1 TESSALONIKA 1:1 - BIBEL JAMITA NA DENGGAN

¹ Sian si Paulus, Silvanus dohot si Timoteus tu parlagutan ni halak Tessalonika na di bagasan Debata Ama dohot Tuhan Jesus Kristus. Asi ni roha dohot hasonangan ma di hamu!

1 TESSALONIKA 1:1 ပူးပေါင်းရင်းမြစ်များ

BAENON NI ANGKA RASUL 15:22

Putus ma tahi ni angka rasul dohot angka pangituai rap dohot sude anggota ni parlagutan i laho mamili sanga na piga-piga halak sian halahi sisuruon tu Antiokia mandongani si Paulus dohot si Barnabas. Jadi ditodo halahi ma si Silas dohot si Judas na nigoaran muse si Barsabbas. Halak na sangap do halahi na dua dietong sian angka na porsaya di Jerusalem.

BAENON NI ANGKA RASUL 15:27

Jadi hami suru ma si Judas dohot si Silas mandapotkon hamu. Patangkason ni halahi sandiri ma tu hamu hata ni surat on.

BAENON NI ANGKA RASUL 15:40

Ditodo si Paulus ma si Silas dongannia, kehe ma halahi dung jolo dipasahat angka dongan na di Antiokia halahi tu Tuhan na manghaholongi halahi.

BAENON NI ANGKA RASUL 16:19

Jadi dung torang diboto angka tuanna i na so adong be dapot halahi parlaboan sian ia, ditangkup halahi ma si Paulus dohot si Silas, ditarik halahi ma sidua halak i tu balerong mangadop tu na markuaso.

BAENON NI ANGKA RASUL 16:25

Hira-hira tonga borngin, martangiang ma si Paulus dohot si Silas, angka marende bage halahi mamuji Debata. Dibege angka halak na tarhurung na asing i do halahi na marende i.

BAENON NI ANGKA RASUL 16:29

Dipangido kapala ni hurungan i ma sulu, dilojong ia tu bagasan. Humitir ma ia manungkap di jolo ni si Paulus dohot si Silas.

BAENON NI ANGKA RASUL 17:11

Umburju do roha ni halak Berea ulang pado halak na di Tessalonika. Jop do roha ni halahi umbege barita taringot tu Jesus, jana ganop ari do dipareso-reso halahi Buku Na Badia i laho patangkaskon sanga na tutu do na niajarkon ni si Paulus.

BAENON NI ANGKA RASUL 18:5

Dung lalu si Silas dohot si Timoteus tu Makedonia, tu halak Jahudi ma sude diabiskon ia ari-arinia laho mamaritahon jamita na sian Debata tu halahi, paboahon bahaso Jesus do Kristus i.

BAENON NI ANGKA RASUL 19:22

Jadi disuru ia ma dua halak angka dongannia i tu Makedonia, i ma si Timoteus dohot si Erastus, tapi anggo ia sandiri laing tinggal dope santongkin nari di Asia.

BAENON NI ANGKA RASUL 20:4

Rap ma si Sopater anak ni si Pirus halak Berea i dohot ia; songon i muse ma si Aristarkus dohot si Sekundus halak Tessalonika dohot si Gayus halak Derbe. Dohot si Timoteus, si Tikikus dohot si Tropimus halak na sian Asia i.

SURAT NI SI PAULUS TU PARLAGUTAN ROM 1:7

Tu hamu sude na di Rom, na nihaholongan ni Debata, na nipio jana dibaen gabe halak na badia: Asi ni roha ma di hamu dohot hasonangan na sian Debata Amanta dohot sian Tuhan Jesus Kristus.

1 KORINTUS 1:2

tu parlagutan ni Debata na di Korintus, i ma angka na diparbadiai di bagasan Kristus Jesus jana na nipiohon gabe angka halak na badia, dohot tu sude halak di sude ingananna, na mamiohon goar ni Tuhanta Jesus Kristus, i ma Tuhan ni halahi dohot Tuhanta.

2 KORINTUS 1:1

Surat sian si Paulus, rasul ni Kristus Jesus markite-hite hagiot ni Debata, dohot sian donganta si Timoteus, manopotkon parlagutan ni Debata na di Korintus, dohot sude dongan sahaporsayaan na di Akaya.

2 KORINTUS 1:19

Harana anggo Jesus Kristus, Anak Ni Debata na nijamitahon ni si Silvanus, si Timoteus dohot au sandiri tu hamu nada halak na “Olo” sanga “Inda”. Hum alus na “Olo” sajo do diSia.

GALATIA 1:22

Lopus tu hatiha i, anggo angka parlagutan ni halak Kristen na di Judea do, nada tangkas dope ditanda halahi au.

EPESUS 1:2

Asi ni roha dohot hasonangan ma di hamu, sian Debata Amanta dohot sian Tuhan Jesus Kristus.

PILIPPI 1:1

Sian si Paulus dohot si Timoteus, angka naposo ni Kristus Jesus, tu sude dongan sahaporsayaan di bagasan Kristus Jesus na di Pilippi, rap dohot di angka pamimpin dohot pangoloi. Hami na dua, si Paulus dohot si Timoteus naposo ni Kristus Jesus.

KOLOSSE 1:1

Sian si Paulus, rasul ni Kristus Jesus markite-hite hagiot ni Debata, dohot si Timoteus donganta i,

2 TESSALONIKA 1:1

Sian si Paulus, Silvanus dohot si Timoteus tu parlagutan ni halak Tessalonika na di bagasan Debata Amanta, dohot Tuhan Jesus Kristus.

1 TIMOTEUS 1:2

Tu si Timoteus anakku situtu di bagasan haporsayaan. Asi ni roha dohot hasonangan ma di ho sian Debata Amanta dohot sian Kristus Jesus Tuhanta i.

2 TIMOTEUS 1:2

Tu si Timoteus, anakku na nihaholongan. Asi ni roha dohot hasonangan ma di ho, sian Debata Ama dohot Kristus Jesus, Tuhanta i!

IBRANI 13:23

Boto hamu ma si Timoteus donganta i madung malua ia sian hurungan. Muda dung di inganankon ia, obanonku do ia muda ro au manopot hamu sanoli on.

1 PETRUS 5:12

Na niurupan ni si Silas do au mambaen surat na pendek on tu hamu; huetong do ia sada dongan Kristen na burju. Hubaen pe surat on tu hamu na giot manyosoi hamu do dohot paposkon rohamunu, taringot tu asi ni roha ni Debata na sintong. Togu ma hamu marsitiopan tu asi ni roha i.

1 JOHANNES 1:3

Sanga aha na hami ida dohot na hami bege i, laing i do na hami jamitahon tu hamu, anso tarbaen hamu rap dohot hami marhasadaan dohot Ama i dohot tu Jesus Kristus AnakNa i.

JUDAS 1:1

Sian si Judas naposo ni Jesus Kristus, anggi ni si Jakobus, tu angka halak na tarpio jana na nihaholongan di bagasan Debata Ama, jana na nijagohon ni Jesus Kristus.