1 TESSALONIKA 1:3 - BIBEL JAMITA NA DENGGAN

³ Muda hatiha mangadop hami tu Debata Amanta i, sai tongtong do hami ingot hamu, i ma karejo na nipatupamunu hara ni haporsayaanmunu tu Kristus, bope holong ni rohamunu maradopkon dongan na asing jabat disarihon hamu halahi dohot arop ni rohamunu na togu maradopkon Tuhanta Jesus Kristus.

1 TESSALONIKA 1:3 ပူးပေါင်းရင်းမြစ်များ

PAMUNGKAAN 29:20

Jadi karejo ma si Jakob pitu taon honokna anso dapot ia si Rahel, jana songon na manyalpui piga-piga ari sajo do dihilala ia na pitu taon i hara ni holong ni rohania mida anak boru i.

PARJAMITA 2:26

Debata do na mangalehen habisuhon, parbinotoan dohot hamogaan tu jolma na pasonangkon rohaNia. Tapi anggo halak pardosa disuru Ia do karejo manjalahi bohal dohot palagutkon suhana di halak na pasonangkon roha ni Debata. Jadi, sudena i magopo do songon karejo na manangkup angin.

ENDE NA GODANG 8:7

Nada margogo aek mangintopisa, banjir pe nada tuk mangalingkupsa. Sugari tartobusi holong ni roha dohot sinadongan, dapotsa ma hum habilean.

JOHANNES 14:15

“Muda holong rohamunu tu Au, dalankononmunu do angka na Huparentahon.

JOHANNES 15:10

Muda diihutkon hamu angka parentangKu, mangolu ma hamu sian holong ni rohangKu, laing songon Au na mangolu hara ni holong ni roha ni Damang, angke Huihutkon do na niparentahonNia.

BAENON NI ANGKA RASUL 10:31

Didok ia ma, ‘Kornelius! Madung dijagit Debata tangiangmi jana diingot Ia do denggan ni rohamu.

BAENON NI ANGKA RASUL 3:19

Hara ni i, pauba hamunu ma rohamunu sian angka dosamunu jana mulak ma hamu tu Debata, anso disesa Ia sude angka dosamunu i.

SURAT NI SI PAULUS TU PARLAGUTAN ROM 12:12

Jop ma rohamunu mararop roha tu Tuhan i, sobar ma hamu muda ro hasusaan, jana haburjuhon hamu ma na martangiang.

SURAT NI SI PAULUS TU PARLAGUTAN ROM 15:13

Debata do arop ni rohamunu. Sai digohi Ia ma rohamunu dohot jop ni roha bope dohot hasonangan di bagasan haporsayaanmunu tuSia, anso mur mararop roha hamu tu Debata baenon ni gogo ni Tondi Parbadia.

SURAT NI SI PAULUS TU PARLAGUTAN ROM 15:4

Harana sanga aha na dung tarsurat na jolo, gabe parsiajaran do i di hita, anso togu hita di panghirimon i, markite-hite hapohomon dohot pangapoion sian Buku Na Badia i.

SURAT NI SI PAULUS TU PARLAGUTAN ROM 16:26

Madung dipatidahon do saonnari hasimoon i markite-hite surat ni angka panurirang i, mangihutkon parenta ni Debata na salolot ni lolotna, jana dipabotohon i di sude bangso, anso porsaya halahi sude jana mangoloi tu Debata.

SURAT NI SI PAULUS TU PARLAGUTAN ROM 16:6

Tabengku muse tu si Maria. Songon i ma lojana dihilala ia na markarejo i di hamu.

SURAT NI SI PAULUS TU PARLAGUTAN ROM 2:7

Lehenon ni Debata ma ngolu na manongtong tu sude na mangkaburjuhon na denggan, hasangapan na sanggam jana na manongtong i.

1 KORINTUS 13:13

Jadi tinggal ma na tolu on: Haporsayaan, arop ni roha, dohot holong ni roha; tapi na gumodang sian na tolu i, holong ni roha do.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

2 KORINTUS 2:17

Nada songon halak na asing anggo hami, na mambaen jamita na sian Debata i songon barang sigadison sajo. Polin do tujuannami, harana Debata do na marsuru hami markarejo. Jana diida Debata sandiri do hami songon naposo ni Kristus pasahat jamita i.

GALATIA 1:4

na dung mangalehen diriNa hara ni dosanta, laho paluahon hita sian hajahatan saonnari, mangihutkon hagiot ni Debata Amanta i.

GALATIA 5:13

Na dung dipiohon do hamu angka dongan anso gabe halak na bebas. Tapi ulang ma hara ni na bebas hamu gabe dalan laho mangoloi giot-giotmunu na sai mardosa i. Tapi marsioloan ma hamu sama hamu hara ni holong ni roha.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

GALATIA 6:9

Hara ni i, ulang ma loja hita mambaen angka na denggan; angke muda inda marnaloja hita mambaen angka pangalaho na songon i angkon sabionta do suha ni i di hadudumpang ni hatihana.

1 TESSALONIKA 3:6

Saonnari madung mulak si Timoteus jana madung dipalalu ia barita jop ni roha taringot tu haporsayaan dohot holong ni rohamunu. Pandoknia tu hami, denggan do parningotanmunu taringot tu hami di bagasan rohamunu. Jana por do rohamunu sugari mida hami, laing songon por ni rohanami sugari mida hamu.

2 TESSALONIKA 1:11

Hara ni i ma dibaen na tongtong hami tangiangkon hamu. Hami tangiangkon do anso nian halak na tumbuk hamu di pamioon ni Debata. Sai diurupi Debata ma hamu hara ni kuasoNa i, anso tarpatulus hamu sudena na denggan na nihalungunkonmunu hombar tu haporsayaan i. Laing hami tangiangkon do, anso nian hara ni kuaso ni Debata, laing dipaujung Ia ma angka karejo na nikarejohonmunu hombar tu haporsayaanmunu i.

2 TESSALONIKA 1:3

Angkon sai tongtong do hami mandok tarimakasi tu Debata hara ni hamu ale angka dongan. Jana songon i do na patut baenonnami, angke mur porsaya do hamu tu Kristus jana mur marsihaholongan do hamu sude sama hamu.

1 TIMOTEUS 1:14

Hape asi ni roha ni Tuhanta i madung dipasupasuhon marlobi-lobi tu au. Dilehen Ia do i marhite haporsayaan dohot holong ni roha di bagasan Kristus Jesus.

1 TIMOTEUS 2:3

Denggan do tangiang na songon i, angke jop do roha ni Debata Sipalua hita, di na songon i.

IBRANI 10:36

Porlu do sobar hamu, jana muda dung dipatulus hamu hagiot ni Debata, jagitonmunu ma janji i.

IBRANI 11:17

Laing hara ni na porsaya, di na niuji ni Debata si Abraham, dipasahat si Abraham do si Ishak anakna i nihaulkon gabe haul. Haru pe madung dilehen tu si Abraham anak na nijanjihon ni Debata i; jana haru pe na dung didok Debata taringot tu dakdanak i, “Sian si Ishak on ma jagitonmu pomparan na Hujanjihon i tu ho,” haru songon i pe laing rade dope si Abraham pasahatkon anaknia na sasada i.

IBRANI 13:21

Sai dipasingkop Debata mual ni hasonangan i ma hamu di sasude na denggan i na porlu di hamu laho patuluskon hagiot ni rohaNia. Sai dibaen Debata ma di hita sanga aha giot ni rohaNia markite-hite Jesus Kristus. Tarpuji ma Jesus salolot-lolotna! Amen.

IBRANI 4:11

Hara ni i ringgas ma hita anso dohot hita masuk tu inganan paradianan i. Ulang jabat adong sahalak pe sian hita na madabu hara ni na mangihutkon tiruan na binaen ni na so porsaya i.

IBRANI 6:15

Jadi hara ni sobarna si Abraham paintehon, gabe dijagit ia do na nijanjihon ni Debata tusia.

1 PETRUS 3:4

Tapi na sian roha ma nian hajegesonmunu; umpamana halambohon dohot hadameon ni pangalaho; i do hajegeson na manongtong na mararga situtu di parnidaan ni Debata.

1 JOHANNES 3:18

Hamu angka dakdanakku! Ulang ma hum di pamangan sajo hita marholong ni roha sanga hum di hata sajo. Holong ni roha na tutu i ma tabaen mangkaholongi, sipataridahononta di pambaenanta.

1 JOHANNES 3:21

Ale hamu angka dongan na nihalungunan, muda nada diuhumi rohanta hita, adong ma pos ni rohanta mida Debata.

1 JOHANNES 3:3

Sude halak na mararop ni roha tuSia, dipaias ia ma dirina songon Ia na badia i.

1 JOHANNES 5:3

Angke muda nidok mangkaholongi Debata, na mangoloi angka tonaNia do astuan ni i. Jana nada pola borat di hita angka tonaNia i,

HALUMBAAN 2:19

Huboto do sude pambaenanmunu dohot holong ni rohamunu dohot pangoloionmunu dohot haporsayaanmunu dohot pohom ni rohamunu. Na umbahat do pambaenanmunu na parpudi on sian na parjolo i.

HALUMBAAN 3:10

Hara ni na dung nioloanmunu parentangKu anso sobar hamu, Au pe jagohononKu ma hamu anso laing horas torkis hamu mamolus hasusaan na giot masa tu sude portibi on. I ma na giot tarjadi laho manguji sasude jolma na satano on.