokkononku dohot patangkasonku: Ulang be songon halak na so mananda Debata ngolumunu na mamikirkon angka na so haru binoto.

PANGARATAION 3:28

Lehen ma panogu-noguon tu si Josua. Pasobar rohania, angke ia do na giot mamimpin bangso i tu bariba laho mambuat tano na niidami.’

PANGARATAION 31:14

Dung i didok Tuhan ma tu si Musa, “Nada pola lolot be ho mangolu. Jadi piohon ma si Josua, jana oban ma ia tu Bandar ParmiananKu, anso tarlehen Au angka panogu-noguon tusia.” Jadi kehe ma si Musa dohot si Josua tu Bandar Parmianan,

1 TESSALONIKA 2:7

Tapi lambok do pambaennami tu hamu, songon sada ina na marorot dohot na pature-turehon dakdanaknia.

1 TESSALONIKA 4:1

Dung i muse ale angka dongan, ihutkon hamu ma pangajaran na nijagitmunu sian hami sanga bia na patut ngolumunu laho pasonangkon roha ni Debata. Tutu nian saonnari pe madung songon i ngolumunu. Tapi saonnari mangasahon kuaso ni Tuhan Jesus gomos hami pangido jana hami sosoi hamu anso mur marsitutu hamu mangkaburjuhon i!

1 TESSALONIKA 4:6

Taringot tuson, ulang ma adong na mambaen sala tu donganna sanga na paoto-otohon. Na salpu i madung tangkas hami ondolkon di na hami paboa tu hamu, angkon uhuman ni Debata do angka halak na songon i pangalahona.

1 TESSALONIKA 5:11

Hara ni i, marsipaingotan ma hamu jana marsipatoguan di haporsayaan, laing songon na nibaenmunu saonnari.

1 TESSALONIKA 5:14

Laing hami pangido dope, hamu ale angka dongan, anso gorahon hamu angka halak na so maraturan. Apoi hamu ma angka na menek roha; urupi hamu ma angka na gale jana sobar ma hamu maradopkon halak sudena.

2 TESSALONIKA 2:5

Adong he na so niingotmunu be na dung hupaboa sudena i tu hamu dompak rap au dohot hamu?

2 TESSALONIKA 3:12

Mangasahon kuaso ni Tuhan Jesus Kristus, hami sosohon tu angka halak sisongon i jana hami paingotkon tu halahi, anso burju halahi markarejo, marsijalahi balanjona be ma halahi.

1 TIMOTEUS 5:21

Gomos pangidoanku tu ho di adopan ni Debata, dohot Jesus Kristus bope angka surusuruan todoan, anso diihutkon ho angka na hudok on so pola mardongan biar ni roha maradopkon sanga ise pe jana nada mamihak-mihak.

1 TIMOTEUS 5:7

Paboa ma na hudok on tu halahi, anso ulang martilako halahi.

1 TIMOTEUS 6:13

Jana saonnari pe, di jolo ni Debata na mangalehen hosa tu sasudena dohot di jolo ni Jesus Kristus na mangalehen hasaksian na tutu di jolo ni si Pontius Pilatus, hutonahon ma tu ho songon on:

1 TIMOTEUS 6:17

Tu angka halak na kayo di tano on, paingot ma halahi anso ulang manyombong jana anso ulang mararop ni roha halahi tu angka barang-barang na ra salpu – songon sinadongan rupani. Angkon mararop ni roha tu Debata do halahi, i ma Debata na mangalehen sasudena tu hita marlobi-lobi anso sonang hita.

1 TIMOTEUS 6:2

Angka hatoban na martuan tu halak Kristen, nada tola pamenehonna tuanna i hara ni na rap Kristen i. Sugari nian, angkon mur jeges dope pangoloi ni halahi tu tuanna i, angke rap dongan sahaporsayaan na nihaholongan ni halahi do tuan na nioloan i di bagasan na denggan. Sudena on, angkon ajarkononmu do jana paingotkononmu tu halak sudena.

TITUS 2:15

Ajarkon ma sudena i, jana paingot ma halahi jana gorahon ma angka na umbege jamitamu sian sude gogomu. Ulang ma adong na marlayas ni roha tu ho.

TITUS 2:6

Paingot muse ma angka na poso anso malo mangarajai dirina.

TITUS 2:9

Angka hatoban angkon mangoloi do tu tuanna, jana di sude pangalaho angkon pasonangon ni halahi ma roha ni tuanna. Nada tola halahi mangalo na nidok,

IBRANI 13:22

Hupaingot ma hamu ale dongan, jagit hamu ma hata sipaingot i, angke saotik do isi ni suratkon tu hamu.

3 JOHANNES 1:4

Nada adong jop ni rohangku na gumodang di balik ni on, muda hubege na mardalan do dakdanakku di bagasan hasintongan i.