1 TESSALONIKA 1:6 - BIBEL JAMITA NA DENGGAN

⁶ Madung gabe ditiru hamu tiruannami dohot tiruan ni Tuhan i. Haru pe markancit situtu hamu, laing dijagit hamu do hata i mardongan jop ni roha. Tondi Parbadia do na mangalehen jop ni rohamunu i.

1 TESSALONIKA 1:6 ပူးပေါင်းရင်းမြစ်များ

HOSEA 2:14

Didok Tuhan ma, “Hara ni i obanonKu ma ia tu halongonan; elek-elehonKu ma ia disi marhite angka holong ni roha.

MATEUS 16:24

Dung i didok Jesus ma tu anak siseanNia i, “Muda adong halak na giot mangihutkon Au, angkon dihalupahon ia do dirina sandiri, dung i diporsan ia ma silangna dung i pe anso diihutkon Au.

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

BAENON NI ANGKA RASUL 13:52

Sai marmoga-moga do angka siihutkon Jesus na di Antiokia boti digohi Tondi Parbadia do halahi.

BAENON NI ANGKA RASUL 5:41

Morot ma halahi sian rapot ugamo i mardongan jop ni roha, harana na dung dietong roha ni halahi do patut marlayas hara ni Jesus.

BAENON NI ANGKA RASUL 9:31

Jadi sonang ma angka parlagutan na di Judea, na di Galilea dohot na di Samaria. Boti hara ni pangurupi ni Tondi Parbadia gabe mur martamba ma angka parlagutan i, angke sai mabiar do halahi tu Tuhan di ngolu ni halahi.

SURAT NI SI PAULUS TU PARLAGUTAN ROM 15:13

Debata do arop ni rohamunu. Sai digohi Ia ma rohamunu dohot jop ni roha bope dohot hasonangan di bagasan haporsayaanmunu tuSia, anso mur mararop roha hamu tu Debata baenon ni gogo ni Tondi Parbadia.

1 KORINTUS 11:1

Ihutkon hamu ma tiruan na hubaen songon pangihutkonku di tiruan ni Kristus.

1 KORINTUS 11:2

Hupuji do hamu angke sai diingot hamu do au jana sai diihutkon hamu do parsiajaran na huajarkon i tu hamu.

1 KORINTUS 4:16

Hara ni i gomos ma hupangido tu hamu, au ma tiru hamu.

2 KORINTUS 6:10

Haru pe dipaarsak rohanami, hape sai marjop ni roha do hami. Anggo idaon pogos do hami, hape bahat do halak gabe maradong hami baen. Anggo idaon na so adong do sanga na ahanami, tapi anggo satutuna sasudena do adong di hami.

2 KORINTUS 8:5

Dilehen halahi pe i, nada hara ni na hami hirim i sian halahi, tapi hara ni na jolo dipasahat halahi do dirina tu Tuhan, dung i tu hami muse, angke i do jop ni roha ni Debata.

GALATIA 5:22

Tapi anggo parbatu ni Tondi i, on do: Holong ni roha, jop ni roha, hasonangan, lambok ni roha, habasaran, lidang ni roha, hatomanan,

EPESUS 5:1

Dakdanak na nihaholongan ni Debata do hamu ale angka dongan. Hara ni i, tiru hamu ma Debata.

PILIPPI 3:17

Hamu angka dongan sudena! Tiru hamu ma au. Madung hami patuduhon tiruan na tigor, jadi denggan ma parrohahon hamu sanga ise angka na mangihutkon tiruan na hami baen i.

2 TESSALONIKA 1:4

Hara ni i do umbaen na hami puji hamu di tonga-tonga ni sude angka parlagutan ni Debata. Sian godang ni rohanami, hami paboa do sanga na bia togu ni rohamunu dohot haporsayaanmunu tu Kristus i di tonga-tonga ni siksaan dohot parkancitan na nitaonmunu.

2 TESSALONIKA 3:7

Hamu pe diboto hamu do, sanga na bia sapatutna baenonmunu maniru hami. Nada jungada losok hami dompak di tonga-tongamunu.

2 TESSALONIKA 3:9

Nada na so marhak hami mangido anso diurupi hamu hami, tapi anso gabe tiruan na denggan do hami di hamu anso ihutkononmunu.

2 TIMOTEUS 4:2

Jamitahon ma Jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu.

IBRANI 10:34

jana dohot do hamu mangkilalahon pardangolan ni angka halak na tarhurung. Jana di na hona rampas sude sinadonganmunu, jop do rohamunu manjagit sasudena i, angke diboto hamu do, laing adong dope di hamu na dao dumenggan na tahan salolot-lolotna.

1 PETRUS 1:6

Hara ni i angkon marjop ni roha do hamu, haru pe saonnari angkon laing marsak hamu santongkin hara ni na manaon angka pandugaan hamu.

1 PETRUS 1:8

Dihaholongi hamu do Ia haru pe nada jungada diida hamu Ia najolo. Jana dihaporsayai hamu do Ia haru pe saonnari nada diida hamu Ia. Dipapuji-puji hamu do Debata mardongan jop ni roha godang na so tarpajojor dohot hata.

1 PETRUS 3:13

Ise ma he ra mambaen na jahat tu hamu anggo sai jop do rohamunu mambaen na denggan?

3 JOHANNES 1:11

Dongan na nihaholongan! Ulang ma tiru hamu na jat i. Na denggan i ma tiru hamu. Sanga ise na mambaen na denggan, sian Debata do ro ni i. Jana halak na mambaen na jat, na so padumpang dope i dohot Debata.